San Juan 6:27 - Wounaan Meu

²⁷ Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.

Woun Meu

²⁷ Jãg sĩi biwaau t'ach k'öm k'õchgaupai mʌ hẽudee hẽk'a wënʌrraju k'ãyau, tag bʌ̃ʌrjã jãsöo hapiba hich mag pãach hiiupiejem pan k'ĩirta hat'at hajim hamag. Mʌch chi Hemk'ooi Hiewaauta mag pan pãar hat'ee wai chirʌm. Mʌch Haai Hẽwandamau pãrau hag na mag nem hooba haajem waumk'ĩir juapá deetarrauta nem waaujeewai pãrau mʌ hiek hʌ̈k'anaa hichdëuta mʌ pʌ̈itarrjã k'ap'ʌ haju haai nʌmgui hajim.

San Juan 6:27 Iomraidhean Croise

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 25:46

Maimua ya ãbmiecha iekha oogpamua maar dakhĩir, —Muata mag iekhabarm khʉʉnan khĩmie durrta wetjugui ajim, mamta ich mag dau aphʉʉ wenʉrraag. Mamʉ õor wäjäaun mag mʉch juachaar gar atham khʉʉnan, mʉch dʉita ich mag iiu nʉisijugui ajim, ich mag wenʉrraag.

San Mateo 3:17

Magbarm ee ĩchab ʉ̃gtharmua woun iekjo, “Mʉʉta mʉ Chaai mʉchdeu jãsehne wai chitʉmʉu; i gaaimua mʉ onee chiraajemgui” abarmjã ũrjim anaabá.

San Mateo 6:19

’Mʉig eegarwe chan oob phatkhon wa nem inag pom khãijã paarpaju ẽkhamiet. Mʉiguin nem thum polieu ãrnaa khukhungaujã jẽeumaajem; mag nʉm dʉi nem jĩgmienaujã sĩi dubwia jĩgkhamaajemgui a jaaumajim anʉm.

San Mateo 8:20

Magbaa jũrr Jesuu irig, —Pʉchdeu mag mʉ dʉi mam khõsi chirʉm khai, marrau magan; mamʉ pʉrʉg jaaukhimgui ajim anʉm: Mʉ khãyau pabʉ eem nemchaain amach khãaijem jẽbdi paraam; nem ichpanjã kheeupaawai amach khãaijem khãidu wai sĩsidʉm. Mamʉ mʉch chi Emkhooi Iewaa chan mʉg chitʉm aig kheubaadeewai khãyaag wajapha werba chiraju didamjã chukhu chitʉmgui ajim anʉm. Pʉjã mʉjo magta chitam khõsi chirʉm khai, marrau magan ajim anʉm.

San Marcos 1:11

Magbarm ee ĩchab ʉ̃gtharmua õor iekjo, “Iewaa, pʉʉta mʉ Chaai mʉchdeu jãsehne wai chitʉmʉu; pʉ gaaimua mʉ onee chiraajem” abarmjã ũrjim aajem.

San Marcos 9:7

Mag am jãphierr nʉm ee, degolp sĩi edjã eemua jʉʉnthumie baug beewi, am joodʉ athaicheewai, sĩi ag ee ierr paaukhabaadejim anʉm. Magbarm ee woun iekjo, “Chamʉʉta mʉ Iewaa mʉchdeu jãsehne wai chitʉmʉugui” ajim anʉm, “õor peerdʉ aumkhĩir mʉchdeucha jʉr autarr. Irua nem jaau simta ipierraa abat” ajim anʉm.

San Lucas 3:22

Ẽwandam Akhaar duburjo khitʉmta dau daau beewia i ʉ̃r jupchejim anʉm. Mag jupbaichem dʉi edjã eemua woun iekjo, “Iewaa, pʉʉta mʉ Chaai mʉchdeu jãsehne wai chitʉmʉu, pʉ gaaimua mʉ onee chiraajem” abarmjã ũrjim anaabá.

San Lucas 9:35

Mag jʉʉnthumie ee am ierr paaukhabaadeewai ag eemua woun iekjo, “Chamʉʉta mʉ Iewaa, mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua jaau simta ipierraa abat” a iekhabarm ũrjierram anʉm.

