San Juan 3:6 - Wounaan Meu

⁶ Maach ãdau maach thaaba nʉmʉn sĩi mʉig eegarpai wenʉrraagau. Pari Ẽwandam Akhaar au nʉmuata deeu thaababarmjo nʉmʉn chadau jũrr ʉ̃gthar pawiajã ich mag wenʉrraagau ajim.

Woun Meu

⁶ Maach hãdau maach t'aaba nʌmʌn sĩi mʌig heegarpai wënʌrraagau. Pari Hẽwandam Hak'aar hau nʌmuata deeu t'aababarmjö nʌmʌn chadau jũrr hʌ̃gt'ar pawiajã hich mag wënʌrraagau hajim.

San Juan 3:6 Iomraidhean Croise

San Juan 1:13

Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

San Juan 3:7

Pari mua mag pãach thumaam khʉʉnta deeu thaabaju aai nʉm a chirʉm ũrwia oob atcha jʉ̃gderraa amgui ajim.

Romanos 7:18

Mua khaphʉ chirʉm, mʉg chirʉm aig chan bʉ̃ʉrjã thãar wajaug chukhu chirʉm Ẽwandam dau na. Magua, nem wajapha waum khõsi chirʉmjã pod wauba aajem.

Romanos 7:25

Ãba ich Ẽwandamaupaita maach Por Jesucristo gaaimua maach khaigper auju aai sim. Magua irigta ʉu ajim a chirʉm, ich mag Jesucristo gaaimua. Wajapcharan mʉgta sim: Mʉch odiiun, Ẽwandamau khõsimta wau chitʉmua i chogkha chitam khõsi chirʉm. Pari mag chirʉmta, Cristo khurau khabamuan, pekauta agtha wounjo mʉ khãai ʉ̃rpai sĩekham.

Romanos 7:5

Warr maach parhoobam khʉʉnjo sĩi dich pekau ee wenʉrraajeewai leíu maachig nem parhoob waupiba jaau sĩejim. Pari magtarrta nem khaigbamta waupi jaautarrjo warag parhoobam nemta waum khõchkha phobaadewi sĩi okhoo nʉisijim.

Romanos 8:13

Pari pãrauta ũrbamjo sĩi pãach khõchagpierrta ich jãg nem wau wenʉrrʉmʉn, pãran ichiita okhoob khaba okhooju. Mamʉ pãrau mag sĩi pãach khõchagpierr aju khãai, mag Ẽwandam Akharau pãach juag oo nʉm dʉi pãach garmuata warre podpʉpʉi amʉn chadau, magan okhooba ich mag pãar ʉu wenʉrraju.

1 Corintios 6:17

Ich agjota naabahab maachjã ĩchab Cristo denkha nʉisim aig. Ãb khãijã maach Por Jesucristo dʉi sĩsiewain, magbarm aigmua maadeu i oobahab mamʉ i Akhaar maach ee sĩeichem gaaimua warag maachin i dʉi õor ãbpaimkha i denkha nʉisim.

2 Corintios 5:17

Ya Cristo dʉita sim wounan warr ich sĩerrjo khaba, woun chi iiurigta pa sĩsimjo sim. Magbarm aigmua warr nem khaigba waaujerr khĩirjug thum isegpʉiwia sĩi khĩirjug iiurta wai sĩsim.

Gálatas 5:24

Cristo denkha nʉm khʉʉnan warr i thõo naawaiwe amach o khõchagpierr nem wauju khĩirjugpata warre i dʉi pakuls gaai meerppʉitarrjota nʉm, tag magʉm nem khaigbam wau nʉmua pekau wauba aag.

Efesios 2:3

Maarjã warran thum ich magta naajim, sĩi dichdeu nem waum khõchagpierr; nem magju abarmʉn parhoobam khĩirjug dich khĩirjug ee bee nʉmta agpierr waaujeejim, warr thaabaawaijã ich mag pekau eeta thaabatarr khʉʉn aawai. Chadcha maach mag wenʉrrarr gaaimua maran sĩi parhooba tagam khʉʉnjo Ẽwandam jua machag ãwatju aai naajim.

Colosenses 2:11

Ich mag Cristo iekta pãrau ʉkhabaawai ichdeuta Ẽwandam athee pãrag nem waau khaugpijim. Mamʉ mag pãar i dau na ʉu nʉisim chan sĩi maar meeunjo dich khakhua gaai dauchach nʉmua khaba, pãar thãar ajaug paabapʉimuata magpijim, pãachdeu nem khaigbam waaujerrjã tag waupimapha abarmua. Mag Cristoog dich thãar ajaug paapi nʉmta irigan dauchach charau, chadcha Ẽwandam atheepai wenʉrraawai.

1 Juan 3:9

Chadcha Ẽwandam Akhaar atham gaaimua ũwaai thaabatarrjo aadem chan tag ich mag ich pekau eepai nʉrraba aajem, ya ich Ẽwandamau deebarm khĩirjugta wai sĩewai. Wajapcharan mag Ẽwandam chaaikha sim aawaita ya tag ich pekau ee nʉrraba aajem.