San Juan 5:21 - Wounaan Meu

²¹ Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

Woun Meu

²¹ Hich jãg chi Hayaujã hõor mee nʌm k'ʌʌnjã p'iriutk'a hauwia hich mag hich dʌ̈i wai sĩejemjö, mʌch chi Chaairaujã mʌchdëu magam k'õsim k'ʌʌn dʌ̈in hich hagjö hajugui hajim.

San Juan 5:21 Iomraidhean Croise

San Juan 11:25

Magbaawai irig Jesuu magjim: —Muata õor phiriu aunaa ich mag wai chirsiejem. Chi mʉ iekta ʉkha sim khʉʉn meewiajã deeu iiujugui ajim.

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 6:63

Magnaa warre amag, Mua mag mʉch mod khopi jaau chirʉm chan mʉch mod chaarta jaauba chirʉmgui ajim. Mʉ modon chadcha pãrau khowiajã jãgua chan bʉ̃ʉrjã pãar peerdʉ aubajugui ajim, Ẽwandam Akharauta õor iiupiejeewai. Mag mʉ mod chaarta khoju khĩirjuju khãai, cha mua pãach kõit ʉdʉraa mʉch thõopiju jaau chirʉmta ʉkhapi chirʉmgui ajim, chi mag ʉkha nʉm khʉʉnauta Ẽwandam Akhaar õor iiupiejem wai nʉisiju aawai.

Hechos 26:8

Magnaa, Keena, magan pãrau khĩirjuawai Ẽwandamau chan maach chi meemjã pod phiriu auju khaba sĩeb ajim anʉm, pãar mʉ dʉi mʉg thʉnarram.

Romanos 8:11

Chadcha mag Jesucristo phiriu autarr ag Akhaarta pãar thãar ee sim khai, magan mag pãar mor jẽbeg paaukhabarmjã deeu Ẽwandamau mag ich Akhaar pãar ee sĩejem gaaimuapai deeu phiriutkha auju.

1 Corintios 15:45

Ẽwandam iek phã sim gaai jaauwai, warrcha ichdeu ompaatarr woun Adán a thʉ̃r sĩerr ichdeuta iiupi aujim a jaau sim, magbarmua ewag pawiajã maach paarpa aumkhĩir. Pari ag khur Cristo pierrwai jũrr ich garmuata õor iiupie chaar iiupiejem, magbarmua ich gaaimuata ʉ̃gthar õor ober wenʉrramkhĩir. Mag Ẽwandamau Adanta nacha ompaatarrjo, jũrr Cristota nacha phiriu aujim, ichta ʉ̃gthar wetju khʉʉn den chi Porkha sĩsimkhĩir.