San Juan 3:3 - Wounaan Meu

³ Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

Woun Meu

³ Magbaawai Jesuu hirig, —Pʌdë hũrbarí, mua pʌrʌg jaauk'imgui hajim: Chi deeu heeupemjö t'aababa sim chan pöd Hẽwandam hichta chi Pörk'a sim haar höbërbamgui hajim, hi chaai k'aba sĩewai.

San Juan 3:3 Iomraidhean Croise

San Mateo 16:17

Magbaawai Jesuu irig, —Simón Pedro, Jonás iewaa, õrau bʉ̃ʉrjã pʉrʉg jaautarr khabamta chadcha pua ag eyaa jaaubapʉimke ajim. Jãg pua khaphʉ jaaubapʉimʉn, jãan ich mʉ Aai ʉ̃gthar chiraajemuata pʉrʉg mag khĩirjupiwi ajim. Maguata pua ag eyaa jaaubapʉibahab ajim.

San Mateo 19:24

Phatkhonpanta ʉ̃gthar Ẽwandam chi Porkha sim aar oberju khãyau, camello pom jãg maach wounaan khãaijã ʉ̃rpai sĩerrʉmta phithurg chukhu nobeeu kach ee thoogar ober dichjugui ajim.

San Mateo 21:31

Mag nem ĩgkhaadam jaauwia, aig ũr narr khʉʉnag jũrr, —¿Chijãgua pãrau oowai ich ayau khõsi sĩerrjo i ipierraa ajĩ? a jeeujim ich Jesuu. Magbaa, —Chi iewaa chi jooirau ajierram, chi cuento ũr narr khʉʉnau. Magbaa deeu ich Jesuupai iekhakhagmamua, —Roma durram gobierno athee debpaar jeeujem khʉʉn chi khaigbam khʉʉnta ʉʉin amach durpa theegau parhooba sĩerrjeem khʉʉn dʉi pãar khãai ʉ̃gtharcha oberjugui ajim.

San Mateo 5:18

Cha mʉ iekha chirʉm iekhau, mʉg durr jooita edaujã dʉi Ẽwandamau i agkhabam aig chan, ley gaai jaau sĩsidʉm iek bʉdam ãbjã okhoopibaju. Ichiita nem thumaa ich jaautarrjo obeberg majugui ajim anʉm.

San Marcos 10:14

Mamʉ amau mag õrag meeukha iekha nʉm oobaawaita Jesuu jũrr amachigta agjo meeurraunaa, —Ideu õrag amach chaaindam mʉ aig waibeepibat ajim anʉm. ¿Khanthee pãrau amag beepiba jaau nʉ? Chi jooin awiajã chamʉ khʉʉn chaainjo mʉ iek ʉkhakharrso ʉkha nʉm khʉʉnta mʉg jẽb gaaijã ʉu wenʉrrawia ʉ̃gtharjã onee wenʉrrabajup ajim anʉm.

San Marcos 9:47

Wa pʉ daúa khãijã pʉ pekau waupi sim khai, magan mag dau warag jẽubapʉi. Pʉch dau numwe monakha khĩmie durr Ẽwandamag pʉch barpʉipiju khãai, dau bese khãijã pʉʉta Ẽwandam denkha simʉn ʉucha simgui ajim anʉm.

San Juan 1:13

Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

San Juan 1:5

Mag ichdeuta ich Aai khap apieg õtdau paa dʉnʉmjo sĩewai mʉg durr ich khaibagau sĩi edau khĩejo simuajã pod i thõo auba aajem.

San Juan 1:51

Maimua ich Jesuupai ĩchab maach thum ich dʉi khapeerkha aumarr khʉʉnag, —Mua pãrag jaaukhimgui ajim: Cha iekha chirʉm iekhau chadcha mʉch chi Emkhooi Iewaa aigta Ẽwandam chognaan ʉ̃gtharmua eegjã beenaa deeu ʉ̃gthaa waaidʉtkhakhakham oojugui ajim.

San Juan 12:40

“Ẽwandamau am dau khĩpinaa kach theegjã apiju” a phãjim, “oo nʉmjo nʉmta oobamjo amkhĩir, maimua ũr nʉmjo nʉmta ũrbamjo amkhĩir. Magba akhiin amau amachdeu oonaa ũr nʉmjã khaphʉ aawai, amach khaibag ãsie ewag khĩirjuwia Ẽwandamag amach peerdʉ aupiju” a phãjim Isaiaau ich Ẽwandamaucha ichig jaaumatarr. (Is. 6:10) Pari Ẽwandamau judionaan mag thãar theeg apitarran, año khapan par ich iek ũrpitarrjã ʉkhamapha arr aawaita magpijim.

