San Juan 6:32 - Wounaan Meu

³² Magbaawai Jesuu amag, —Pari Moiseeu khabajimgui ajim amag pan deetarr; mʉ Ayau khabajieb ajim. Maimua ĩsjã agtha ich mʉ Ayauta ʉ̃gtharm pan pãrag dee sĩebahab; pari ĩsimʉn warr pãar jooinag deejerr khãaijã chi wajapcharamʉugui ajim.

Woun Meu

³² Magbaawai Jesuu hamag, —Pari Moiseeu k'abajimgui hajim hamag pan deetarr; mʌ Hayau k'abajieb hajim. Maimua hĩsjã hagt'a hich mʌ Hayauta hʌ̃gt'arm pan pãrag dee sĩebahab; pari hĩsimʌn warr pãar jöoinag deejerr k'ãaijã chi wajapcharamʌugui hajim.

San Juan 6:32 Iomraidhean Croise

San Juan 1:9

Magtarr aawaita chadcha mag irua jaaujerr woun i ẽudee beebajieb, Ẽwandam Iewaa. Ichdeuta ich gaaimuapai thumaam khʉʉnag Ẽwandam jãga sĩerrʉ́ a khap apiejem.

San Juan 15:1

Mamʉ mag wettarrau atarrta warag iyʉʉ nʉmua magjim Jesuu, ichpai igwia: —Mʉʉta chi uva kharau, maagwai mʉ Aai chi jĩirjem anaa chi jaarjemʉugui ajim.

San Juan 6:31

Maimua amachdeupai, Maar jooin õor chukag durr wenʉrraajeewai Moiseeu “maná” anʉm ʉ̃gtharmua khʉipitarrta khojierramgui ajierram. Ich Ẽwandam iek phã sim gaai jaauwaijã, “Ʉ̃gtharmua pan khʉipiwia amag khopijim” a sim. Maagwai puajã, ¿khani wau nʉ? ajierram deeu irig.

San Juan 6:33

Magnaa ichdeupai ich igwi, Pari mag pan ich Ẽwandamauta dee sĩewai ʉ̃gtharmuachata beejimgui ajim, õor iiupi awaag.

San Juan 6:35

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

San Juan 6:41

Irua magbarm ee chi judionaan sereu phobaadejim, Jesuu amach jʉ̃gdaar “Mʉʉta ʉ̃gtharmua beetarr Panau” a iekhabaawai.

San Juan 6:50

Mamʉ mua jaau chirʉm pan chan mag maná khĩir khabam. Mua mag ʉ̃gtharmua beetarr pan a chirʉmʉn, mʉch jaauwiata mag chirʉmgui ajim. Chi mag panta khobarm wounan ich magta iiu sĩsim iekhau.

San Juan 6:55

Mua mag chirʉmʉn, mʉ modouta mʉ bag ãrbarm dʉimua chadcha õor iiupi auju aawaita mag chirʉmgui ajim.

San Juan 6:58

Muan pãragan mag pãar jooinau maná khoojerr khĩir khaba, ʉ̃gtharmua beetarr panta khopi jaau chirʉmgui ajim. Mag maná õor ich mag iiupiejem khĩir khaba arr aawai par amau kho durrajieb pari mag kho nʉm gaaimuata Ẽwandamau am auju abajim. Mamʉ cha mua pan jaau chirʉmta khobarmʉn chadau Ẽwandamau auwi ich mag ich dʉi wai sĩsijugui ajim.

Gálatas 4:4

Mamʉ mag wenʉrrʉʉ awi ya Ẽwandamau ich Iewaa pʉiju ed aadeewai pʉiwi, Ẽwandamkha sĩerrta maach thumaam khʉʉn thaabatarrjo chadcha maar meeun ʉʉirau oowi, bʉ̃rʉʉ bãaumamua tagam khʉʉnjo mag Moiseeu ley deetarr ʉʉrkha khitʉmua jooipajim.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.