San Juan 4:48 - Wounaan Meu

⁴⁸ Pari magbaawai Jesuu irig, —Pãrau chan pãach daúacha ag na õrau nem ooba aajem wau nʉm oobam aigjã Ẽwandam jua theeg mʉ gaai sim ʉkhaba sĩerrjeemgui ajim.

Woun Meu

⁴⁸ Pari magbaawai Jesuu hirig, —Pãrau chan pãach daúacha hag na hõrau nem hooba haajem wau nʌm hoobam haigjã Hẽwandam jua t'eeg mʌ gaai sim hʌ̈k'aba sĩerrjëemgui hajim.

San Juan 4:48 Iomraidhean Croise

San Mateo 16:1

Mag Magadán durr paaukhabaimaawai fariseonaanau Saduceonaan dʉimua Jesús oon beejierram. Pari mag beetarran sĩi i imeraa pʉr aum khõchgaupai arr aawai irig amachdeu bʉ̃ʉrjã ooba aajem nemta amach dakhĩir edjã ee waupi jaau naajim, mag gaaimua chadcha Ẽwandamau pʉiwiata mag nʉrrʉm a amachig khap jaaumkhĩir.

San Mateo 24:24

Mua mag chirʉmʉn, amach iiupaita amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉn khapan sĩi seukha chikham khũgur wenʉrraju aawaita mag chirʉmgui ajim, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhaju ajim.

San Mateo 27:42

—Deeum khʉʉnan peerdʉ autarrta pʉchta podbahabma. Pʉ judionaan rey khabá; maar dakhĩir jãg pakuls gaaimua eeg ʉʉrbabaad. Mag oobaawain chadau marau ʉkhaju aajeejim.

San Marcos 13:22

Mua mag chirʉmʉn amach iiupai amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉnjã sĩi seukha chikham khũgur wenʉrraju aawaita mag chirʉmgui ajim anʉm, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau nem ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhajugui ajim anʉm.

San Lucas 10:18

Magbaawai Jesuu amag magjim aajem: —Pãrau mag obeerpi jaauwai dosãt jua theeg chukhu sĩi jẽkhʉt phʉphʉrg petaphʉm mua khaphʉ chirajim. Jãguata irua mʉ okho sĩerrʉmgui ajim anʉm, ichdeu mʉ jua jʉmbaju khap.

San Lucas 16:31

Magbaawai Abranau irig magjim aajem: “Mamʉ amau mag Ẽwandam iek chi phãm wai nʉm gaai jaau sim ʉkhaba nʉm chan, magan ãb meewia deeu iiu phiidʉwia amag jawaan makhiinjã, amau ʉkhabajugui” ajim aajem, chi rik arrag.

San Juan 12:37

Parii Jesuu maach meeun judionaan khapan thʉnʉm dakhĩir nem khĩir pogkhe waumamua ich jua oopipi aajerrjã wajappai i iek ʉkhaba aajeejim.

San Juan 15:24

Õrau ag na wauba aajem nempa mua am dakhĩir waujimgui ajim, magʉm gaaimua khãijã ʉkhamkhĩir. Mua mag wauba arr akhiin, amachdeu mʉ isegtarr gaaimua chadcha am Ẽwandam dʉi iekkhõr chukhu naakham. Pari ya amach daúacha mag ootarrjã ʉkhabanaa warag mʉ oomap nʉm aig, ich chi mʉ pʉitarrpata oomapha nʉmgui ajim.

San Juan 2:18

Mag amach dakhĩir dawag õor jʉrkhʉʉibapʉim oobaawai judionaan chi pornaanau irig, —Pʉchdeu Ẽwandam di kõit jãg chirʉpí, pʉ iek mag pʉʉta Ẽwandamau warrgarwe pʉiju a jaaujerr anaawai magan maar dakhĩir ag na marau nem ooba aajem ich Ẽwandam denjo waubá ajierram irig.

San Juan 20:29

Magbaa Jesuu irig, —Pʉch daúacha mʉ phiidʉbarm oobaawai ĩsta pua ʉkha chirabma ajim. Ar amach daúacha mʉ ooba nʉmta pari sĩi jaaubarm ũrwiapai ʉkha nʉm khʉʉnta Ẽwandamau ʉucha wai sĩejugui ajim.

San Juan 4:49

Pari magbaawai chi thethem garmua warag irig, —Señor, mʉ ap chitʉm jopai mʉ chaai oomierrau, meeju nawe. Ya parba kherʉmta mua oo pʉabajieb ajim.

Hechos 14:3

Mag gaaimua mag amachdeu jaau nʉmjã ʉkhamapha aawai warag ajapcha amag jawaag awi aigmua da wetbajierram aajem. Chi Pabloou Bernabé dʉimua maach Por amach dʉi sim khaphʉ narr aawai warag thãar phĩiuwi ogkhaba õrag jaaumajierram aajem, jãga Ẽwandamau amjã khõsi sĩerrʉ́. Maagwai amau jaau wenʉrrʉm õrau seukhaawai am ugua, am iek ich Jooiraujã ich jua theeg amag deejim aajem, ag na õrau ooba aajem nempa maach dauderraa am dakhĩir waumamkhĩir.