San Juan 3:4

Magbaawai Nicodemoou irig jeeumamua, —¿Pari jãga ya mʉg maach chi jooi chirʉm deeu thaababarju? ajim. ¿Wa deeuta dich ãd bi ee dubju aai sĩwa ajim, ũwaai thaababaag?

2 Corintios 4:4

Ich chi dosãt mʉg jẽb gayam khʉʉn ẽwandamkha sĩerrʉmuata am dau khĩpi wai sim dʉi am khĩirjug ʉ̃rjã putiu borr wai simjo sim, maach Cristo thumaam khʉʉn khãai ʉ̃rpai sim iekta ʉkhapimaaugau. Mag Cristo iekhaupaita õtdau bʉʉg nem oowai khaphʉ aajemjo maachig khaphʉ api sim, Cristo gaaita ich Ẽwandam khĩir theg sim.

2 Corintios 5:17

Ya Cristo dʉita sim wounan warr ich sĩerrjo khaba, woun chi iiurigta pa sĩsimjo sim. Magbarm aigmua warr nem khaigba waaujerr khĩirjug thum isegpʉiwia sĩi khĩirjug iiurta wai sĩsim.

Gálatas 6:15

Mʉ naan par amach khakhua dauchachpi jaau thʉnaaju. Mag naab pari maachin dauchach chukhu thʉnʉm khʉʉn dʉi agdaujopai nʉm Ẽwandam dau na. Magarrau mʉch paarmuajã dʉi balee sim a chirʉmʉn, Cristo iek ʉkha nʉm gaaimua deeu thaabatarrjo i denkha nʉmʉn chad chadcha balee sim a chirʉm.

Efesios 2:1

Warran pãran pãachdeu nem khaigba waaujerr gaaimua pod Ẽwandam aar oberju khaba naajim, sĩi pãach pekau eepaita narr aawai.

Tito 3:5

Mag irua maach peerdʉ autarr chan nem ajapha wau wenʉrrarr gaaimuajã khabajim; irua maach peerdʉ autarran, sĩi ich garmua maach dau aug khaugwi ajim. Mag maach dau aug khaug nʉm aig, ich Ẽwandam Akharau maach pekau do badag barbapʉimjo thum chugpaabapäaiwaita, ya tag warr dich wenʉrraajerrjo khaba, jũrr maach khĩirjugta chi iiurig paapʉijim.

Santiago 3:17

Mamʉ jũrr ich Ẽwandamaucha khĩirjug deewi wai nʉm khʉʉn magba, am Ẽwandam na nem agcha wau nʉmua ajapha nʉm. Mag nʉm dʉi amau sĩi õor khõinaa apijuuta ẽkhanaa dich khapeenag athuucha nem waupi jaauba aajem. Amau jũrr warm khʉʉnau amach khĩirjugdam jaaum iigwaijã agjo ũrm khõsi ũurjem. Õor dau aug khaug paraanaa, iwiir ãbamʉgpaijã ee aba, chadchata iekhanaa nem ajaphata waaujem, amachdeu iekhaajemjo.

1 Pedro 1:3

Mua ʉu ajim a chirʉm maach Por Jesucristo Aai Ẽwandamag, ʉu ichdeuta maach dau aug khaugwi maach akhaar dich pekau ee chi khechamjo narrta ʉu peerdʉ auwi ich chaainkha autarr aawai. Mag i chaainkha nʉmʉn, ʉu Jesucristojã deeu phiidʉtarr gaaimuata mag i chaainkha naawai,

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:9

Chadcha Ẽwandam Akhaar atham gaaimua ũwaai thaabatarrjo aadem chan tag ich mag ich pekau eepai nʉrraba aajem, ya ich Ẽwandamau deebarm khĩirjugta wai sĩewai. Wajapcharan mag Ẽwandam chaaikha sim aawaita ya tag ich pekau ee nʉrraba aajem.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

1 Juan 5:18

Maadeu khaphʉ nʉm, Ẽwandamta ich Aaikha wai sim woun chan ich mag ich pekau ee nʉrraba aajem, ich Ẽwandam Iewaauchata i thʉa wai sĩewai. Magua dosãtaujã pod pekau ee thʉ aum iek i thʉ auba aajem.

1 Juan 5:4

Thum maach chi Ẽwandam chaainkha nʉm khʉʉnau chan pekaúg ʉdʉʉr dich deeba aajem, dich garmuata podpʉpʉi aajeewai.

Apocalipsis 3:14

Laodicea phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar chadam iekpaita iekha sĩerrʉm iekhau. Ichdeun ich daúa oonaa ich jʉ̃gʉucha ũrtarrjã ich agjoota jaaujem. I gaaimuata warrjã Ẽwandamau nem thum ompaa aujim. Mag sĩerrʉmuata pʉrʉg ich imeerba jaaupʉipitarr aawai pʉrʉg jaaukhim: