San Juan 5:19 - Wounaan Meu

¹⁹ Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

Woun Meu

¹⁹ Pari Jesuu warag, —Mʌch chi Chaairaujã mʌch Hayau nem waupim k'õsi sim k'augba hak'iin, muajã mʌch k'ĩrau chan waubajugui hajim. Magba hirua nem waupim k'õsi sim mʌchdëu k'ap'ʌ chiraawaita muajã chadcha waaujemgui hajim Jesuu chi judionaanag.

San Juan 5:19 Iomraidhean Croise

San Mateo 26:39

Amag mag jaau pʉawi ichin am bigaau am warphaapai sĩeimajim aajem. Magnaa jẽkhʉt thʉkhoonaa khĩeb jẽb gaai dagau dʉrnaa ʉ̃gthaag jeeumamua, “Tata, pua khõs akhiin, atcha mʉ dau aphʉʉ apibakhamgui” ajim anʉm. “Deeum nem waubarmuajã agjo õor peerdʉ auju ayaa akhiin, mʉ gaai machag mʉgcha ãwatbakham. Pari mʉchdeu khõsi chirʉmjo khaba, pʉchdeu khõsimjota mʉ dʉi abá” a jeeumajim aajem.

San Lucas 21:15

Mua pãrag mag chirʉmʉn, iekhamkhĩir mʉchdeuta khĩirjug deeju aawaita mag chirʉm. Mag mʉchdeu iekhapi chiraawai ãbmuajã pãar ichaaur iek thierr khaba, ni pãrau iekha nʉmʉn seukhaawaiujã abajugui ajim anʉm.

San Juan 10:18

Mag mʉch thõopiju a chirʉm chan, ajués chikhamnauta mʉrʉg magpi naawai khaba, mʉch khĩrauta õor kõit mʉch thõopijugui ajim, am peerdʉ awaag. Mʉ Ayau mʉrʉg magta apitarr aawai mua chadcha ʉdʉʉr mʉch thõopiju aai chirʉm. Pari deeu ũwaai mag iiu phiidʉagjã jua theeg chirʉmgui ajim am jʉ̃g daar.

San Juan 12:49

Chi mʉ iek iseg nʉm khʉʉnaun khaphʉ aju aai nʉmgui ajim, sĩi mʉch khĩrauta mʉch iekham aig iekhaba chitʉm. Mʉ Ayauta mʉ pʉitarr aawai, ichdeuta mua iekhamajujã jajawag maawai, ich agpierrpaita jaau chitʉmgui ajim.

San Juan 12:50

Mua mʉchdeujã khaphʉ chirʉmgui ajim, chi mʉ Ayau nem jaaupʉi sim ipierraa nʉm khʉʉnan ʉ̃gthar oberwiajã ich mag i dʉi iiu wenʉrraju. Magua, mua nem jaau chitʉmʉn, mʉch Ayau mʉchig jaaupi jaautarrjota jaau chitʉmgui ajim.

San Juan 14:10

Magnaa chi Felipeeg, ¿Pua ʉkhabata sĩ ajim, mua mag mʉ mʉch Aai dʉi chiraawai mʉ Aaijã mʉ dʉi sim a chirʉm? Maguata mua nem jaau chitʉm chan sĩi mʉch ipaita jaau chitʉm khabam. Mua nem wau chitʉmjã mʉchdeuta mag wau chitʉm aju khabam; ajapcharan ich mʉ Aai mag mʉ dʉi sĩejemuata waaujemgui ajim.

San Juan 2:19

Magbaawai ich Jesuu warag amag, —Pãrau magta oom khõsi nʉm khai, magan mʉg di chʉyeubapʉit; magbaa khãai thãrjup nʉm ee mua deeu eu dʉnʉʉujugui ajim.

San Juan 3:3

Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

San Juan 8:28

amag magjim: —Jãg nʉʉ awia ya pãachdeucha mʉch chi Emkhooi Iewaa pakuls gaaicha meerphenaa jiirjop sĩubaawaita pãrau mʉ igwia, “Jãgan chadchata ich Ẽwandamau pʉiju aajerr ajiebma, jãguata jãg sĩi ich khĩrau nem wauba aajeejim” ajurau. Maiguin chadau pãrau khaphʉ ajugui ajim, mua ãba mʉch Ayau mʉchig jaaupimampaita õragjã jaaujerr.

San Juan 9:4

Magnaa marag, Pãrau khaphʉ nʉmgui ajim, ãsdaaupaita phidkhaajem. Edau kheubaadeewai tag phidkhaba aajem. Ich agjota simgui ajim, Ẽwandamau nem waupi sim wawaagjã. Magua muajã mʉch meebam aig chan jua ʉ̃ʉijem ed awiajã mʉch pʉitarrau jaaupʉitarr phidag pʉaba ich mag wau chitajugui ajim. Magbamʉn mʉg chitawi mʉ meebaadeewai ya tag magʉm phidag wauju khaba aadejugui ajim.

Hechos 2:24

Mag juau i thõopʉijierrab mamʉ, Ẽwandamau deeu i phiriu aujimgui ajim anʉm. I mag sĩi jẽb ee ich mag sĩerraju atheem khaba arr aawai mee nʉmuapai chan pod i thʉ aubajim a jaaumajim aajem Pedroou.

