San Juan 5:42 - Wounaan Meu

⁴² Mua khaphʉ chirʉm, pãrau chan thãraucha Ẽwandam khõchkhaba nʉmta sĩi par iiupai i khõsi nʉm aajerram.

Woun Meu

⁴² Mua k'ap'ʌ chirʌm, pãrau chan t'ãraucha Hẽwandam k'õchk'aba nʌmta sĩi par hiiupai hi k'õsi nʌm haajerram.

San Juan 5:42 Iomraidhean Croise

San Lucas 16:15

Magbaawai Jesuu amag iekhamamua, —Pãran, pãachta ʉ̃rcha phatkhon wai nʉm awia Ẽwandam dau najã ʉucha nʉm aajeebma; mamʉ chadcha Ẽwandamauta pãar thãar khaphʉ simgui ajim anʉm. Mʉg jẽb gayam khʉʉnaun phatkhonta nem thum mʉg jẽb gaai thʉnʉm khãyau ajapcha sim awia agʉgta ee aajerram. Amag mag nem wajaug sĩeb mamʉ, agua nem khaigba waauwaita sĩi odomie sẽrkha thʉnʉmjo Ẽwandamau khõchkhaba aajemgui ajim anʉm.

San Juan 2:25

Pari mag khaug aumamjã õrau ichig jaaubamta sĩi ichdeupaita õor thumaam khʉʉn thãar khaug aumaajeejim.

San Juan 21:17

Magnaa deeu ũwaai biek thãrjupamua irig ich ag iekpai phʉʉrba, —Simón, Juan iewaa, ¿chadchata pua mʉ khõsi chirʉ́? ajim. Mag ich ag iekpai biek thãrjup ichig phʉʉrba jejeeu khabaadeewai Pedro warag ichta okhĩirjuu aademua irig magjim: —Señor, puata nem thum khaphʉ aajeewai pua khap chirabahab ajim, mua chadcha pʉch khõsi chitʉm. Magbaawai Jesuu, —Magan mʉ ovejanaandamta chig apiba thʉa wai chitá ajim.

San Juan 5:41

’Mua chan mag pãrag sĩi mʉchig ee amkhĩirta nem wauba chirʉmgui ajim.

San Juan 5:43

Mʉʉn ich mʉ Aai iekhau pʉiwiata mʉg chitʉm; pari magʉmjã mua mag jaauwai pãrau mʉ iek ʉkhaba nʉmgui ajim. Mamʉ jũrr ãb sĩi ich khĩraupai beewiata pãrag magchekhiin, mag iekhan chadau pãrau ʉkhajugui ajim.

San Juan 5:44

¿Jãga pãrau mua nem jaau chirʉm ʉkhabarju ajim, jãg Ẽwandam ichta ãbpai khitʉmta pãachdeu nem wau nʉm gaaimua onee apiju khĩirjubanaa ãba pãach khapeenagpaita pãach thopim khõsi thʉnʉm?

San Juan 8:42

Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.

San Juan 8:47

Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.

San Juan 8:55

Mag pãachdeun, iita pãach Ẽwandam anaab mamʉ, pãrau i khaugba nʉmgui ajim. Muan chad i khaphʉ chirʉm. Mua chadcha i khaphʉ chirʉmta i khaugbam akhiin, maiguin mʉʉn seunem pãar dʉi ãbata chirʉm. Pari mua chadcha i khaphʉ chitʉm; magua mua i ipierraata nem waaujemgui ajim.

Romanos 8:7

¿Jãgwi mag okhooju? Sĩi mag dichdeu nem khõsimʉgta ʉdʉraa dich gaai ʉ̃rpapinaa jũrr Ẽwandam ichaaurta nem waaujeewaima. Dich mag nem wau nʉm gaaimua i ipierraajã aba, wa mag i ipierraa aju ẽkhakhiinjã, ichiita podbaju.

1 Juan 2:15

Magua ya chi jooinag awiajã pãrag mag chirʉm: oob pãrau sĩi mʉg jẽb gaai parhoobam khʉʉnau amach khõchagpierr nem waaujemʉgta ee amiet. Ãbmua khãijã magʉm nem waujuuta ʉ̃rcha khĩirju sim khai, magan magua chan jũrr Ẽwandamta khõchkhaba sim.

1 Juan 3:17

Pari ãb phatkhon paraa simua khãijã Ẽwandam iek ʉkha sim a simta ich khapeenau nemdam ig nʉm khaphʉ simjã oobamjoo sim, jãga mag wounau Ẽwandam thumaam khʉʉn daupii khitʉmta ich thãar ee wai chiraawai iruajã agjo õor daupii chirʉm abarju.

1 Juan 4:20

Ãbmua khãijã, “Mua Ẽwandam khõsi chitʉm” a sim; pari mag simta dich khapeenjã kha khõchkhaba simʉn, magan maan sĩi seukhaawaita mag iekha sim. Chi mag iekha simua ich khapeen dʉi khĩircha oo simta mag kha khõchkhaba sim khai, jãga mag Ẽwandam ichdeu bʉ̃ʉrjã ooba aajemta irua khõsi abarju.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.