San Juan 4:43 - Wounaan Meu

^43-44 Jesús mag Jerusalenmua mawi, Samaria phobordam ee khãai numí sĩeimawi, warag ich maa arrag petajim, Galileaag. Mamʉ mag phiesta dichtarr khur Jerusalén thʉbaba arran, ag na ichdeu iekhatarrjo, chi Ẽwandam iek jaaujem khʉʉn chan ãbjã amach durr ee ãba naajem khʉʉnaupaijã kha khõchkhaba aajeewai ajim. Magta ich thaabatarr durrmua warag Galileaag petajim, ich bãautarr durr.

Woun Meu

^43-44 Jesús mag Jerusalenmua mawi, Samaria p'öbördam hee k'ãai numí sĩeimawi, warag hich maa harrag petajim, Galileaag. Mamʌ mag p'iesta dichtarr k'ur Jerusalén t'ʌbaba harran, hag na hichdëu hiek'atarrjö, chi Hẽwandam hiek jaaujem k'ʌʌn chan hãbjã hamach durr hee hãba naajem k'ʌʌnaupaijã k'a k'õchk'aba haajeewai hajim. Magta hich t'aabatarr durrmua warag Galileaag petajim, hich bãautarr durr.

San Juan 4:43 Iomraidhean Croise

San Mateo 4:13

Pari ich bãautarr phobor Nazaret eepai sĩeba, warag Capernaumag petajim aajem, thʉrrdo igaau joobaan, warrgar maach jooin Zabulonnaan Neftalinaan dʉi joobaajerr durr.

San Juan 1:42

Maimua chadcha chi Simón ich dʉi aibeejim, maar Jesús dʉi narr aig. Mag ich aig waipierrwai Jesuu chi Simonag, —Pʉ Simón khabahab ajim, Jonás iewaa. Pari ĩsmua atag pʉ Cefas a thʉ̃rjugui ajim. (Mag Cefas aawai griegonaan meúa Pedro aawaiu. Mag Pedro a sim aig mokpor aawaiu.)

San Juan 4:40

Maimua chadcha mag beewi chi Jesús aig barchejierram, chi phobor eemua beetarr khʉʉn. Mag i aig paaukhachewia irig, —Mʉig maar aig khãibaje ajierram. Ichig magbaawai chadcha thʉbawia khãai numí sĩejim am phobor ee.

San Juan 4:46

Mag Galilea durr paimawia deeu Canaag majim, ag na ichdeu do atarrta vinoog paatarr phoborog. Maagwai ĩchab Capernaum phobor ee sĩejim woun ãb rey dʉi phidkhaajem, chi thethem. Mag den chaai mor mas sĩejim aajem.

Romanos 15:8

Khĩir eyaa abat: Jesucristo mʉg jẽb gaai beetarran, Ẽwandamau maach jooinag ãb maach peerdʉ aumkhĩir pʉiju a jaautarr aawai, ich pierrum gaaimua chadcha Ẽwandam iekha sĩejim a khap amkhĩirta beejim. Magua mua pãrag jaau chirʉm: I beetarran, maach chi judionaan athee chadcha nem wajapha wawaanta beejim.