San Juan 5:10 - Wounaan Meu

¹⁰ Moiseeu phã pʉarr iek wajapha ʉʉrkhaajerr khʉʉnau irig, —Ĩs chan pua jãg put chʉgag jiir wai nʉrraju khaba simgui ajim anaabá.

Woun Meu

¹⁰ Moiseeu p'ã pʌarr hiek wajap'a hʌʌrk'aajerr k'ʌʌnau hirig, —Hĩs chan pua jãg put chʌgag jiir wai nʌrraju k'aba simgui hajim hanaabá.

San Juan 5:10 Iomraidhean Croise

San Mateo 12:10

Mag Aai i jaaujem deg woun ãb jua jʉser khitʉmjã sĩejim. Amach chi fariseonaanau Jesús ipeerdʉwi nem agcha khaba jaaubarm gaaimua i imeraa pʉr auju ẽkhaajerr aawai, juau ogthom irig, —¿Jua ʉ̃ʉijem ed awiajã, õor mor masim khʉʉn monaauju aai sĩ? a jeeujierram.

San Marcos 2:24

Mag trigo phierr nʉm oowia Moiseeu Ẽwandam iek phã pʉatarr wajapcha ʉʉrkhaajem khʉʉnau Jesuug, —Pʉde oobá: Jua ʉ̃i nʉm ed aawai bʉ̃ʉrjã phidkhaju khaba nʉmta pʉ khapeenau jãg trigo phierrnaa kho wenʉrrʉmwai ajierram anʉm. ¿Pua chan khaugbahab ajierram anʉm, jãgpai phierr nʉmjã nem pom eeu nʉm dʉi ãba sim?

San Marcos 3:4

Magnaa jũrr chi fariseonaanagta, —Pãrau oowai ¿khan nemta maadeu wauju aai nʉ ajim anʉm, jua ʉ̃ʉijem ed? ¿Õordam dʉi ajapha aju wa õor khaibag wauju? ¿Õor peerdʉ auju, wa õor thõoju? ¿Khani ʉucha sĩ? a jeeujim anʉm amag. Mamʉ amachig mag jeeutarr ni ãbmuajã bʉ̃ʉrjã i iek ʉkhabajierram anaabá.

San Lucas 13:14

Mamʉ magbaawai mag amach ãba biirdʉ nʉm ag degam chi porkha sĩerr Jesús dʉi meeukhabaadewia jũrr khĩir mor chigpai õragta, —Seman gaai seis diaspai phidkhaju aai nʉmgui ajim anʉm. Mag seis diam een chadau pãadeu beewia pãach monaaupibat ajim anʉm. Mamʉ oob mʉg sĩi jua ʉ̃i kheeujem ed khabajupama ajim anʉm.

San Lucas 23:56

Maimua wetwia, thũpag phewia, i kha phuraag sĩi jʉ̃gdee wau sĩujierram anaabá. Maimua noram sĩi degpai jua ʉ̃i kheujierram aajem, Ẽwandamau Moiseeg ich iek phãpitarr gaai jaau simjo.

San Lucas 6:2

Mag kho nʉm oowia chi ajapcha Moiseeu Ẽwandam iek phã pʉatarr ʉʉrkhaajem khʉʉnau amag, —Pãade oobat, jua ʉ̃i nʉm ed aawai bʉ̃ʉrjã phidkhaju khaba nʉmta pãrau jãg trigo phierrnaa kho wenʉrrʉm. ¿Pãrau chan khaugbahab ajim anʉm, jãgpai phierr nʉmjã nem pom eeu nʉm dʉi ãba sim?

San Juan 1:19

Mag Ẽwandamau pʉiju jaaujerr beeju anʉm ich ẽudee urum Juanau jaau nʉrrarr ed gaai Jerusalén phobor eemua judionaan chi porkha narr khʉʉnau phadnaan pʉijierram, Levinaan a thʉ̃ʉrjerr khʉʉn dʉi, makhʉʉnau chi Juan aar wetwia irig, “¿Pʉ khaíuma? ¿Pʉʉta nawe Ẽwandamau pʉiju a jaaujerrá?” a khap jeeumkhĩir.

San Juan 5:11

Pari ichig magbaawai chi woundamau amag, —Pari chi mʉ monaaupʉitarrauta mʉrʉg “Pʉch put juurwia athaad” atarr aawaita mua arrubahab ajim aajem.

San Juan 5:15

Jesuu ichig magbaawai judionaan chi pornaan aar mawia amag jaauwimajim aajem, Jesuuta chadcha ich monaautarr.

San Juan 5:16

Mag gaaimua judionaan chi pornaanau chan warag Jesús khõchkhaba aajeejim, mag amach dakhĩir jua ʉ̃ʉijem edam magwe õor monaaujerr aawai. Amagan mag nʉmdampai phidkha nʉm dʉi ãba sĩerr aawai jua ʉ̃i nʉm ed pod magju khaba sĩejim.

San Juan 7:23

Mamʉ ich jãg Moiseeu jaau pʉarr ichaaur amaaugau sabarhedam magwe pãachdeun chaain meheu phʉʉrbich nʉmta, ¿jãgwia mua sĩi sabarhed woun monaautarr oowiapai pãar mʉ dʉi meeukha nʉ? ajim, mua sabarhedjã ʉʉrkhaba chirʉm awia.

San Juan 9:16

Irua magbaawai chi fariseonaan ee ãaur khʉʉnau, —Chi pʉ dʉi magtarr woun chan magan Ẽwandamau pʉitarr khabam; maguata mʉg jua ʉ̃ʉijem edjã ʉʉrkhaba simgui ajierram aajem. Pari maagwai jũrr ãaur khʉʉnau, —Pari i Ẽwandamau pʉitarr khaba akhiin, ¿jãga irua jãg Ẽwandam jua theegau õor monaaubarju? Pekau paraam khʉʉnau chan pod i denjo jãgbamgui aajeejim anʉm. Amach magphobaadem gaaimua warag amach eepaijã ihãba iekhaba nʉm iekhau