San Juan 4:16 - Wounaan Meu

¹⁶ Magbaawaita Jesuu, —Magan pʉch jaai athamí a ajim anʉm irig.

Woun Meu

¹⁶ Magbaawaita Jesuu, —Magan pʌch jaai hat'amí ha hajim hanʌm hirig.

San Juan 4:16 Iomraidhean Croise

San Juan 1:42

Maimua chadcha chi Simón ich dʉi aibeejim, maar Jesús dʉi narr aig. Mag ich aig waipierrwai Jesuu chi Simonag, —Pʉ Simón khabahab ajim, Jonás iewaa. Pari ĩsmua atag pʉ Cefas a thʉ̃rjugui ajim. (Mag Cefas aawai griegonaan meúa Pedro aawaiu. Mag Pedro a sim aig mokpor aawaiu.)

San Juan 21:17

Magnaa deeu ũwaai biek thãrjupamua irig ich ag iekpai phʉʉrba, —Simón, Juan iewaa, ¿chadchata pua mʉ khõsi chirʉ́? ajim. Mag ich ag iekpai biek thãrjup ichig phʉʉrba jejeeu khabaadeewai Pedro warag ichta okhĩirjuu aademua irig magjim: —Señor, puata nem thum khaphʉ aajeewai pua khap chirabahab ajim, mua chadcha pʉch khõsi chitʉm. Magbaawai Jesuu, —Magan mʉ ovejanaandamta chig apiba thʉa wai chitá ajim.

San Juan 4:15

Magbaawai jũrr chi ʉʉi garmua, —Señor, magan mag do khĩir mʉrʉg deebá ajim anʉm, tag obichag khaugba aadeewai mʉg pos eem dojã joyaan beeba aag.

San Juan 4:17

Magbaa chi ʉʉirau, —Mʉ chan jaai chukhu ʉmgui ajim anʉm. Mag jaai chukhu ʉm abaawai Jesuu irig, —Pʉchigan pʉ jaai chukhu ʉabma ajim anaabá.

San Juan 4:18

Pʉ jaai aum cinco auwia sim. Maimua cha pʉchdeu wai simjã, magan jã chan pʉ jaai khabahabma. Pʉʉn chadcha wajapha khĩirjunaata iekha ʉmgui ajim aajem.

Hebreos 4:13

Mʉg thʉnʉm aig chan pod iwiir ãbmuajã Ẽwandam dau merpʉiju khaba sim. Irigan nem thʉnʉm thum ich dau aig aunaata oo nʉmjo dawaa thʉnʉm. Ẽwandam mag maadeu nem wau nʉmjã thumaa oojem khĩirpheeta maachin dʉnʉnʉid aimaju, maachdeu nem waaujerr thumaa irig meerba jawaag.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.