San Juan 5:43 - Wounaan Meu

⁴³ Mʉʉn ich mʉ Aai iekhau pʉiwiata mʉg chitʉm; pari magʉmjã mua mag jaauwai pãrau mʉ iek ʉkhaba nʉmgui ajim. Mamʉ jũrr ãb sĩi ich khĩraupai beewiata pãrag magchekhiin, mag iekhan chadau pãrau ʉkhajugui ajim.

Woun Meu

⁴³ Mʌʌn hich mʌ Haai hiek'au pʌ̈iwiata mʌg chitʌm; pari magʌmjã mua mag jaauwai pãrau mʌ hiek hʌ̈k'aba nʌmgui hajim. Mamʌ jũrr hãb sĩi hich k'ĩraupai bëewiata pãrag magchëk'iin, mag hiek'an chadau pãrau hʌ̈k'ajugui hajim.

San Juan 5:43 Iomraidhean Croise

San Mateo 24:24

Mua mag chirʉmʉn, amach iiupaita amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉn khapan sĩi seukha chikham khũgur wenʉrraju aawaita mag chirʉmgui ajim, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhaju ajim.

San Mateo 24:5

Mʉg atag paawai õor pom sĩi chikham khũgurm khõchgau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” a iekha nʉrrjee aju. Mag nʉrrjeem gaaimua õor pom khũgur aumaju ajim.

San Juan 10:25

Magbaawai ich Jesuu amag, —Mua khabá ya pãrag jaaubarm, pari pãrau ʉkhamapha nʉmgui ajim. Mʉ Ayau mʉchig waupitarrjo wau chitʉm oo nʉm gaaimua pãrau khaphʉ aju aai nʉm, mʉ chadcha ichdeu pʉitarr.

San Juan 12:28

Maimua sĩi ich Ayag, —Tata, muan mʉch gaaimuata sĩi thumaam khʉʉnaujã pʉrʉgta ãba ee apim khõsi chirʉmgui ajim. Pari irua magbaawai ʉ̃gtharmuata woun iekjo, —Ya pʉ gaaimua õrau mʉrʉg ee abarm; pari ichiita warag mʉchig ee apijugui ajim.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

San Juan 5:42

Mua khaphʉ chirʉm, pãrau chan thãraucha Ẽwandam khõchkhaba nʉmta sĩi par iiupai i khõsi nʉm aajerram.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

Hechos 21:38

¿Pʉ Egiptopierr khabá, pua khabajĩ ar na biek ãb gobierno dʉi werbʉag chumanaan pom cuatro mil pʉch daumaai jʉr auwi õor barba aajem chʉʉi phe arrtarr? ajim irig.