San Juan 4:38 - Wounaan Meu

³⁸ Iin chadcha deeum khʉʉnauta nacha chi phidagan eudʉ aujierram; pari magtarrta jũrr pãachta am phidag gaaimua wajapcha aju. Pãach chi bʉ̃ʉrjã phithurg auba narrta nemjĩir phierramkhĩirjota mua pãar pʉi chirʉm a jaaumajim marag, maachdeu ich iek jaau wenʉrrʉmua õrag ʉkhapi aumaju igwia.

Woun Meu

³⁸ Hiin chadcha deeum k'ʌʌnauta nacha chi p'idagan hëudʌ haujierram; pari magtarrta jũrr pãachta ham p'idag gaaimua wajapcha haju. Pãach chi bʌ̃ʌrjã p'it'urg hauba narrta nemjĩir p'ierramk'ĩirjöta mua pãar pʌ̈i chirʌm ha jaaumajim marag, maachdëu hich hiek jaau wënʌrrʌmua hõrag hʌ̈k'api haumaju higwia.

San Juan 4:38 Iomraidhean Croise

San Mateo 4:23

Mag nʉrrʉmua Galilea igaau Jesuu jaau phʉʉrdʉ nʉrraajeejim aajem, phobordam khekhedʉm ee judionaan Ẽwandam iek jaaujem di sĩsidʉmpierr. Mag jaau nʉrrʉmʉn maach peerdʉajem iekta jaaunaa ĩchab Ẽwandamagta dich Porkhapiju aai nʉm aajeejim aajem. Mag nʉm dʉi õor amach khamor machagpierr ich aig wai bee nʉmʉn monaaupʉinaa sĩi kha mamachdogpa chugpaapʉi maajeejim anaabá.

San Juan 1:7

Maguan sĩi ich ẽudee deeum woun ãb beejuuta jaau nʉrrajim aajem, mag wounta khĩchag ee õt paa dʉnʉmjo sim a jaaubaawai õor thumaam khʉʉnag mag iekta ʉkhamkhĩir.

San Juan 17:18

Ich jãg pʉch iekta mʉg durr gayam khʉʉnag jaaumkhĩir pʉchdeu mʉ pʉitarrjo, ich agjo pʉch iek ʉkhaba thʉnʉm khʉʉnag ich ag iek jaaumkhĩirta muajã jũrr am pʉi chirʉmgui ajim.

San Juan 4:37

Ar õrau, “Chi nemjĩir jĩir simuan sĩi jĩirmam, pari khar chan pod ichdeupai eeuba aajem” aawain chadcharauwai ajim.

San Juan 4:39

Mag chadcha ʉʉi do joyaan khitawia, “Jesuu bʉ̃ʉrjã ichig jaaubamta mua nem waaujem thumaa khaug athajim” a jaaubaimaawai, mag Samaria durr phobordam sĩerr ee õor khapankham khʉʉnauta i iek ʉkha nʉm iekhau, “Magan chadcha ich Ẽwandamaucha pʉiju aajerrau” awia chi Jesús oon beejierram.

Hechos 2:41

Mag chadcha Pedroou jaau sim ũrwia Ẽwandam iek ʉkhamarr khʉʉnau amach por choopimajierram aajem. Ich mag edpai ʉkhawia amach por choopimarr khʉʉn appai tres miljo naajim aajem.

Hechos 4:32

Mag khapan Ẽwandam iek ʉkha thʉnarr khʉʉnan khĩirjug ãbanaa ĩchab o ãbata naajeejim aajem. Ãbmuajã ich nem wai sim, “Mʉch atheepaiujã” aba, ante magju khãyau, “Nem thum thʉnʉmʉn maach thumaam khʉʉn deneugui” aajeejim anaabá.

Hechos 4:4

Mamʉ mag amach pʉrkha arrju nawe jaau durrarrdam õor pom mag thʉnarr khʉʉnau ũrtarr aawai ĩchab chi ʉkha narr khʉʉn khapanag emkhooin appai cinco miljo naajim aajem, ʉʉin dʉi chaainjã beerba.

Hechos 5:14

Mag ãaur khʉʉnau ogkha nʉm ãba, warm khʉʉnau jũrr pogkha maach Por iek ʉkhakhag wetumua warag khapaana aphobaadejim aajem, ʉʉinpa.

Hechos 6:7

Magtarr aigmua warag Ẽwandam iek aaidʉmam dʉi ĩchab chi ʉkha durrum khʉʉnjã Jerusalén phobor ee waragta khapaana paaukhamajim aajem. Mag amau jaau durrum ũrwia judionaan eem phadnaanjã khapan ĩchab Ẽwandam iek gar theerbagkha majierram aajem.

2 Corintios 10:15

Mua chan chikham phidagta mʉch denkha auwia jũrr mʉch gaai thʉ auba, ni sĩi chikhamnag pãar ee phidkhapimaaugaujã khabam; mamʉ ichiita pãar eeta warag phidkhaju khĩirju chirʉm, jãg pãachdeu Cristo iek ʉkha nʉm gaaita warag ubʉ paaukhamamkhĩir.