Romanos 6:4

Wajapcharan mag maach por choo nʉm aig, warre Cristo dʉita ãbam jẽbdegpai beppʉitarrjota nʉm, tag pekau waujujã khaugba aag. Pari mag meebarmjo arran, sĩi tag warramjo nem khaigbam wauba aagpai khaba, jũrr ich Cristo simjota wenʉrraagau. Wajapcharan Ẽwandamau ich Chaai phiriu autarrjo, maachjã ich athee iiu phiidʉbarm khʉʉnjota api sim, ãba ichdeu khõsimjo wenʉrramkhĩir.

Romanos 8:11

Chadcha mag Jesucristo phiriu autarr ag Akhaarta pãar thãar ee sim khai, magan mag pãar mor jẽbeg paaukhabarmjã deeu Ẽwandamau mag ich Akhaar pãar ee sĩejem gaaimuapai deeu phiriutkha auju.

1 Corintios 15:12

Pari mag Cristo meewia phiidʉtarr marau pãrag jaaubaawai ʉkhatarrta, jãga ĩs ũurwai pãar eem khʉʉn iek mag õor meebarm chan tag phiidʉba aajem a jaau nʉm ũr chirʉ́.

2 Corintios 4:14

Mua khaphʉ chirʉm, Ẽwandamauta maach Por Jesús meetarrjã deeu phiriu aujim. Magtarr aawai ichdeupaita ĩchab mʉchjã Jesús phiriu autarrjo phiriu auwia pãar dʉi ãba ich sim aar maach phe arrju.

2 Corintios 5:10

Ichiita maach mʉg thʉnʉm khʉʉnan thumaa Cristo ich porkhau pom sim gaai oo sim khĩirphee wetab khaba wetju. Maigta mʉg jẽb gaai naajeewai dichdeu i athee nem waaujerr paarjã jũrr ich garmuajã agpierr deemaju.

Efesios 2:5

mag maach khaibag gaaimua aubaju ayaa narrta ich jãg ichdeu deeu Cristo phiriu autarrjo maachjã ich aar auwi ich mag Cristo dʉi ãba wenʉrraju khʉʉn khapijim. Mag Ẽwandam õor dʉi ajaug khitʉm gaaimuata maachin ʉu peerdʉwi nʉm.

Efesios 3:16

Mua pãar kõit irigta jeeu chiraajem, ichdeuta pãar dʉi ajapha aag ichdeu am aig aju aai sĩewai. Maguata muan irig ich Akhaar gaaimuata pãar akhaardamjã warag ich gaaita ubʉ apim khõsinaa,

Filipenses 3:21

Mag ich pierrum edta ichdeucha ich iiu aawai maach mor mʉg maadeu nem igmap simjã ich denjo ajaug paapʉiju. Nem thum thʉnʉmjã ichdeuta ichdeu ampierr aju aai sĩerraawai ich ag juapaaupai irua chadcha sĩi maach eu meebpʉimjo aju.

Filipenses 4:13

Mua chan mʉch dau aphʉʉ chitajujã khĩirjuba chitʉm, magʉm ãwat chitaagjã ich Cristoouta mʉrʉg juapá deejeewai.

Colosenses 1:11

Agjo jeeujem ĩchab, ich Ẽwandam thumaam khʉʉn khãaijã jua theeg sĩerrʉmʉgta ich jua theeg pãach gaai phẽs deebarmua pãach ich dʉi ubʉ naamkhĩir, maagwai bʉ̃ʉr abarm gaaimua phithurg aadep awiajã magʉmjã juapadam thethe ãwat naamkhĩir.

Colosenses 1:16

Nem thum maadeu daúa oonaa pod ooba aajempa mʉg jẽb gaaim maimua ʉ̃gtharm magwe thʉnʉmjã Ẽwandamau i gaaimuata ompaajim: reinaan, maimua edjã eem magwe Ẽwandam chognaanjom; magʉm khʉʉnta amachta ʉ̃rpainaa iek theegnaa jua theeg sĩsidʉm khʉʉnjã ichdeuta thum ompaajim, magʉm khʉʉnagjã ichdeu ig simjo ich ipierraa amkhĩir.

1 Tesalonicenses 4:14

Maadeu khaphʉ nʉm Jesús meewia deeu iiu phiidʉtarr. Magtarr aawai thãraucha i iek ʉkha nʉm otarr khʉʉnjã deeu ich Ẽwandamau phiriutkha auwia ich Jesús pierrum dʉi beejujã chadcha khaphʉ aju aai nʉm.

1 Pedro 3:18

Pãrau khaphʉ nʉm, Cristojã maach khãai ajapha khitarrta, jũrr maach Ẽwandam dʉi iekkhõr pom narr khʉʉn kõit ʉdʉraa ich dau aphʉʉ apijim. Pari mag i meetarran, warr õrau amach pekau athee ʉ̃iba nemchaain thõojerr khĩir khaba arr aawai, mag biek ãbpai meebarmua maach chi khaibagnaan Ẽwandamau ʉu maach auju ayaa amkhĩir ajim. Í woun arr aawai chi meen chadcha meejim; mamʉ í ĩchab ich Aai gaaimua Ẽwandam arr aawai mag meetarrjã ich mag iiu sĩsijim.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.