San Juan 4:11 - Wounaan Meu

¹¹ Ichig magbaawai jũrr chi ʉʉi garmua, —Señor, pari pua chi joi aujujã chukhu sim, mʉg pos jã naug sim eem pua pod joi aubamgui ajim anʉm. ¿Jamaam do mag maach iiupiejem anʉm mʉrʉg deeg agá?

Woun Meu

¹¹ Hichig magbaawai jũrr chi hʌʌi garmua, —Señor, pari pua chi jöi haujujã chuk'u sim, mʌg pos jã naug sim heem pua pöd jöi haubamgui hajim hanʌm. ¿Jamaam dö mag maach hiiupiejem hanʌm mʌrʌg deeg hagá?

San Juan 4:11 Iomraidhean Croise

San Juan 3:4

Magbaawai Nicodemoou irig jeeumamua, —¿Pari jãga ya mʉg maach chi jooi chirʉm deeu thaababarju? ajim. ¿Wa deeuta dich ãd bi ee dubju aai sĩwa ajim, ũwaai thaababaag?

San Juan 4:14

Pari mua dee chirʉm do khĩirta do nʉm khʉʉn chan bʉ̃ʉrjã obichag chukhu ich mag wenʉrraju. Mag amachdeu dobarmpaita am mor ee ich mag khumdʉ ober sĩsimjo sĩejugui ajim aajem, ich mag Ẽwandam denkha nʉisieg.

San Juan 7:37

Ya ãbmiecha chi phiesta o nʉm edta chi wajapcharam ajim. Mag ed Jesuu dʉnʉʉunaa thet iekhamamua õrag, —Ãb khãijã obisi sim khai, mua wai chirʉm do khĩirta dobá ajim.

Hechos 10:14

Magbaawai Pedroou irig, —Señor, mua chan mʉg chitʉm aig mʉch erraawe bʉ̃ʉrjã nem parhooba khoba chitʉmgui ajim anʉm. Magʉm jãg maach inaam chará mua khobamgui ajim anʉm, pʉ dau na ãrmaaugau warrgarwe maach jooinau khopiba jaaujerr aawai.

1 Corintios 2:14

Mamʉ ar chi Ẽwandam Akhaar ich thãar ee chukhu sim khʉʉu chan pod Ẽwandam Akharau nem jaau sim khaugbam. Mag simua Ẽwandam Akharau nem jaaupi sim ũurwain, sĩi nem parhooba lokoo jaau nʉmjota ũurjem. Mag simua chan, sĩi ich Ẽwandam Akharaupaita khaugpiejeewai, pod ich khĩraupai chan khaugbam.

Apocalipsis 21:6

Magtarr khur deeu mʉrʉg, —Ya nem thumaa aaipa sĩsimgui ajim. Mʉchpaita nacharam ẽsapdau Ajonaa chi ãbmiecharam Zetajo chitʉm; mʉchta nem thum ompaaju nawe chirajim, mʉg durr owiajã mʉchin ich mag chirsijugui ajim. Chi obisi nʉm khʉʉnag mua sĩi ich jãg par õor iiupiejem do khumdʉ ober sim eem dopiju.

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.

Apocalipsis 22:17

Magbaawai Ẽwandam Akharauta chi Cordero ʉʉi dʉimua, “¡Pidú!” anʉm. Maagwai pãar chi ũr nʉm khʉʉnaujã ĩchab, “Jesús, jopcha pidú” abat irig. Maimua Ẽwandam khaugam khõchgau obissi nʉmjo nʉm khai, maach peerdʉajem iek sĩi õor iiupiejem dojo simta sĩi ich jãg per aujã per auba ʉkhabat.

Apocalipsis 7:17

“Jãg porkhau bigaau ohood wejom jãrr ar corderodamjo simuata am thʉa wai sĩejugui” ajim. “Ichdeuta, do parag aar nemchaain do dopien phe arrjemjo, amau nem ig nʉm thumaa deewi ichdeuta am dauchojã jãrpʉpʉi aju” a jaaumajim mʉrʉg mag jooirau. (Sal. 23:1-2; Is. 49:10; Ez. 34:23)