San Juan 6:19 - Wounaan Meu

¹⁹ Ya maagwai maar dojãrr naajim. Cinco khabamʉn seis kilómetros khãijã naajim, dohi aigmua chi warphag. Mag nʉm eeta marau oowai, Jesuuta dojã ʉ̃r durramjo dʉdʉrg urum oophobaadejim. Mag oophobaadeewai maar jãphierr phobaadejim.

Woun Meu

¹⁹ Ya maagwai maar döjãrr naajim. Cinco k'abamʌn seis kilómetros k'ãijã naajim, döhi haigmua chi warp'ag. Mag nʌm heeta marau hoowai, Jesuuta döjã hʌ̃r durramjö dʌdʌrg hurum hoop'öbaadëjim. Mag hoop'öbaadeewai maar jãp'ierr p'öbaadëjim.

San Juan 6:19 Iomraidhean Croise

San Lucas 24:13

Maimua ich ag edpai õor numí phobor Emaús anʉmʉg wetjim aajem. Mag Emaús phobor Jerusalenmua once kilómetros sĩejim aajem chi warphag.

San Lucas 9:42

Mag chadcha chi ayau aidurum ee, chi chaai ich beneu theega barbaademua warre jẽkhʉt barwerppʉijim anʉm. Magbaawai Jesuu chi mepeer mag chi chaai mor ee simʉg meeurraunaa obeerpi jaaubaawai warre oberbaadejim anaabá. Mag chaai monaaupʉiwia chi ayag, —Ar kherʉm pʉ chaai ajim anʉm.

San Juan 11:18

Mag chi meetarr phobor Betania anʉm Jerusalén dakha kilómetros thãrjupjo sĩejim baraag.

San Juan 14:18

Mag iekhakhagmamua, —Wouchnaanjo chan mua pãar dau aphʉʉ phepʉabamgui ajim. Mawiajã mʉʉn ũwaai deeu pãar dʉi chiraichejugui ajim.

San Juan 6:18

Mag ya maar dojãrr wetumta, phũ theeg webaadeewai sĩi phũas baupa aadejim.

San Juan 6:20

Pari mag maar jãphierr phobaadeewai ichdeu marag, —Oob jãphierrmiet, mʉ khabahab ajim.

Apocalipsis 14:20

Magta phobor igaau arrnaa chi cho piirjʉupʉijim. Mag piirjʉubaadee, ag eemua chi cho sĩi dosĩgjo phur jĩubaademua, warpham magwe trescientos kilómetros sĩi bag phur ũur joisijim. Mag dojo ũur wejom naug ee cabaai dʉnʉʉupi ootarr akhiin, i opierrjo sĩejim, chi naug. Mag dojo ũur wejom a simʉn, õor khech nʉm jaar bag pom ãrjuuta jaau sim.

Apocalipsis 21:16

Mag phoboron sĩi thum jã agdaujoo iwiir duraajã khaba, chi jã pheeugjã chi jã durag dʉi ãbata sĩejim. Maimua chadcha chi phobor chachbaadejim. Mag chach oowai, chi jã durag, chi jã ʉ̃gthaag maimua chi jã pheeugjã thum agdaujo ich mag dos mil doscientos kilómetros sĩejim.