San Juan 4:23 - Wounaan Meu

²³ Pari ĩs irig jeeu chaar jeeu nʉm khʉʉnaun mʉg atag paawai warag Ẽwandam Akharau khõsi simjo jeeujugui ajim anʉm, ya amau Ẽwandam jãga sĩerrʉ́ a khaphʉ naawai. Ichig mag jeeu nʉm khʉʉnta ich Ẽwandamaujã iigjemgui ajim aajem.

Woun Meu

²³ Pari hĩs hirig jëeu chaar jëeu nʌm k'ʌʌnaun mʌg hatag paawai warag Hẽwandam Hak'arau k'õsi simjö jëeujugui hajim hanʌm, ya hamau Hẽwandam jãga sĩerrʌ́ ha k'ap'ʌ naawai. Hichig mag jëeu nʌm k'ʌʌnta hich Hẽwandamaujã hiigjemgui hajim haajem.

San Juan 4:23 Iomraidhean Croise

San Juan 1:17

Ẽwandamau Moiseeg ley phãpiewai sĩi jãga wenʉrraju aai nʉ a khap amkhĩirpai phãpijim. Pari jũrr Ẽwandamau ich Iewaa Jesucristo päaiwai, ichta ich Chaai chaar aawai, warre ich gaaimuata i jãga chitʉ́ a khaphʉnaa ĩchab maach ichdeu khõsi simjã khap amkhĩirta pʉijim.

San Juan 12:23

Mag wetwia judionaan khabam khʉʉnau ich jʉr wenʉrrʉm a jaaubaicheewai amjã peerdʉ awaag ʉdʉraa ich thõopiju jaaubaademua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̃rpai apieg.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 16:32

pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉi sĩewai.

San Juan 4:21

Magbaawai Jesuu irig, —Pʉde mʉ iek ũrbarí ajim anʉm: Ya mʉg atag paawai pãrau khĩirjubaju, mʉg durrsĩ gaaita Ẽwandamag jeeuju wa Jerusalén mawiata Ẽwandamag jeeuju. Magbarm aigmua parhooba pãach nʉm aigmua irig jeeuju aai aphobaadejugui ajim anʉm.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

San Juan 5:28

Mag muata õrag amach khĩircha jawaagjã iek theeg chirʉm a ũrwia oob jʉ̃gderraa amiet. Pari chadcha mʉchdeuta mʉg atag otarr khʉʉnagjã amach beptarr jẽbdegmua obeerpi jaaubaawai deeu iiu phiidʉtkhajugui ajim.

Romanos 1:9

Muan ãba Ẽwandam Iewaau maach peerdʉ aaujem iek warag õrag khaphʉ apijuuta ẽkha chiraajem. Magua, ich Ẽwandamaujã khaphʉ sim, mua ichig jeeupierr chadcha pãar kõit jeeujem.

Romanos 8:15

Mag ich Akhaar deebarmua ich chaainkha autarr chan, sĩi mʉig eegar chikham chogkha nʉm khʉʉnau amach patronnaan ogkhaajemjo ich okho wenʉrramkhĩir khabajim. Magju khãai mag ich Akhaarta deetarr aawai irig jeeuwaijã chadcha ich ag Akharaupai bʉ̃ʉrjã inag chukhu irig Aai ichepiejem.

Romanos 8:26

Mamʉ mag khĩirju nʉm appaijã khaba, ich Ẽwandam Akharauta maach akhaardam kha thũu aadeewai ʉu maach akhaar juag oojem, magʉm phithurg waauwaijã ãwatamkhĩir. Magʉm gaaimua maadeu pod Ẽwandamag jeeuju khaugbam iekhau sĩi “¡Eh, Ẽwandam!” aawaijã, ich chi Ẽwandam Akharauta maach khĩirjug khaphʉ sim aawai, jũrr ichdeuta maach kõit warre ich Ẽwandamagchata jaaumaajem.

Gálatas 4:6

Mamʉ mag ich chaainkha nʉisimjã maachig khap amkhĩir, ich Ẽwandamau jũrr ich Chaai Akhaarta pʉijim maach thãar ee sĩemkhĩir. Mag i Akhaar maach thãar ee simuata maachigjã Ẽwandamag Aai ichepiewai chadcha maadeu Ẽwandam maach Aai aajem.

Efesios 6:18

Pari thum cha mʉchdeu jaau chirʉmjo dich garmuata podpäaigan, jeeub khaba Ẽwandamagta jeeunaat. Ich magta irig jeeu wenʉrrʉmua ideu ich Ẽwandam Akharagta pãachig jaaupibat, jãga Ẽwandamag jeeuju aai nʉ. Khĩir khaphʉ abat, eeu bʉ̃ʉr abarm gaaimua khãijã Ẽwandamag jeeumapha adukham. Magju khãai pʉaba irigta chaigpamamua jeeunaa ĩchab tagam khʉʉn thum durrpierr Cristo iek ʉkha nʉm khʉʉn kõitjã jeeunaat.

Filipenses 3:3

Mamʉ par amach iphithur mag wenʉrrawiajã oob am ipierraa amiet. Maach mor ʉ̃rpain ideu sĩi dauchach paar sĩsid awiajã, maach thãarta khaigba sim chan parta i chaainau aju. Mag khãai maachin chad i chaain chaarpama, chadcha ich Ẽwandam Akharau jaau simjo thãraucha irig jeeujeewai. Mag jeeu wenʉrrʉmuata maach onee naajem, Jesucristo maach kõit meebarm gaaimua Ẽwandamau maach ich chaainkha wai sĩewai.

1 Pedro 2:9

Pari pãar chan Ẽwandamau mag isegbam. Pãran ich Ẽwandamauchata ich chaain khamkhĩir ich garmua jʉr autarr khʉʉnau. Pãarta phadnaanau aajemjo õor kõit jeeujem khʉʉn khabahab, maach Rey Cristoou sĩi ich atheepai nem waumkhĩir jʉr autarr khʉʉn. Pãarta warr khĩchag eemjo naajerr khʉʉn Ẽwandamau ich iek ʉkhapi athamua araragag obeer autarr khʉʉn khabahab, mag pãach ararag ee obeer autarr Ẽwandam chadcha õor dʉi ajapha khitʉmta jũrr deeum khʉʉnagjã jaaumkhĩir ich õorkha autarr khʉʉn.