San Juan 6:2 - Wounaan Meu

² Mag i ag khĩirphee petaawai õor pom i ẽudee ereubaadejim, amachdeu mag õor mor masim khʉʉn pooma monaaumamua i jua theeg oojerr aawai.

Woun Meu

² Mag hi hag k'ĩirp'ee petaawai hõor pöm hi hẽudee hërëubaadëjim, hamachdëu mag hõor mor masim k'ʌʌn pöoma monaaumamua hi jua t'eeg hoojerr haawai.

San Juan 6:2 Iomraidhean Croise

San Mateo 12:15

Mag ich thõopʉiju khĩirju phobaadem ich Jesuu khaug athaawai ichta warag aigmua petajim. Mag i petaawai õor pom dʉi i ẽudee wetjim. Jesuu mor masim khʉʉn thum ich aig waibee nʉm monaaupʉi maajeejim.

San Mateo 13:2

Maigmua ich bigaau õor pom phʉʉrbaadeewai ichta warag bote ee waaidʉwi dojãrraa barjoisijim. Maagwai chi õran durr mos gaaipaita pos thʉnaajim.

San Mateo 14:14

Maimua ya jopimawia ooimaawai i na õor pooma thʉnaajim. Magbaawai am dau aug khaugwi am aaunaanjã monaaupʉimajim.

San Mateo 8:1

Mag durrsĩ gaai Jesuu õrag jaau sĩi awia ʉʉrbaau, õor pooma i ẽudee wetjim anʉm.

San Marcos 1:45

Mamʉ Jesuu mag ich monaautarr õrag jaaupiba arrta ich nʉrrʉmpierr jaaubaadejim anaabá. Mag gaaimua Jesús tag phobor ee parhooba oberju khaba, õor chukag chʉʉita sĩsijim aajem. Mamʉ magʉm ãba, mam phobor igaau i sim aar durrpierram khʉʉn i aar baarjeejim anaabá.

San Marcos 6:33

Pari mag am wetum õor khapankham khʉʉnau oopʉijierram aajem. Amachdeu mag oobapäaiwai, i barjujã khaphʉ narr aawai, jũrr khʉd ee khaphig phobaadewi, amachta i barju nawe bardʉtkhaimawia i nʉ naaimajim aajem.

San Juan 11:47

Magbaawai chi fariseonaan, phadnaan chi porkha narr khʉʉn dʉi ãba, tagam khʉʉn chi thierrnaanpa biirdʉjierram aajem. Mag biirdʉnaa amach eepai jũrr amach khapeenagta, —Keena, ¿maadeu jãga ajuma jãg woun dʉi? ajierram anʉm. Jãguan chadchata maach dauderraa ag na õrau nem ooba aajempata wau nʉrrʉm.

San Juan 12:37

Parii Jesuu maach meeun judionaan khapan thʉnʉm dakhĩir nem khĩir pogkhe waumamua ich jua oopipi aajerrjã wajappai i iek ʉkhaba aajeejim.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

San Juan 2:23

Mag Jerusalenag mawia am phiesta Pascua ee simua ich iiu aawai ag na õrau nem ooba aajempa wautarr oowia õor khapanaam khʉʉnau i iek ʉkhajierram.

San Juan 20:30

Mag tag Jesuu nem khĩir pogkhe õrau ooba, ni waujã wauba aajem pooma waaujeejim maar dakhĩir, chadcha Ẽwandamauta ich pʉitarr õrag khap amkhĩir. Pari magtarrta mua mʉg ẽsap gaai thumjã phãba, ãaurpaita phãjim.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 6:22

Ag noram ãspaau thoom igar thʉbagkhatarr khʉʉnau khaug athajierram aajem, jap ãbpai aig sĩerr ee maar ereubaadem. Mag maar weetwai chi Jesús maar dʉi maba arrjã khaphʉ naajim aajem ĩchab.

San Juan 6:26

Magbaawai Jesuu amag, —Chadcha pãrau mʉ jʉr wenʉrrʉmʉn, sĩi pãach thach biwaau khopitarr aawaita pãrau mʉ jʉr wenʉrrʉmgui ajim. Mamʉ ĩs mag mua jãg pãach dakhĩir wautarr gaaimua mua jaau chitʉm ʉkhakhimjã aba nʉm.

San Juan 6:30

Magbaawai deeu amachdeu irig, —Pua deeu maar dakhĩir ag na marau ooba aajemta waukhiin chadau marau chadcha pʉ Ẽwandamauta pʉijim aju. ¿Mamʉ khani pua wau nʉ? ajierram.