San Juan 4:22 - Wounaan Meu

²² Pãar Samariapienau chan Ẽwandamag jeeu nʉm anʉmjã wajap i khaugba nʉmta irig jeeujem. Pari maar judionaanaun chadau, maach meeun eem ãb oberbarm gaaimuata Ẽwandamau õor peerdʉtkhaju khaphʉ naawai, irigta jeeujemgui ajim aajem.

Woun Meu

²² Pãar Samariapienau chan Hẽwandamag jëeu nʌm hanʌmjã wajap hi k'augba nʌmta hirig jëeujem. Pari maar judionaanaun chadau, maach meeun heem hãb höbërbarm gaaimuata Hẽwandamau hõor peerdʌtk'aju k'ap'ʌ naawai, hirigta jëeujemgui hajim haajem.

San Juan 4:22 Iomraidhean Croise

San Lucas 24:47

Mag mʉch chi Cristo iiu phiidʉbarm ootarr khʉʉnauta amachdeu ootarr nacha Jerusalenpienag jaaunaa ĩchab durrpierram khʉʉnagjã jaaujugui ajim anʉm, jãgata khĩirjug ajapham jʉrbaawai Ẽwandamau amach khaibag chugpaaju aai sim thumaam khʉʉnag khap amkhĩir.

Hechos 17:23

Mua mag chirʉmʉn, pãar Aai i jeeujem dipierr phʉʉrdʉ chitʉmua oowai, pãar ẽwandamnaan thum thʉ̃r paar sĩsidʉm ee ãb sĩi thʉ̃rjã chukhu khãidu par sim aigta sĩi “Ẽwandam õrau khaugba sĩerrʉm athee” a phã sim ootarr aawaiugui ajim anʉm. Jãg pãrau pãachdeu khaugbamʉg jeeu naabá, ich mapaita muajã pãrag jaau chitabahab ajim anʉm,

Hechos 17:30

Warrgarin õrau mag amachdeu nem wau nʉmjã khaugbam gaaimuata mag nem parhooba waunaa agʉmʉg jeeuwaijã Ẽwandamau sĩi ãwaatjeejieb mamʉ, ĩs chan ya tag mag khabamgui ajim anʉm.

Hechos 3:26

Ẽwandamau chadcha ich Iewaa jʉr auwi pãar eeta nacha pʉijimgui ajim anʉm, pãach pekau pom sĩsidʉm isegwia pãach thãar ee i athaawai pãach ʉu amkhĩir.

Romanos 11:18

Pari Ẽwandamau judionaan isegwia mag olivo piu khõgkhatarrjo nʉm daar, pãachdeuta ʉu ʉkha nʉm awia oob jũrr am kha isee amiet. ¿Pãrau khaphʉ naabá, pabʉjã chi piúata wai dʉnaaba chi kharauta wai dʉnaajem? Ich agjota naabahab pãarjã, judionaan chi khaarkha nʉm gaaimuata sĩi pãarjã sũrkha nʉmjo naawai. Magua judionaan chukhumuan, pãrau pod Ẽwandam khaugbakham.

Hebreos 7:14

Mag phadnaan khapiewaijã, mag Judá chaain ewagam khʉʉnag chan phadnaan khaju aai nʉmjã aba arr aawai, maadeu khaphʉ nʉm, ãba maach Por Jesucristo ich appaita Judanaan eem phadkha oberjim.