San Juan 4:41 - Wounaan Meu

⁴¹ Mag khãai numiim ee ichdeucha jaau sim ũrwia, warag khapanaacharam khʉʉnauta i iek ʉkhajierram.

Woun Meu

⁴¹ Mag k'ãai numiim hee hichdëucha jaau sim hũrwia, warag k'apanaacharam k'ʌʌnauta hi hiek hʌ̈k'ajierram.

San Juan 4:41 Iomraidhean Croise

San Lucas 4:32

Mag irua jaau sim aig i iek ũrwia õor jʉ̃gderraa thʉnaajim anʉm, chi khaphʉm khaphʉm aajem khʉʉn khãyaujã ichdeuta jaau khaphʉcha jaaumam ũrwia.

San Juan 4:40

Maimua chadcha mag beewi chi Jesús aig barchejierram, chi phobor eemua beetarr khʉʉn. Mag i aig paaukhachewia irig, —Mʉig maar aig khãibaje ajierram. Ichig magbaawai chadcha thʉbawia khãai numí sĩejim am phobor ee.

San Juan 4:42

Mag amachdeucha Jesuu jaau sim ũrwia ʉkhatarr khʉʉnau chi ʉʉirag, —Ya ĩs chan sĩi pua jaau sim ũrwiapai khaba, maach jʉ̃gʉucha i iek ũrwiata marau ʉkha nʉmgui aajeejim. Ya chadcha marau khaphʉ nʉm, jãguata chadcha durrpierr ich iek ʉkha nʉm khʉʉn thum peerdʉ auju khabahab aajeejim jũrram khʉʉnau.

San Juan 6:63

Magnaa warre amag, Mua mag mʉch mod khopi jaau chirʉm chan mʉch mod chaarta jaauba chirʉmgui ajim. Mʉ modon chadcha pãrau khowiajã jãgua chan bʉ̃ʉrjã pãar peerdʉ aubajugui ajim, Ẽwandam Akharauta õor iiupiejeewai. Mag mʉ mod chaarta khoju khĩirjuju khãai, cha mua pãach kõit ʉdʉraa mʉch thõopiju jaau chirʉmta ʉkhapi chirʉmgui ajim, chi mag ʉkha nʉm khʉʉnauta Ẽwandam Akhaar õor iiupiejem wai nʉisiju aawai.

San Juan 7:46

Magbaa chi guardianaanau amag magjierram aajem: —Marau chadcha i pʉr aubeeba arran, maachdeu ũurwai sĩi parhoobam khʉʉn iekhaajemjo khábata nem jaau sĩerr aawaita pʉr aubeebajimgui ajierram aajem amag.

Hechos 1:8

Mag khãai Ẽwandam Akhaar pãach gaai phẽs sĩeichejuun chad pãrau khaphʉ aju aai nʉmgui ajim anʉm. Mag pãach gaai phẽs sĩeichem ed pãar jua theeg aphobaademua mua nem waaujerr pãach daúacha oonaa mʉ iek pãach jʉ̃gʉucha ũurjerrjã pãrau õrag jaau nʉrrjee aju. Nacha mʉg Jerusalén phobor ee, maigmua Judea durr, Samaria durr, ich mag khĩeb durrpierr jaau wetumua warp durr chaauram magwe pãrau jaau wenʉrrajugui ajim anʉm amag.

Hechos 15:3

Mag chadcha Antioquía phobor ee chi ʉkha durrarr khʉʉnau amach pʉibapäaiwai ereubaadewi, Fenicia durr dichwia, Samaria durrjã dichjierram aajem. Mag wenʉrrʉmua amach wetumpierr õrag jaaujeejim aajem, jãga judionaan khabam khʉʉnaujã amach jooin warrgarm khʉʉn i isegwia khĩirjug iiurta aujierrá, Ẽwandam iek chaarcha ʉkhaag. Mag amau nem ĩgkhamam ũrwia thum chi ʉkha durrum khʉʉn onee durrajim aajem ĩchab.

Hechos 8:12

Mamʉ mag nʉm ee, jũrr Felipeeu maach peerdʉajem iek jaaunaa, “Ẽwandamagta ʉdʉraa dich Porkhapiju aai nʉm” a jaau sim dʉi ĩchab, “Jesucristota ich Ẽwandamaucha jʉr auwia maach peerdʉ aumkhĩir pʉijim” a jaaumam ũrphobaadeewai, ʉkhawi, emkhooin dʉimua ʉʉinaupa amach por choopimaajeejim anaabá.

Hechos 8:25

Mag, Pedro Juan dʉi ewaa ʉkha durrum khʉʉn oon wetwi, amach daúa Cristo meewi iiu phiidʉtarr ootarrpa jaauwia, deeu Jerusalenag wetjierram aajem. Mag wetumua ĩchab Samaria durr phobordam nʉnʉidʉm ee õrag jãgata Ẽwandamau maach peerdʉ aaujẽ a jaau wenʉrraajeejim aajem.

Hebreos 4:13

Mʉg thʉnʉm aig chan pod iwiir ãbmuajã Ẽwandam dau merpʉiju khaba sim. Irigan nem thʉnʉm thum ich dau aig aunaata oo nʉmjo dawaa thʉnʉm. Ẽwandam mag maadeu nem wau nʉmjã thumaa oojem khĩirpheeta maachin dʉnʉnʉid aimaju, maachdeu nem waaujerr thumaa irig meerba jawaag.