San Juan 4:53 - Wounaan Meu

⁵³ Magbaawai chi ayau ich odegpai, “Magan mag orata Jesuu mʉrʉg ‘Oob atcha khĩirjum, pʉ chaai monaaubajup’ a iekhajiebma” ajim aajem. Mag ich chaaidam monaaubapʉim oobaawai ichdeujã ʉkhanaa i deg dʉi ãba naajerr khʉʉnaujã thum chadcha Jesuuta Ẽwandam Iewaa warrgarwe ichdeu pʉiju aajerrau awia i iek ʉkha nʉisijim aajem.

Woun Meu

⁵³ Magbaawai chi hayau hich hödegpai, “Magan mag horata Jesuu mʌrʌg ‘Hoob hatcha k'ĩirjum, pʌ chaai monaaubajup’ ha hiek'ajiebma” hajim haajem. Mag hich chaaidam monaaubapʌ̈im hoobaawai hichdëujã hʌ̈k'anaa hi deg dʌ̈i hãba naajerr k'ʌʌnaujã t'um chadcha Jesuuta Hẽwandam Hiewaa warrgarwe hichdëu pʌ̈iju haajerrau hawia hi hiek hʌ̈k'a nʌisijim haajem.

San Juan 4:53 Iomraidhean Croise

San Mateo 8:13

Mag iekhapʉiwi deeu chi capitanag eerpanaa, —Pʉch diig petá; pʉchdeu ãba mua pʉch chog monaaujupaita khĩirju sĩewai chadcha pʉ chog monaaujugui a ajim anʉm irig. Mag Jesuu “Pʉ chog monaauju” abarm bʉrre mam warp mor mas kherarrta chadcha monakkha aadejim anaabá.

San Lucas 19:9

Magbaawai Jesuu irig magjim aajem: —Zaqueo, pʉjã ĩchab jooi Abrán khararr ag chaain ewagam khʉʉn deneu, mamʉ ĩsta pua irua ʉkhaajerrjo ʉkha chirsimgui ajim anʉm. Mag gaaimua ĩsin chadau pʉchjã peerdʉwia, mʉg degam khʉʉnpa peerdʉju ed pabaadem.

San Juan 4:51

Mag ich diig mam ee i chognaan i khĩirphee beewia i dʉi oobaicheewai irig, —Pʉ chaaidam monakha kherʉm ajierram anaabá.

San Juan 4:52

Magbaa ichdeu amag jeeujim aajem, khan ora chaai deeu khĩirdam inaa aadejĩ. Mag amachig jeeubaawai, —Norr kheeurag la una naawia warre khʉʉumie meeuba khersijimgui ajierram aajem.

Hechos 11:14

Magá Ẽwandam chogau ich Cornelioogcha jaaujim aajem, mua maach peerdʉajem iek wajapha jaaubaawai peerdʉwi ĩchab thum i di aiguim khʉʉnjã peerdʉ nʉisiju.

Hechos 16:15

Magbaawai chadcha ʉkhawia, thum ich di aiguim khʉʉnaupa amach por choopiwi, mag ʉʉirau ich garmua marag, —Pãachdeu oowai chadcha mua maach Por Jesús iek ʉkha ʉmjoo oo nʉm khai, magan mʉ di aar wetwia mʉ aig khãibajet ajim. Mag ʉdʉʉr maach pʉiba khãibajeje nʉʉ paawai chadcha maar thʉbagkhajim.

Hechos 16:34

Maimua am iek ich di aar am phe arrwi amag thach khomkhĩir audeebaawai amau khojierram aajem. Mag, ichdeu Ẽwandam iek ʉkhatarr gaaimua, ich degam khʉʉnpa thumaa onee aphobaadejim aajem.

Hechos 18:8

Mag Pabloou ogdʉba jaau wai jẽedʉ khitaawai ʉu mag Ẽwandam iek jaaujem degam por Crispo anʉmua thum ich degam khʉʉn dʉimua ʉkhajierram aajem. Mamʉ makhʉʉn appaijã khaba, mag tag ich mag Corinto phobor ee khapanaam khʉʉnau maach peerdʉajem iek ũrbaawai ʉkhawi amach por choopijierram anaabá.

Hechos 2:39

Irua mag ich Akhaar deeju jaautarran, pãrag deenaa, pãar chaainagjã deewi, thum durr warpham khʉʉnagpa deeju jaautarrau. Wajapcharan thum ichdeu khõsi thʉ̃r aumam khʉʉnagta ich Akhaar deemajugui ajim aajem.