Hechos 15:12

Magbaawai jũrr Bernabeeu Pablo dʉimua jaauphobaadejim aajem, jãga Ẽwandamau amagjã judionaan khabam khʉʉn eejã ag na õrau nem mag ooba aajempa waupimajĩ. Mag jaaumam ũrwia sĩi thumaam khʉʉnau khĩuu ũr nʉisijim aajem.

Hechos 2:19

Mag jaaumamua ĩchab, “Edjã eejã mua mʉch beeju ijaaur nem khĩirpierr ompaapimajugui” ajim aajem. “Maagwai mʉg jẽb gaai bag ooju, õtdau phur jĩerrarraukham dʉi; sĩi naar phʉichchi khõrr jĩubaadephʉmjã oojugui” ajim anʉm.

Hechos 2:22

Pedroou mag Ẽwandam iek phã pʉarr jaau dichwia, ĩchab ijẽjẽbkhamua, —Keena israelnaan, cha mua iekhaagpam ajapha ũrbat ajim anʉm. Pãrau khaphʉ nʉmgui ajim anʉm, Jesús Nazaretpierrta ich Ẽwandamaucha pʉitarr aawai pãach ee ag na nem mag ooba aajerr irua wau nʉrraajerr gaaimuata Ẽwandamau pãrag ich jua theeg oopijim.

Hechos 2:43

Mag nʉm ee ich Jesuu jʉr autarr khʉʉnau ag na nem mag ooba aajempa wau nʉm oowia õor thumaam khʉʉnta dauderraa thʉnaajim aajem.

Hechos 4:30

Mor masim khʉʉnjã monaaunaa pʉch Chaai pekau chukhu khitʉm Jesús ag jua theegau nem maadeu ooba aajempa marag waupibá, magʉm gaaimua õrag pʉch jua theeg oomkhĩir a jeeumajierram aajem.

Hechos 5:12

Ich Jesuucha ich i jaaumkhĩir jʉr autarr khʉʉn gaaimua Ẽwandamau ag na õrau nem ooba aajem pom waumaajeejim aajem, õor dakhĩir. Maagwai chará waragta chi ʉkha narr khʉʉnan Aai i jeeujem di bigaau dijãjo weu wejom “Pórtico de Salomón” a thʉ̃r sim ee biirdʉdʉ aajeejim aajem.

Hechos 6:8

Mag woun Esteban anʉmua nem waauwai ich Ẽwandamauta nem thum ʉuu obeerpipi aajeejim aajem. Mag simua Ẽwandam jua theeg ich gaai wai sĩerr aawai ich Ẽwandamaujã irig õor ee ag na bʉ̃ʉrjã nem ooba aajempa waupimaajeejim aajem ĩchab.

Hechos 7:36

Mag, chadcha Moiseeuta Egipto durrjã õor dakhĩir ag na amau ooba aajempa wau nʉrrʉmua am phe arrwi, phũas Phur anʉm eejã phe wai dichwi, õor chukag durrjã cuarenta años ag na amau ooba aajem nempa ich mag ichdeuta wau nʉrrajim aajem.

Romanos 15:19

Mamʉ mag gaaimuapaijã khaba, mag nʉm dʉi ĩchab Ẽwandam Akhaar jua theegau mua õor mor masim khʉʉn monaaunaa mepeenpa dau daau jʉr werp chitʉmjã amach daúa ootarr gaaimuapata ʉkhajierram. Mag jaau chitʉmuata maach peerdʉajem iek Jerusalenmua jaaubaaderr Iliria durram magwe jaauwi chirʉm.

1 Corintios 1:22

Judionaanaun sĩi amach dakhĩir ag na õrau nem ooba aajemta amach dakhĩir waupim khõchkha thʉnʉm; pari mag wauba aawaita mag maach peerdʉajem iek jaauwaijã ʉkhaba thʉnʉm. Maagwai jũrr griegonaanau warag nem thum khaphʉm aajem khʉʉn iek ũrm khõchgauta amachig maach peerdʉajem iekdam jaauwaijã ʉkhaba thʉnʉm.

2 Corintios 12:12

Pãar aar chiraajeewai phithurg au khitʉm ãba, maach Ẽwandam iekta ogdʉba jaau jẽedʉ khitʉmua i jua theegau mua õor dauderraa nem waaujerr gaaimua merag chukhu pãrau mʉ chadcha Jesucristo i jaaujemkha chirʉm khaphʉ naajim.

2 Tesalonicenses 2:9

Mag woun chi khaigbam beejuun, mepeer jua theeg dʉita beeju. Mag simua aawai chi meperau i juag ooju, ag na õrau nem ooba aajempa õor dauderraa waumamkhĩir; mamʉ mag waumamʉn sĩi õor khũguraagpaiu.

Hebreos 2:4

Mamʉ magpaijã khaba, mag maach peerdʉajem iekhan chadcharau a khap amkhĩir, ich Ẽwandamaucha mag ich iek jaau durrum khʉʉnag õorjã dau daau monaaupi maajeejim. Mag nʉm dʉi ĩchab ĩs ewag pawiajã ichdeupai ich Akhaar jua theeg gaaimua maachigjã nem khĩir pogkhe waupiejem, magʉm gaaimua mʉg i iek jaau nʉmʉn chadcharau a khap apieg. Magua mʉg maach peerdʉajem iek jaau nʉm ũurwai par jʉ̃gʉupai ũrba ʉkhaju aai nʉm.