San Juan 5:29 - Wounaan Meu

²⁹ Chi nem wajapha waaujerr khʉʉnan tag meeba ich mag Ẽwandam dʉi wenʉrraagta phiidʉtkhaju; pari nem khaigbamta waaujerr khʉʉnan Ẽwandamau amach isegwia khĩmie durrta barkhʉʉiju abarm ũraagpaita phiidʉtkhajugui a jaaumajim ich Jesuucha.

Woun Meu

²⁹ Chi nem wajap'a waaujerr k'ʌʌnan tag meeba hich mag Hẽwandam dʌ̈i wënʌrraagta p'iidʌtk'aju; pari nem k'aigbamta waaujerr k'ʌʌnan Hẽwandamau hamach hisegwia k'ĩmie durrta bark'ʌʌiju habarm hũraagpaita p'iidʌtk'ajugui ha jaaumajim hich Jesuucha.

San Juan 5:29 Iomraidhean Croise

San Lucas 14:14

Pua mag khitheem khʉʉn dʉita magmʉn, amau chadcha pʉ dʉi pod agjo abaju, mamʉ magtarr paar Ẽwandamauta jũrr pʉ onee apiju. Ar i iek ʉkha durrumua khechtarr khʉʉn deeu iiu phiidʉ nʉm jaar, magtarr jũrran ichdeuta pʉrʉg phagjugui a jaaumajim aajem.

Hechos 24:15

Õor otarr khʉʉn chi theerjã chukhu ajapha arr khʉʉn dʉi ãkhãraa arr khʉʉnpa thum ãba deeu Ẽwandamau iiu phiidʉtkhapi auju anʉm amau ʉkha naawai muajã agjo ʉkha chirʉmgui ajim anʉm ĩchab, am denjo.

1 Timoteo 6:18

Amag, bʉ̃ʉrjã amach phatkhon ĩgkhaba warag aguata nem ajapham waupi jaaubá, õor parhoobam khʉʉn dʉijã o wajapha.

Hebreos 10:27

Magta amʉn, tag maach peerdʉ auju chukhu aawai, magan Ẽwandamau maach i agkham ed maach seúa maach gaaita ich khĩir machag meeunaa tagam khʉʉn ich khõchkhaba aajerr khʉʉn dʉi ãba sĩi õtdau ee jẽerjupaita nʉm.

Hebreos 13:16

Mamʉ mag appai khaba, dich khapeen dʉi o ajapha aju chan oob khĩir okhoomiet. Pãachdeu nem wai nʉm eem jũrr chukhum khʉʉn dʉi jig aupetat. ¿Khan jãgwi pãrag mag chirʉ́? Mag agdaujo nemdam jig au nʉmta warrgar mag nemchaain thõonaa ofrendakha ichig deejerrjo Ẽwandamau i dawagaa oojeewaita mag chirʉm.

1 Pedro 3:11

Chikham dʉi khaigba aju khãai, õor dʉi nem ajapha waujuuta jʉrnaa khõinaa ajuuta ẽkhabá.