San Juan 5:7 - Wounaan Meu

⁷ Magbaawai chi mor masi kherarrau, —Señor, mʉʉn monaaum khõchag chirʉm; pari chi do waaureu sĩubaawai ag ee mʉ jiirpʉiju khʉʉn chukhu aawaita pod monaauba chirʉmgui ajim. Maadeu ag ee dubaag ẽkhaawai maach nawe ãbmua ag ee paajemgui ajim.

Woun Meu

⁷ Magbaawai chi mor masi k'ërarrau, —Señor, mʌʌn monaaum k'õchag chirʌm; pari chi dö waaurëu sĩubaawai hag hee mʌ jiirpʌ̈iju k'ʌʌn chuk'u haawaita pöd monaauba chirʌmgui hajim. Maadëu hag hee dubaag hẽk'aawai maach nawe hãbmua hag hee paajemgui hajim.

San Juan 5:7 Iomraidhean Croise

San Juan 5:2

Mag Jerusalén phobor ee dubaag “Ovejanaan Puertdi” a thʉ̃r sim dakha thʉ̃rrdo juau wautarr estanque anʉm sim. Mag thʉrrdo thʉ̃r hebreonaan meúa Betesda aajem. Mag thʉ̃rrdo igaau pórticos anʉm cinco naajim.

San Juan 5:3

Ma, sĩi jʉserg eegar arr aawai mor masim khʉʉn khapan thũphãau thʉnaajeejim: dau khĩsu khitheem khʉʉn, bʉ wedʉ wedʉ khitheem khʉʉn, maimua sĩi juadam wa mor enter khãijã kha chʉkhʉ khitheem khʉʉnpa. [Maig nʉmua do waaurewaata nʉ naajim,

San Juan 5:4

kharii Ẽwandam chog ʉ̃gtharmua beewia mag do waaureu pʉabajem ee chi nacha dubbaimamta monaaujerr aawai ag ee dubaag. Mag do waaureu pʉabajem ee chi nacha dubbaimamʉn parhoobam khamor machag wai sĩerr khãijã monaaub khaba monaaujeejim aajem.]

San Juan 5:6

Mag werba kherʉm Jesuu oobaimawia mag año khapan dau aphʉʉ kherʉmjã khaug athaawai irig, —¿Pʉ monaaum khõsi chirʉ́wi? ajim.

Romanos 5:6

Dich juapadamaupai chan pod dich pekau eemua oberaagjã jua theeg chukhu narrta, mag i oob khaba ooju khap amkhĩirta Cristo beewia maach thumaam khʉʉn kõit meechejim, magbarmua maach chi khaigbam khʉʉn peerdʉ awaag.

1 Corintios 9:24

Pãrau khaphʉ nʉm, apostaa khaphig nʉm aig, õor khapan khaphiigjem. Mamʉ chi regaloon ãbpaimua auju simta thumaam khʉʉnau auju ẽkhaajem. Ich agjota sim Ẽwandam sim aar baraagjã. Irua nem wajapham deebarm auju khĩirjuwiata khaphig nʉmjo abat.