San Juan 10:28

Magbaawai mʉchdeuta mʉch Aai aar am oberju aai apiejem, tag okhooba sĩi i chaainkha ich mag wenʉrramkhĩir. Ya magbarm chan ni ãbmuajã mʉ jua eem khechthʉg aubamgui ajim.

San Juan 11:42

Mua khaphʉ chirʉmgui ajim, mua pʉchig jeeuwai pua mʉ iek ʉkhaajem. Pari magʉm ãba, ichiita thumaam khʉʉn jʉ̃g daar mua thet mag ʉu ajim a chirʉmgui ajim, thumaam khʉʉnag chadcha pʉchdeuta mʉ pʉijim a khap amkhĩir.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 15:24

Õrau ag na wauba aajem nempa mua am dakhĩir waujimgui ajim, magʉm gaaimua khãijã ʉkhamkhĩir. Mua mag wauba arr akhiin, amachdeu mʉ isegtarr gaaimua chadcha am Ẽwandam dʉi iekkhõr chukhu naakham. Pari ya amach daúacha mag ootarrjã ʉkhabanaa warag mʉ oomap nʉm aig, ich chi mʉ pʉitarrpata oomapha nʉmgui ajim.

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 3:15

Wajapcharan mag nemkhõrkha wau sim pa gaai jiir wejorragta oobaawai monaaujerrjo, chi mʉrʉgta ich peerdʉ aupi sim khʉʉn peerdʉwia Ẽwandam aarcha oberwia ich mag iiu sĩerrajugui ajim.

San Juan 3:33

Pari ar ʉu i iek ʉkha durrum khʉʉnaun mag ʉkha nʉmua, “Ẽwandamaun chadchata iekha sĩerrʉm” anʉm khabahab ajim anʉm, Jesús igwia i Iewaa a iekhaawai.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

San Juan 6:51

Mʉchta mag pan ʉ̃gtharmua beetarr õor iiupiejem khabahab ajim. Mag panta kho simʉn ich magta iiu sĩsiju. Mamʉ mag panjo mua pãrag deeju a chirʉmʉn, thumaam khʉʉn iiu wenʉrraju aai amkhĩir am kõit ʉdʉraa mʉch thõopijuuta jaau chirʉmgui ajim.

San Juan 6:53

Jũrram khʉʉnau mamagkham ũrwia Jesuu amag magjim: —Mʉ cha iekha chirʉm iekhau ar mʉch chi Emkhooi Iewaa modta khowia mʉ bagjã doba sim chan pod ich mag iiu nʉrrabamgui ajim.

San Juan 6:54

Magarrau chadcha chi mʉ mod khowia mʉ bagjã do sim khʉʉn chadau meewiajã deeu iiu phiidʉwia ich mag iiu sĩsim iekhau ajim. Pari magaagan mʉg atag mʉg durr o nʉm edjã mʉchdeuta deeu ũwaai i phiriu aujugui ajim.

San Juan 6:58

Muan pãragan mag pãar jooinau maná khoojerr khĩir khaba, ʉ̃gtharmua beetarr panta khopi jaau chirʉmgui ajim. Mag maná õor ich mag iiupiejem khĩir khaba arr aawai par amau kho durrajieb pari mag kho nʉm gaaimuata Ẽwandamau am auju abajim. Mamʉ cha mua pan jaau chirʉmta khobarmʉn chadau Ẽwandamau auwi ich mag ich dʉi wai sĩsijugui ajim.

San Juan 6:62

Magan pãach dakhĩir Emkhooi Iewaa deeu ũwaai warr ich sĩerr aar sĩeimaag ʉ̃gthaa papagmam ookhiinjã, pãrau ¿jãga khĩirjukhajĩma? Mag ookhiinjã ¿mʉ chadcha ʉ̃gtharmua beebajim ajupá? ajim.

San Juan 6:68

Magbaawai Simón Pedroou irig, —Señor, mag wetwiajã, ¿khai aar maar ereubaadeju? Ãba pʉchdeupaita õor iiupiejem iek wai sĩebahab ajim.

