San Juan 5:20 - Wounaan Meu

²⁰ Mag ich mʉ Ayaujã mʉ khõsi aajeewai ichdeu nem waupim khõsim thum mʉrʉg khap apiejemgui ajim. Maagjeewai ĩsmua atagta mua nem wau chirʉm gaaimua pãrau i jua oogpamgui ajim. Ante mʉg woun monaautarr khãaijã ʉ̃rʉʉcha mua nem waumaju. Mag oowiata pãar dauderraa ajugui ajim.

Woun Meu

²⁰ Mag hich mʌ Hayaujã mʌ k'õsi haajeewai hichdëu nem waupim k'õsim t'um mʌrʌg k'ap hapiejemgui hajim. Maagjeewai hĩsmua hatagta mua nem wau chirʌm gaaimua pãrau hi jua hoogpamgui hajim. Hante mʌg woun monaautarr k'ãaijã hʌ̃rʌʌcha mua nem waumaju. Mag hoowiata pãar dauderraa hajugui hajim.

San Juan 5:20 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 3:17

Magbarm ee ĩchab ʉ̃gtharmua woun iekjo, “Mʉʉta mʉ Chaai mʉchdeu jãsehne wai chitʉmʉu; i gaaimua mʉ onee chiraajemgui” abarmjã ũrjim anaabá.

San Mateo 4:8

Maimua ãbmiecha paawai deeu chi dosãtaupai durr pooma sim gaai i arrjim aajem. Mag durrsĩ gaaimua dawaa durr warpham magwe thum ag gaai nem thʉnʉm dʉi irig oopinaa,

San Lucas 10:22

Maimua jũrr chi aig narr khʉʉnagta magjim anʉm: —Nem thum mʉg thʉnʉmʉn mʉ Ayau mʉrʉgta deejim. Mamʉ ãbmuajã khaugba sim, khai agá mag Ẽwandam Iewaa. Ãba ich mʉ Ayaupaita khaphʉ simgui ajim anʉm, chadcha mʉ i chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã mʉchdeu jaaubarm khʉʉnaupaita ĩchab i khaphʉ aju aai nʉmgui ajim anʉm.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 10:32

Pari mag nʉm ee Jesuu amag magjim: —Mʉ Ayau ich jua theeg mʉrʉg deetarrau mua chadcha pãar dakhĩir nem wajapham pom khĩir pogkhe wauwia chirʉm. Pari mag nem khĩir pogkhe wautarr ee, ¿chijãg gaaimuata pãrau mʉ mokou barm ig nʉ? ajim.

San Juan 14:12

Pãade mʉ iek ũrbat: Chadcha chi mʉ iekta ʉkha simuan mua nem wau chirʉmjo waunaa ag khãai ʉ̃rʉʉchajã waumajugui ajim, mʉch Aai aar pawia mammuajã mua mʉch juapá deeju aawai.

San Juan 15:15

’Sĩi chikham chogkha nʉm khʉʉnau chan amach patronnaanau nem wau nʉmjã khaugba aajeewai ya mua tag pãar sĩi mʉch chognaan gaai thʉ̃rbam. Mag thʉ̃rju khãai sĩi mua mʉch khapeen ata thʉ̃rjugui ajim, ya mʉch Ayau jaaupitarrjã thumaa meerba pãrag jaau wai chiraawai.

San Juan 17:26

Ya mua amag jaaujim, pʉ jãga sĩerrʉ́. Pari ichiita warag mua amag ich jãg jaau chitajugui ajim, ich jãg pʉchdeu mʉ daupii wai simjo amaujã jũrr agdaujo amach khapeen kha khõsi amkhĩir. Amag magamkhĩran, mʉchta am dʉi chitajugui” a iekhamajim ich Ayag maar kõit.

San Juan 3:35

Chi Ayaujã ich Chaai jãsene wai sĩewai nem thʉnʉmjã thum ãba irigta jaaubajieb.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

San Juan 5:29

Chi nem wajapha waaujerr khʉʉnan tag meeba ich mag Ẽwandam dʉi wenʉrraagta phiidʉtkhaju; pari nem khaigbamta waaujerr khʉʉnan Ẽwandamau amach isegwia khĩmie durrta barkhʉʉiju abarm ũraagpaita phiidʉtkhajugui a jaaumajim ich Jesuucha.

2 Pedro 1:17

Maar dakhĩir ajim Ẽwandam chi Ayau ich Iewaa khĩir ajaugau sĩi bʉ̃ʉmjo apiwi ich Ẽwandam thumaam khʉʉn khãai ʉ̃rʉʉcha sĩerrʉmuata i igwi jʉʉnthumiejo bau wejom eemua, “Chamʉʉta mʉ Iewaa, mʉchdeucha jʉr autarrau; iita mʉ thãrau” a iekhatarr.