San Juan 6:26 - Wounaan Meu

²⁶ Magbaawai Jesuu amag, —Chadcha pãrau mʉ jʉr wenʉrrʉmʉn, sĩi pãach thach biwaau khopitarr aawaita pãrau mʉ jʉr wenʉrrʉmgui ajim. Mamʉ ĩs mag mua jãg pãach dakhĩir wautarr gaaimua mua jaau chitʉm ʉkhakhimjã aba nʉm.

Woun Meu

²⁶ Magbaawai Jesuu hamag, —Chadcha pãrau mʌ jʌr wënʌrrʌmʌn, sĩi pãach t'ach biwaau k'öpitarr haawaita pãrau mʌ jʌr wënʌrrʌmgui hajim. Mamʌ hĩs mag mua jãg pãach dak'ĩir wautarr gaaimua mua jaau chitʌm hʌ̈k'ak'imjã haba nʌm.

San Juan 6:26 Iomraidhean Croise

San Juan 3:3

Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

San Juan 3:5

Magbaawai jũrr Jesuu deeu ũwaai, —Ʉ̃hʉ̃, mua chan sĩi thaabaa chaar thaaba nʉm jaauba chirʉmgui ajim. Mua mag eeupemjo thaabaju a chirʉmʉn, Juanau por choo simua jaaujerrjo Ẽwandam Akharag dich khĩirjug chi iiurig paapʉipi nʉmta jaau chirʉmgui ajim. Magbam chan pod Ẽwandam sim aar oberbam, agtha i den khaba sĩewai.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 6:15

Mag nʉmua warag ajués ich pʉr arrwia amach reikhapim ig nʉm ichdeu khaug athaawai warag durrsĩeg petajim, mam ich appai sĩeimaag.

San Juan 6:2

Mag i ag khĩirphee petaawai õor pom i ẽudee ereubaadejim, amachdeu mag õor mor masim khʉʉn pooma monaaumamua i jua theeg oojerr aawai.

San Juan 6:24

Mag chadcha amachdeu oowai, Jesús aig khaba ni maar i dʉi wenʉrraajem khʉʉnjã aig khaba nʉm khaug athaawai, mag bote jopdʉtkhachetarr ee jũrr dojãrr paaukhabaadejim aajem Capernaumag, Jesús ẽudee i jʉr wetumua.

San Juan 6:30

Magbaawai deeu amachdeu irig, —Pua deeu maar dakhĩir ag na marau ooba aajemta waukhiin chadau marau chadcha pʉ Ẽwandamauta pʉijim aju. ¿Mamʉ khani pua wau nʉ? ajierram.

San Juan 6:36

Mamʉ chaig mʉchdeu pãrag jaau chirarrjo, pãraun mʉ oo naab mamʉ, bʉ̃ʉrjã mʉ iek ʉkhaba nʉmgui ajim.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

San Juan 6:53

Jũrram khʉʉnau mamagkham ũrwia Jesuu amag magjim: —Mʉ cha iekha chirʉm iekhau ar mʉch chi Emkhooi Iewaa modta khowia mʉ bagjã doba sim chan pod ich mag iiu nʉrrabamgui ajim.

San Juan 6:64

Pari mua mag jaau chirʉm ee pãar ee ãaur khʉʉnau mʉ iek ʉkhaba thʉnʉmgui a iekhamajim. Jesuu amag mag iekhatarran, warrgarwejã chijã khʉʉnauta i iek chadcha ʉkhaba naaju a khaphʉnaa chijãguata wir aig i oomapham khʉʉnagjã ich pʉr deeju a khaphʉ sĩerr aawaita mag iekhapʉijim.

Romanos 16:18

Jãg nʉrrjeem khʉʉn chan chadcha maach Por Jesucristo athee phidkham khõsi aawaita mag wenʉrraba, sĩi amach khõchagpierr nem waum khõchgaupaita jãg nʉrrjeem. Aman chadcha nem iekhaa khaug khĩir ee bebedomjo nem jaau sĩerrjeem, pari mag wenʉrrʉmʉn sĩi õor khĩirjug meraam khʉʉndam imeraa khũguraagpaita jãg nʉrrjee aajem.

Filipenses 2:21

Tagam khʉʉnan sĩi amach wir aigpaita khĩirjuajerram. Mamʉ mag sĩsidʉm Jesucristo athee nem wauju khĩirjug chan bʉ̃ʉrjã khĩirjubamjota aajerram.

Filipenses 3:19

Jãgʉm khʉʉnaun sĩi parhooba amach o khõchagpierr nem wau nʉmta, ajaug ʉ̃rpai sĩsidʉm aajem. Mag nem khaigba wau nʉm awia chigaa ajojoopaijã khaba, warag amachta tho iyʉʉ aajerram. Amau ãba mʉg jẽb gayam nempaita khĩirju nʉm. Mamʉ magʉm paar Ẽwandamau khĩmie durrta am barkhʉʉipʉiju, ich mag dau aphʉʉ wenʉrramkhĩir.

1 Timoteo 6:5

Magʉm khʉʉn chan meeukha chikham ipeer ahau khaphobaademjã pʉam igba, ich mag sĩerrjeem, ya am amachdeu mag nem parhoob khaugba jaau nʉmʉgta por aragpa nʉm gaaimua Ẽwandam iek chi ajapcharamta iseg wai naawai. Am khĩirjugan jãg Ẽwandam i awia, amachdeu jaau wenʉrrʉm gaaimuata sĩi phatkhon pom au wenʉrraju khĩirju thʉnʉm. Ar sĩi magʉm khĩirjug wai sĩsidʉm khʉʉn dʉi oob khapeerkha chitam.