San Juan 8:18

Mag ley gaai destignaan numiim khʉʉnauta ãba jaauju aai nʉm a sĩewai, maar chi jaau nʉm khʉʉnjã numí naabahab: Dau ãb, mʉchpaiu; maimua ãbakhai, mʉ Ayaugui ajim, chi mʉ pʉitarr. Magua mua mʉch igwia mʉʉta mʉg durr gaai wenʉrrʉm khʉʉn athee õtdauu aawaijã chadcha balee simgui ajim, mʉch Aai dʉimuata mag jaau chiraawai.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

Hechos 2:22

Pedroou mag Ẽwandam iek phã pʉarr jaau dichwia, ĩchab ijẽjẽbkhamua, —Keena israelnaan, cha mua iekhaagpam ajapha ũrbat ajim anʉm. Pãrau khaphʉ nʉmgui ajim anʉm, Jesús Nazaretpierrta ich Ẽwandamaucha pʉitarr aawai pãach ee ag na nem mag ooba aajerr irua wau nʉrraajerr gaaimuata Ẽwandamau pãrag ich jua theeg oopijim.

Romanos 4:11

Mag phʉʉrbich nʉmta chi dauchach ajim, thãraucha ʉkhabaawai ich Ẽwandamau wajaug paapʉinaa pekau chukhu aajerrjo apʉi nʉm den. Magtarr aawai ich jooi Abranta judionaan denjo mag meheu phʉʉrbichba naawiajã pari thãraucha ʉkha nʉm khʉʉn porkha sĩsijim. Magta ĩchab ewag pawiajã ʉkhaa chaar ʉkha nʉm khʉʉnan ich mag jaar aajerrjo ĩsjã Ẽwandamau wajaug paapäaijem.

Romanos 6:23

Pekau chogkha nʉmjo nʉmuan sĩi warag maach okhoom iekta okhoopiejem. Pari jũrr Ẽwandamau ich chogkha wenʉrrʉm paar maachig deeju jaau simʉn, ʉ̃gthar pawiajã ich mag ich dʉi phe wai sĩsijuuta jaau sim, maach Por Jesucristo dʉi õor ãbpaimjo naawai.

1 Corintios 6:13

Ĩchab ãaur khʉʉnau pãar ee maagjem: “Phiejãban khoog atheeta waaujem; maagwai maach bi thachdam kho nʉm atheeta Ẽwandamau deejim” aajem. Ma chadcha khoog atheema phiejãban, maagwai mag thach kho nʉmjã pekau khábama; pari ichiita Ẽwandamau magʉm thum chukhu apʉiwia maach bijã jẽbeg paapʉiju. Pari mag maach bi thach atheem awiajã, maach mor chan sĩi dich õor khabam dʉi parhooba khapes amkhĩir khabajim. Maach moron maach Por Jesucristo atheyau, thum ichdeu nem waupi sim wawaag. Maagwai ich Jesucristo, jũrr maach mor atheyau, í maach mor ee sĩejeewai.

1 Corintios 9:2

Bigaaum khʉʉnau mʉ eugar, “Jã chan ich Cristooucha ich i jaaumkhĩir jʉr autarr khabam” aju. Pari pãraun mʉ igwia, “Ich Jesuucha jʉr autarrau” a iekhaju aai nʉm. ¿Jãgwi? Mʉ gaaimuata pãachdeujã maach Por Jesucristo iek wajapha ʉkha nʉisiewaima.

2 Corintios 4:18

Chadcha agtha mʉchdeu ooba chirab mamʉ, magtarr jũrr Cristoou mʉch dʉi ajapha aju khĩirjubaadeewaita mʉg jẽb gaai sĩi chikham jua machgau aphʉʉ chitawiajã magʉmjã igba chitʉm. Mʉg eegar aawai maadeu nem wajapham oo nʉmʉn jopcha thum chi matarrjã khaugba aju; pari ʉ̃gtharm nem chan chugpaajã khaugba ich mag sĩerrʉm iekhau, oojã khaugba.

Gálatas 5:6

¿Jãgwi mua mag chirʉ́? Mua mag chirʉmʉn Ẽwandamau oowai Cristo iekta ʉkha nʉm khʉʉnan meheu phʉʉrbichba naawiajã thum agdaujopai oojeewaita mag chirʉm. Iruan magʉm nemta wauju khãai, ãba ich iekpai ʉkha nʉm dʉi ichjã khõsinaa dich khapeenjã kha khõsita apiejem.

Filipenses 2:13

Magaag athee ich Ẽwandamauta ich khõchagpierr pãrag mag nem waupim khõsi api sĩewai ichdeuta pãar juagjã oojem.

