San Juan 4:7 - Wounaan Meu

^7-8 Mag nʉm ee maar phobor ee wetjim, maach athee khoju per awaan. Mag maar ereubaadeewai Jesús ich appai oo chirʉm eeta, i iek Samariapie ʉʉi ãb mag pos eem do joyaan beejim aajem. Mag ich aig pierrwaita irua, —Mʉrʉg bʉchkhun dodam doog joi deebá a chirajim aajem irig.

Woun Meu

^7-8 Mag nʌm hee maar p'öbör hee wëtjim, maach hat'ee k'öju për hawaan. Mag maar hërëubaadeewai Jesús hich happai hoo chirʌm heeta, hi hiek Samariapie hʌʌi hãb mag pos heem dö jöyaan bëejim haajem. Mag hich haig pierrwaita hirua, —Mʌrʌg bʌchk'un dödam doog jöi deebá ha chirajim haajem hirig.

San Juan 4:7 Iomraidhean Croise

San Mateo 10:42

Maimua ãbmua khãijã mʉg mʉ iek ʉkhawi mʉ iek jaau durrum khʉʉn amach aig barimaawai nemdam bʉ̃rʉʉm khãijã deem khõsi deemʉn, magtarr paar agjo ĩchab Ẽwandamau irig nem wajapham deeb khaba deejugui a jaaumajim.

San Juan 19:28

Mʉg jẽb gaai ichdeu nem wauju arr thumaa ya ichdeu waubarm khaphʉ sĩerr aawai mag mʉrʉg ich ãd mʉch dʉi wai joothʉmkhĩir jaautarr khur nʉʉ awia, —Mʉ obichaaga thʉnʉmgui ajim chi Jesuu. Pari magtarran ag nawe Ẽwandam iek phã sim gaai jaau simjo ich mag iekhaju atarr aawai ajim.

San Juan 4:10

Magbaawai jũrr Jesuu irig, —Ẽwandamau pʉch athee nem deeg wai sim khaphʉnaa khaíuta pʉchig do jeeu simjã khaphʉ akhiin, pʉch garmuata pua mʉrʉg do jeeukhamgui ajim anʉm. Magbaawai mua pʉrʉg õor iiupiejem doota deekhamgui ajim anʉm.

San Juan 4:6

Mag jẽb ich chaairag werpʉatarr gaai posjã sĩejim, ich jooi Jacob khararrau khorpitarr pos. Mag wenʉrrʉmua ich Jesús ya khajeeu sĩerr aawai mag pos aar mawia ag i dakha jupimajim. Maagwai ya edausĩe paimʉʉ sĩejim.