San Juan 6:30 - Wounaan Meu

³⁰ Magbaawai deeu amachdeu irig, —Pua deeu maar dakhĩir ag na marau ooba aajemta waukhiin chadau marau chadcha pʉ Ẽwandamauta pʉijim aju. ¿Mamʉ khani pua wau nʉ? ajierram.

Woun Meu

³⁰ Magbaawai deeu hamachdëu hirig, —Pua deeu maar dak'ĩir hag na marau hooba haajemta wauk'iin chadau marau chadcha pʌ Hẽwandamauta pʌ̈ijim haju. ¿Mamʌ k'ani pua wau nʌ? hajierram.

San Juan 6:30 Iomraidhean Croise

San Marcos 15:32

Magnaa ichigcha iekhamamua, —Israelam Rey, ¿pʉch khabá õor peerdʉ aumkhĩir Ẽwandamau pʉitarr? Magan pakuls gaaimua eeg ʉʉrbabaad anaajim aajem. Pʉ chadcha maar dakhĩir eeg ʉʉrbamʉn, maach daúacha oobaawai marau pʉ iek ʉkhaju anaajim anʉm irig. Ich dʉicha mag ãba õor numí agjo pakuls gaai narr khʉʉnaujã irig iek khaigba iekha naajim aajem.

San Marcos 8:11

Mag mawia ya chi Jesús barbaimam khaugphobaadeewai i aig beejierram aajem, fariseonaan. Mag beewia ogthom daau chadcha i Ẽwandamau pʉitarrta jãg nʉrrʉm khai a khap aag awi irig, —Magan maar dau na ag na õrau nem ooba aajem nem waubá aichejierram anʉm irig, marau oog ithee.

San Juan 10:38

Pari pãachdeu oowai muajã irua nem waaujemta wau chirʉm khai, mʉ iek ʉkhaba awiajã khaphʉ abat ajim: ich Ẽwandam chi Aaijã mʉ dʉi sim, maagwai mʉchjã mʉch Aai dʉi chirʉm.

San Juan 12:37

Parii Jesuu maach meeun judionaan khapan thʉnʉm dakhĩir nem khĩir pogkhe waumamua ich jua oopipi aajerrjã wajappai i iek ʉkhaba aajeejim.

San Juan 2:18

Mag amach dakhĩir dawag õor jʉrkhʉʉibapʉim oobaawai judionaan chi pornaanau irig, —Pʉchdeu Ẽwandam di kõit jãg chirʉpí, pʉ iek mag pʉʉta Ẽwandamau warrgarwe pʉiju a jaaujerr anaawai magan maar dakhĩir ag na marau nem ooba aajem ich Ẽwandam denjo waubá ajierram irig.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 6:2

Mag i ag khĩirphee petaawai õor pom i ẽudee ereubaadejim, amachdeu mag õor mor masim khʉʉn pooma monaaumamua i jua theeg oojerr aawai.

San Juan 6:36

Mamʉ chaig mʉchdeu pãrag jaau chirarrjo, pãraun mʉ oo naab mamʉ, bʉ̃ʉrjã mʉ iek ʉkhaba nʉmgui ajim.

Hechos 4:30

Mor masim khʉʉnjã monaaunaa pʉch Chaai pekau chukhu khitʉm Jesús ag jua theegau nem maadeu ooba aajempa marag waupibá, magʉm gaaimua õrag pʉch jua theeg oomkhĩir a jeeumajierram aajem.

1 Corintios 1:22

Judionaanaun sĩi amach dakhĩir ag na õrau nem ooba aajemta amach dakhĩir waupim khõchkha thʉnʉm; pari mag wauba aawaita mag maach peerdʉajem iek jaauwaijã ʉkhaba thʉnʉm. Maagwai jũrr griegonaanau warag nem thum khaphʉm aajem khʉʉn iek ũrm khõchgauta amachig maach peerdʉajem iekdam jaauwaijã ʉkhaba thʉnʉm.

Hebreos 2:4

Mamʉ magpaijã khaba, mag maach peerdʉajem iekhan chadcharau a khap amkhĩir, ich Ẽwandamaucha mag ich iek jaau durrum khʉʉnag õorjã dau daau monaaupi maajeejim. Mag nʉm dʉi ĩchab ĩs ewag pawiajã ichdeupai ich Akhaar jua theeg gaaimua maachigjã nem khĩir pogkhe waupiejem, magʉm gaaimua mʉg i iek jaau nʉmʉn chadcharau a khap apieg. Magua mʉg maach peerdʉajem iek jaau nʉm ũurwai par jʉ̃gʉupai ũrba ʉkhaju aai nʉm.