San Juan 3:29 - Wounaan Meu

²⁹ Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

Woun Meu

²⁹ Pãrau hooba haajẽ hajim hanʌm, jua pʌr nʌm k'ʌʌnjã: chi hʌʌi dʌ̈i nawe hiek deewi simta chi jayau; pari chi mag heeu pa nʌm k'ʌʌn paairink'a sim dʌ̈i ham bigaau simjã hĩchab honee haajem. Maarjã hich hagjöta naabahab Jesús dʌ̈i. Hi jãg sim haig woun hãb heeu hʌʌi hau simjöta sĩebahab. Magua hamau jãg hi haarta p'ẽp'ẽeuk'am haig, mʌjã dʌ̈i hĩchab honee chirʌmgui hajim hanʌm, sĩi hõrag hi jaau chitʌmua.

San Juan 3:29 Iomraidhean Croise

San Mateo 22:2

—Ẽwandamagta amach thãar ee ichta chi Porkhapi nʉm khʉʉnan, rey ãb simua ich iewaa jua pʉrmkhĩir phiesta wautarr ee õor beetarr khʉʉnjota nʉmgui ajim.

San Mateo 25:1

’Mag Ẽwandamau mʉg durr i agkham ed ichdeu auju wa auba khãijã isegju khʉʉnan, biek ãb daupeen diez narr khʉʉn õor jua pʉr nʉm phiesta ee wetaag chi jua pʉrju emkhooi nʉ narr khʉʉnjota nʉmgui ajim ich Jesuupai. Makhʉʉn daupeenau mʉgta ajim aajem: Amachdeu ya chi jaai paju urum a ũrbaawai agdaujo amach lámpara panhapha i khĩirphee wetju aadejim aajem.

San Mateo 9:15

Magbaa Jesuu amag magjim: —¿Pãrau khĩirjuawai jua pʉr nʉm aig õor thʉ̃rkhʉʉitarr okhĩirjuu thach khoba naaju aai nʉ chi jua pʉr sim woun am dʉi sim aig? ajim amag. Magnaa ichdeupai, Ich agjota nʉmgui ajim mʉ khapeenjã. Am okhĩirjuu ajuun, mʉ am jaaijo am dʉi chitʉm pʉr atham ed gayan chadau amach khĩrauta sʉrkhawia ĩchab am thachjã khoba nʉisip aju, gaai machgau. Mamʉ mʉʉgwaiwe chan am sʉrkhaju khaba nʉmgui ajim, agtha mʉ am dʉi chiraawai.

San Lucas 15:6

Maimua di aig pachewiajã, ¿khaíuta ich khapkhʉʉn dʉi ich di dakha naajem khʉʉnpa thʉ̃rkhanaa, “Keen, mʉ onee chirʉm, mʉch oveja okhootarrdam oo athaawai” abaju khai?

San Juan 15:11

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

San Juan 17:13

Mag ich Ayag jeeumamua, “Tata, mʉ ũwaai deeu pʉ aar mam, pari mua mag am kõit jeeu chirʉmgui ajim, amach dakhĩircha. Mʉig agtha am dʉi eegar chirʉwe mag jeeu chirʉmgui ajim, amach jʉ̃gʉucha ũr naawai mʉch onee chirʉmjo ĩchab amjã onee nʉisimkhĩir.

San Juan 3:30

Iita mʉ khãaijã warag thʉ̃rphoo pamaawai mʉ jũrr i khãai eeg papagmam; pari mag nʉm aig ʉu sim a iekhamajim aajem, ich chi õor por choomieu Jesús igwi.

2 Corintios 11:2

Ẽwandam dau na chikhamnag pãach khũgurpimaaugau pãach dʉi mʉ nem anem chitaawai muan pãragan, ãba ʉʉirau ich jaai auju dʉipai iek dee wai simjo Cristo dʉipaita nʉisit a chirʉm, mag ich dʉipai naawai pekau chukhu arrjo pãach ich aar phe aumkhĩir. Pãrau magta amʉn mʉchjã dʉi onee chiraju maach Por Jesucristo na.

Filipenses 2:2

Mamʉ pãrau mʉ oneecha apim khõsi nʉm khai, thumaa o ãbata abat, jũrr chikham ichaaurjã aba, agdaujo chikham kha khõsi, nem wawaagjã chipar chipar khaba, ãbam khĩirjugpai paraa.

1 Juan 1:4

Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

2 Juan 1:12

Pãrag nem jaauju pooma wai chirʉm; pari sĩi mʉg ẽsap gaaipai chan mua jaaupʉibam. Magju khãai mʉchchata pãar aar mawia pãar dʉi khĩirchata iyʉʉ am khõsi chirʉm, maach thumaa ãba wajapcha onee aag.

Apocalipsis 21:9

Maimua Ẽwandam chognaan siete narr khʉʉnau amach pipied agjo jarr siete wai narr ee ãbmiecha agua õor khaibag wauju waiberr khʉʉn eem ãb beewi mʉrʉg, —Mau pidú, mua pʉrʉg oopikhimgui ajim, Cordero ʉʉi paju.