San Juan 3:31 - Wounaan Meu

³¹ Maimua mag iekhamamua ich Juan chi por choomieupai Jesús igwia, —Iita ʉ̃gtharmuacha beetarr aawai ichta chadcha maach thumaam khʉʉn khãyaujã ʉ̃rʉʉcha sĩebahab ajim anʉm. Pari mʉ magba sĩi pãachjo mʉig eegarmpai aawai mʉg eegarm khʉʉn denjopaita jaau chirʉmgui ajim aajem.

Woun Meu

³¹ Maimua mag hiek'amamua hich Juan chi pör choomieupai Jesús higwia, ’Hiita hʌ̃gt'armuacha bëetarr haawai hichta chadcha maach t'umaam k'ʌʌn k'ãyaujã hʌ̃rʌʌcha sĩebahab hajim hanʌm. Pari mʌ magba sĩi pãachjö mʌig heegarmpai haawai mʌg heegarm k'ʌʌn dënjöpaita jaau chirʌmgui hajim haajem.

San Juan 3:31 Iomraidhean Croise

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

San Juan 1:15

I jaauwiata mag Juan õor por choomie khararrau õrag, “Mʉ ẽudee urumta mʉ khãaijã iek theeg ʉ̃rpai simgui” aajeejim, ichta i thaabaju nawe sĩerr aawai.

San Juan 1:27

Maata mʉ ẽudee urum. Mʉ chan sĩi i chogkha chitaagpaijã serbiiba chirʉmgui ajim, Jesús igwia.

San Juan 1:30

Jãg igwiata norr mua pãrag, “Mʉ ẽudee ãb urumta mʉ khãaijã iek theeg ʉ̃rpainaa ichta mʉ khãyaujã warrgarwe ich mag sĩerrʉmgui” ajim Juan chi õor por choomieu.

San Juan 3:30

Iita mʉ khãaijã warag thʉ̃rphoo pamaawai mʉ jũrr i khãai eeg papagmam; pari mag nʉm aig ʉu sim a iekhamajim aajem, ich chi õor por choomieu Jesús igwi.

San Juan 6:33

Magnaa ichdeupai ich igwi, Pari mag pan ich Ẽwandamauta dee sĩewai ʉ̃gtharmuachata beejimgui ajim, õor iiupi awaag.

San Juan 6:51

Mʉchta mag pan ʉ̃gtharmua beetarr õor iiupiejem khabahab ajim. Mag panta kho simʉn ich magta iiu sĩsiju. Mamʉ mag panjo mua pãrag deeju a chirʉmʉn, thumaam khʉʉn iiu wenʉrraju aai amkhĩir am kõit ʉdʉraa mʉch thõopijuuta jaau chirʉmgui ajim.

San Juan 8:23

Pari sĩi warag mag khaugbata jaau nʉm ũrwia Jesuu amag magjim: —Mua pãrag mag chirʉmʉn, pãar mʉig eegarm khʉʉn aawai ich mʉig eegarpai nʉisijuuta jaau chirʉm. Pari mʉ ʉ̃gtharm aawai deeu mʉch chirarr aar majugui ajim. Magnaa amag, Pãar mʉg jẽb gayam khʉʉn khabahab, pari mʉ chan pãarjo mʉg jẽb gayam khabamgui ajim.

Hechos 10:36

Ẽwandamau Jesucristo israelnaan ee pʉijimgui ajim anʉm, ich iek jaaumkhĩir. Mag, maadeu khaphʉ nʉmgui ajim aajem, warr Ẽwandam dʉijã iekkhõr paar narrta Jesucristo ʉu maach kõit thõtarr gaaimua khõinaa wenʉrrʉm. Ich ag Jesuugui ajim anʉm, ante maach thumaam khʉʉn Por.

Romanos 9:5

Maach jooin Abrán, Isá maimua Jacob ajierram, warrchajã Ẽwandamau jʉr autarr, am gaaimua ewag pawi maach meeun ompaa awaag. Ẽwandam Iewaa maach peerdʉ awaag wounag paawaijã mag jooi Jacob chaain ewagam khʉʉn eeta thaabachejim. Ich mag parhoobam chaaindamjo thaabachetarr wounpaita Ẽwandam aawai nem thum thʉnʉmjã ichdeuta khap sim. Magua, iita thumaam khʉʉnau ich mag mʉg atagjã tho iekhaju aai nʉm.

Hebreos 9:1

Mag Ẽwandamau nacha maach jooin dʉi iek deewai jaautarrjo Aai i jeeujem di eutarran, sĩi ich mʉig eegarm dipaaupai eu sĩejim aajem. Mamʉ magʉmjã, ag ee parhooba aju khaba, ich Ẽwandamau jaau wai sĩejim anaabá, jãga õrau ichig jeeuju khap amkhĩir.

1 Pedro 3:22

Mag iiu phiidʉtarr Cristota ʉ̃gthar mawi, thumaam khʉʉn khãaijã ichta Ẽwandamau ich dʉicha ich juachaar gar juppiwi, ʉ̃gtharm magwe ich chognaan thum chi thethecharam khʉʉnagpa iita ogkhawi i ipierraa apijim.

1 Juan 4:5

Jãg chi seukha nem jaaujem khʉʉnaun sĩi mʉig eegarm khʉʉn khĩirjugpaita jaau naawai Cristo ichaaurta jaau nʉm. Magua õrau am iek ũrm khõsi ũurjerram, amach khapeen iek aawai.

Apocalipsis 19:16

Mag wounau ich khajũa gaai maimua ich khupá gaaijã agjo ẽsapdau phãkha wai nʉrrajim. Chi ẽsapdau mag phã sĩerr, “Reinaan Rey anaa chi pornaan Por” a phã sĩejim. Ajapcharan jãan ich maach Por Jesucristo ajim.