San Juan 4:3 - Wounaan Meu

³ Mag, fariseonaanau Jesús aarta ʉ̃rcha õor poposkham khaphʉ aphobaadem ich Jesuujã khaug athaawai Judea durrmua jũrr ichta warag Galileaag petajim. Magbaawai maar i dʉi wetjim.

Woun Meu

³ Mag, fariseonaanau Jesús haarta hʌ̃rcha hõor poposk'am k'ap'ʌ hap'öbaadëm hich Jesuujã k'aug hat'aawai Judea durrmua jũrr hichta warag Galileaag petajim. Magbaawai maar hi dʌ̈i wëtjim.

San Juan 4:3 Iomraidhean Croise

San Mateo 10:23

Pãach nʉm phobor ee pãach thet pʉrbaichee jũrr deeum phoborog ereupetat. Mag wenʉrrʉmua mʉg Israel durr phobor khapan nʉnʉidʉm ee dʉrju jʉr wenʉrrawiajã, pãrau phobor thum phʉʉrpʉiju nawe mʉch chi Emkhooi Iewaa deeu pãar ee chiraichejugui ajim, magbarm aigmua Ẽwandamta õor thãar ee chi Porkhaju aai sim khap apieg.

San Marcos 3:7

Maigmua Jesuu ich khapeen ich dʉi phe arrjim aajem, ich ag Galilea eepai thʉrrdo pooma simʉg. Mag i mam dʉi õor khapaana Galileapien Judeapienpa wetjim aajem.

San Lucas 17:11

Mag jaau sĩewia, warag Jerusalenag mamua didichagmajim aajem, Samaria durr Galilea durr dʉi ãba thẽu nʉm jãrr khʉdau ma sim ee.

San Juan 1:43

Ag noram Jesús jũrr Galilea durr maju aadejim. Mag nʉm ee Felipe dʉi oojim. Mag oobaawai irig, —Felipe, mʉ dʉi marrau ajim.

San Juan 10:40

Maimua mawia ag na Juan chi õor por choomieu Jordán ee õor por choo sĩerr gar dʉrbawia maig sĩsijim, edau obeerjem gar.

San Juan 11:54

Jesuu ya mag ich thõoju khĩirju nʉm khaphʉ sĩerr aawai ya tag judionaan ee parhooba nʉrraba aajeejim. Mag gaaimua ichta warag Judea durrmua warp petajim, phobordam Efraín anʉmʉg. Mam chan õor pomcha khaba naajeejim. Maig maar i dʉi naaimajim, i kha ogdʉba wenʉrraajerr aawai.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

San Juan 3:22

Mag phiesta Pascua dichtarr khur Jesuu maar phe arrjim Jerusalenmua chawag, ich ag Judea durr eepai. Maig nʉmua õor por choojeejim.

San Juan 3:32

Mamʉ irua magba, mʉ khãaijã ʉ̃gtharmta ichdeucha oowia ichdeucha ũrtarrta jaau sĩebahab ajim anʉm Jesús igwia. Mamʉ magʉmjã khapancha khaba nʉm i iek ʉkha durrum khʉʉn.

San Juan 4:47

Mag chi thethemua Jesús Judeamua beewia jũrr Galilea barbaichem a ũrbaawai i aar mawia irig chaigpamamua, —Mʉ chaai ya podba kherʉmta oo pʉajim; mʉ ap chitʉm mʉ di aar marrau aichejim, mʉ chaai monaaupäain.

San Juan 7:1

Magtarr khur ich Jesús Galilea durr phobordam nʉnʉidʉmpierr phʉʉrdʉ nʉrrajim. Ich tag Judea durr mamapha sĩejim, judionaan chi pornaanau ich thõog ẽkhaajerr aawai.