San Juan 4:46 - Wounaan Meu

⁴⁶ Mag Galilea durr paimawia deeu Canaag majim, ag na ichdeu do atarrta vinoog paatarr phoborog. Maagwai ĩchab Capernaum phobor ee sĩejim woun ãb rey dʉi phidkhaajem, chi thethem. Mag den chaai mor mas sĩejim aajem.

Woun Meu

⁴⁶ Mag Galilea durr paimawia deeu Canaag majim, hag na hichdëu dö hatarrta vinoog paatarr p'öbörög. Maagwai hĩchab Capernaum p'öbör hee sĩejim woun hãb rey dʌ̈i p'idk'aajem, chi t'et'em. Mag dën chaai mor mas sĩejim haajem.

San Juan 4:46 Iomraidhean Croise

San Mateo 15:22

Maimua ya mam paaukhabaimamta, ʉʉi ãb Israel durram khaba Canaanpie ʉʉi mag perás sĩejerrta ähäag beewia Jesuug, —Señor, mʉ ap ʉrrʉm mʉ dau aug khaugbá ajim. Mua khaphʉ ʉmgui ajim, pʉʉta chadcha Ẽwandamau pʉiju aajerrau. Maagwai mʉ chaai monawaagjã pʉ jua theeg sim. Mʉ kha dosãt beneu baarjemta pʉrʉg monaaubapʉi a ʉmgui aichejim, irig chaigpamamua.

San Mateo 4:13

Pari ich bãautarr phobor Nazaret eepai sĩeba, warag Capernaumag petajim aajem, thʉrrdo igaau joobaan, warrgar maach jooin Zabulonnaan Neftalinaan dʉi joobaajerr durr.

San Mateo 9:18

Mag Jesús agtha Juan por choomieu õor pʉitarr dʉi iyʉʉ dʉnʉm ee, maach meeun eem judío ãb chi porkha sim beewi sĩi i khĩirphee kanieu phõbkhabaichejim. Mag phõbkhachewi irig chaigpamamua, —Chaigpai mʉ khadam chugpajimgui ajim. Pari pua mʉ di aar manaa i gaai pʉrimakhiin, mua khaphʉ chirʉmgui ajim, pua deeu i iiu auju.

San Lucas 4:23

Magbaawai Jesuu magjim anʉm: —Pãrau mʉchig “Chadcha médico khai, pʉchdeupai pʉch monaaubapʉi” a iekhaju mua khaphʉ chirʉmgui ajim anʉm. Magnaa amag, Pãrau ũurwai Capernaum durr mua nem khĩir pogkhe waaujem anaawai, mʉigjã magan agjo waupi jaaujugui ajim anʉm, mʉ iek ʉkhamapham iekhau.

San Lucas 7:2

Mag Capernaum phobor ee capitán ãb sĩejim aajem, soldaaun por. Mag capitán chog ãb irua ʉ̃rcha daupii aajerrta mor mas parhba tag ãwatbajujo thʉnaajim anaabá.

San Juan 2:12

Maimua magtarr khur ich ag Galilea durr eepai deeum phobordam Capernaum anʉmʉg maar phe arrjim, ich ãd dʉi ich eeugpeenpa. Mag phobordam ee khãaidam khapanaa maar naaimajim.

San Juan 21:2

Maar maig naajim: Simón Pedro, Tomás am den i Meís a thʉ̃ʉrjerr, Natanael chi Galilea durr phobordam Caná anʉm eem, Santiago, mʉ, maimua mag tag maar khapeen agjo ich Jesús khapeen numí naajim.