San Juan 5:17 - Wounaan Meu

¹⁷ Pari Jesuu mag chi judionaanau khĩirju nʉmjã khaphʉ sĩerr aawai amag, —Jua ʉ̃ʉijem edam magwe mʉ Ayaujã õor dau aug khaaugjeewai muajã ich agjota chirʉm khabahab ajim amag.

Woun Meu

¹⁷ Pari Jesuu mag chi judionaanau k'ĩirju nʌmjã k'ap'ʌ sĩerr haawai hamag, —Jua hʌ̃ʌijem hedam magwe mʌ Hayaujã hõor dau haug k'aaugjeewai muajã hich hagjöta chirʌm k'abahab hajim hamag.

San Juan 5:17 Iomraidhean Croise

San Mateo 10:29

’Pãrau khaphʉ nʉm, nemchaaindam par erraam gaai per aaujem. Pari mag baleebamjo khithee ab mamʉ, maach Aai ʉ̃gthar chiraajemua thõpibam aig chan ãbjã thõba aajemgui ajim.

San Juan 10:36

Ich Ẽwandamauta ich aarmua mʉ jʉr auwia mʉg jẽb gaai pʉitarrta, ¿jãga pãrau mʉrʉg mag mua khaigba iekha chirʉm abarju, mua Ẽwandamag Aai icheewai?

San Juan 14:10

Magnaa chi Felipeeg, ¿Pua ʉkhabata sĩ ajim, mua mag mʉ mʉch Aai dʉi chiraawai mʉ Aaijã mʉ dʉi sim a chirʉm? Maguata mua nem jaau chitʉm chan sĩi mʉch ipaita jaau chitʉm khabam. Mua nem wau chitʉmjã mʉchdeuta mag wau chitʉm aju khabam; ajapcharan ich mʉ Aai mag mʉ dʉi sĩejemuata waaujemgui ajim.

San Juan 5:16

Mag gaaimua judionaan chi pornaanau chan warag Jesús khõchkhaba aajeejim, mag amach dakhĩir jua ʉ̃ʉijem edam magwe õor monaaujerr aawai. Amagan mag nʉmdampai phidkha nʉm dʉi ãba sĩerr aawai jua ʉ̃i nʉm ed pod magju khaba sĩejim.

San Juan 5:18

Jesuu amach jʉ̃g daar mag iekhabaawai chará waragta i thõopʉim khõchkha phobaadejierram. Pari wajapcharan amach denjo jua ʉ̃ʉijem edjã ʉʉrkhaba sim gaaimuapaijã khaba, am jʉ̃g daar Ẽwandam igwia i Aai a iekhaawaita mag i thõom iigjeejim, mag sim aig magan iita Ẽwandam dʉi ãba chirabma awia.

San Juan 9:4

Magnaa marag, Pãrau khaphʉ nʉmgui ajim, ãsdaaupaita phidkhaajem. Edau kheubaadeewai tag phidkhaba aajem. Ich agjota simgui ajim, Ẽwandamau nem waupi sim wawaagjã. Magua muajã mʉch meebam aig chan jua ʉ̃ʉijem ed awiajã mʉch pʉitarrau jaaupʉitarr phidag pʉaba ich mag wau chitajugui ajim. Magbamʉn mʉg chitawi mʉ meebaadeewai ya tag magʉm phidag wauju khaba aadejugui ajim.

Hechos 14:17

Mamʉ magʉm ãba, õrau ichigcha jeeumkhĩirjo, ich jua oopiejeejimgui ajim anʉm, am eeg oo simua. Mag, ichdeuta maach onee wenʉrramkhĩir, maach athee nosegjã chepinaa maach nemjĩirjã ajapha obeerpi nʉm dʉi ĩchab maachig thach khojujã ed eepierr deejemgui a jaaumajierram aajem amach numiim khʉʉnau, jũrr jaaupʉpʉigmamua.

Hechos 17:28

Mʉg nʉm aig maachin i jua eeta wenʉrrʉmjo nʉmgui ajim anʉm. I khurauta maachin ʉu iiu durrumgui anaa ĩchab, I khurau khaba akhiin, maach chan chukhu aajeekhamgui ajim anʉm. Ich jãg pãach eepaim khʉʉn iekhõoin, “Maachin Ẽwandam dʉi thʉ̃r ãba nʉmgui” ajim aajem.

1 Corintios 12:6

Ẽwandamau maachig nem waupiju ayaam pom khĩir pogkhe wai sim; pari ãba ichdeupaita mag nem khĩir pogkhe wawaagjã thumaam khʉʉnag ich juapá deejem.

Colosenses 1:16

Nem thum maadeu daúa oonaa pod ooba aajempa mʉg jẽb gaaim maimua ʉ̃gtharm magwe thʉnʉmjã Ẽwandamau i gaaimuata ompaajim: reinaan, maimua edjã eem magwe Ẽwandam chognaanjom; magʉm khʉʉnta amachta ʉ̃rpainaa iek theegnaa jua theeg sĩsidʉm khʉʉnjã ichdeuta thum ompaajim, magʉm khʉʉnagjã ichdeu ig simjo ich ipierraa amkhĩir.

1 Tesalonicenses 2:13

Maguata maraun ich jãg Ẽwandamag ʉu ajim a durraajem. Marau Ẽwandam iek jaau wenʉrrarr pãrau ũurwai chadcha Ẽwandam iek aawaita pãrau ʉkhajierram. Jã chan sĩi khajap maach iekpaijã khabajim; jãan Ẽwandam iekhau. Magtarr aawai ichdeuta pãar wajaug paa arrum.

Hebreos 1:3

Ichdeuta ĩchab mag ich Aai dʉimua nem thumaa ompaatarrjã sĩi ich iiu aawai ichdeuta wai dʉnʉm. Ichta ich Aai khĩir thegnaa beetarr aawai i gaaimuata ĩchab Ẽwandam ajaugjã khaphʉ aajem. Ichta maach kõit ʉdʉraa ich thõopiwi, ichdeuta ich bagau maach khaibag thumaa chugpaawi, ʉ̃gthar mawi, Ẽwandam juachaar gar jupimajim, ichta ich mag maach thumaam khʉʉn Porkha sĩerraag.