Colosenses 1:29

Magaag atheeta mʉʉn maach peerdʉajem iek jaau chirʉm, magaagjã ich Cristo jua theeg mʉ gaai simuata mag jaaupi sĩewai.

Colosenses 2:22

Jãgʉm nem sĩi mʉig eegar õor maachjopai thʉnʉm khʉʉnau amach iiupai jaau nʉm khabahab. Magʉm nem sĩi bʉ̃ʉr abarmua chukhu aadeejeewai sĩi magʉm khoojerr gaaimua wa magʉm ʉʉrkhaajerr gaaimuapai chan Ẽwandamau maach aubaju.

1 Tesalonicenses 1:3

Mag pãar igwia irig ʉu ajim anʉm aig ĩchab marau khĩir eyaa aajem, jãga pãrau pãachdeu ʉkhatarr iek gaai bʉ̃ʉrjã iekcheba warag phidkham khõsi phidkha nʉ, maimua jãga mag maach Por Jesucristo beejujã khõsi nʉ nʉm gaaimua chikhamnau pãach dʉi khaigba aadep aawaijã ichdeu pãar eeg oojẽ, magʉm iekjã igba ãwat wenʉrramkhĩir. Marau khaphʉ nʉm, pãrau chadcha dich khapeen kha khõsinaa Ẽwandamjã khõsi naawaita jãg phidkha nʉm. Mag gaaimuata irig ʉu ajim a durraajem pãar kõit.

2 Timoteo 2:19

Par amau mag amach iphithur amach khõchagpierr jaau wenʉrrab mamʉ, Ẽwandam iek chan cambieba ich mag sĩerrʉm. Mag sĩewai ich iek gaai, “Maach Por Ẽwandamau ich chaainan thum wajapha khaphʉ sĩerrʉm” a phãnaa ĩchab, “Thum maach Por Ẽwandamag jeeu wenʉrraajem khʉʉnan amach khaibag isegju aai nʉm” a phã sim.

Hebreos 12:16

Pãach ee iwiir ãbmuajã oob dich õor khabam dʉi chan khapes amiet; oob Ẽwandamau waupim khõsimʉgta sĩi oobamjo am khõchgau warr jooingar Esaú arrjo amiet. Esaú ichta chi naam arr aawai ichdeuta ich aai nem thum jʉ̃akham; mamʉ mag jʉ̃aju arrta sĩi jãsogau thach thep ãbpaim dʉi jũrr ich eeumʉgta ichdeu nem jʉ̃aju arr thum thʉsĩepʉijim anʉm.

Hebreos 4:11

Maguata maachin Ẽwandam iek jaau nʉm maachdeu ũrtarrta warag ogdʉba ʉkha nʉmua mag i dʉicha naaimajuuta ẽkhaju aai nʉm, ni ãbmuajã israelnaanau Ẽwandam iek ʉkhaba arrjo aba.

Santiago 1:11

Edau pes wʉʉbaadee, khiurbaadee, sĩi khʉʉijem. Mag khʉibaadee ooimʉ thʉnarrjã warre chi ooimʉg okhoojem. Riknaanjã ich agjota thʉnaabahab. Phatkhon warag paarpaju ẽkha nʉm ee meebaadee magʉm nem thumaa sĩi werpʉajem.

1 Pedro 1:24

Maguata ich iek phã sim gaaijã ich iek ich mag chugpaa khaugba sĩerrʉm igwi magjim: “Sĩi ich mag eumee wenʉrraag khaba aawai mʉig eegarin õran sĩi pabʉ kher khukhuur thʉnaawi khʉibaadeejemjota nʉm. Par amau wir aig amach thoo aawaijã sĩi mag pabʉ khũchpai maar bau thʉnaawi deeu khiugphe khʉibaademjota aajem, ya meebaadeewai.

2 Pedro 1:17

Maar dakhĩir ajim Ẽwandam chi Ayau ich Iewaa khĩir ajaugau sĩi bʉ̃ʉmjo apiwi ich Ẽwandam thumaam khʉʉn khãai ʉ̃rʉʉcha sĩerrʉmuata i igwi jʉʉnthumiejo bau wejom eemua, “Chamʉʉta mʉ Iewaa, mʉchdeucha jʉr autarrau; iita mʉ thãrau” a iekhatarr.