San Juan 3:28 - Wounaan Meu

²⁸ Pãach jʉ̃gʉucha khabá pãrau ũr naajimgui ajim anʉm, ar mua “Mʉ chan warrgarwe ich Ẽwandamau pʉiju a jaaujerr khaba, sĩi i beeju na i jaau chitʉmʉu” a chiraawai. Magua mag i aarta ʉ̃rcha õor phẽphẽeu awiajã mʉ onee chirʉmgui ajim anʉm.

Woun Meu

²⁸ Pãach jʌ̃gʌucha k'abá pãrau hũr naajimgui hajim hanʌm, har mua “Mʌ chan warrgarwe hich Hẽwandamau pʌ̈iju ha jaaujerr k'aba, sĩi hi bëeju na hi jaau chitʌmʌu” ha chiraawai. Magua mag hi haarta hʌ̃rcha hõor p'ẽp'ẽeu hawiajã mʌ honee chirʌmgui hajim hanʌm.

San Juan 3:28 Iomraidhean Croise

San Mateo 3:3

Mamʉ maan Juanau mag jaau nʉrraju igwiata chi Ẽwandam i jaaumie Isaías khararrau Ẽwandam iek phãawaijã mag phãjiebma: “Woun ãb ajappai õor barba aajem aar sĩejemuata, ich aar õor barbaimaawai, ‘Maach Poron ya beeimʉʉ sim’ a jaau nʉrraju. ‘I beeju nawe pãach thãar khĩir khaugbat’ aju, ‘thãraucha khõsi i iek ʉkhaag’ ” a phã sim. (Is. 40:3)

San Lucas 1:76

Mag nacha Mariaau chaai ooju igwia iekha dichtarr khur jũrr ich chaai igmamuata jooirau magjim anʉm: “Iewaadam, pʉʉta Cha Ʉ̃gthaa Phuu Nʉm ag i jaaumie a thʉ̃rju. Puata maach Por maju ee i na õrag, ‘Maach peerdʉajem ya beeimʉʉ sim’ a jaaumaju, ya mag jaaubarm ũrwia õrau i pierrwai amach thãraucha khõsi i iek ʉkhamkhĩir;

San Juan 1:20

Chadcha mag wetwia ichig jeeubaimaawai Juanau amag, —Mʉ chan nawe Ẽwandamau pʉiju a jaaujerr khabamgui ajim.

San Juan 1:23

Magbaawai Juanau amag magjim: —Mʉʉn warrgar Ẽwandam i jaaumie Isaías khararrau jaautarrjo, ajappai õor barba aajem aar chiraajemʉugui ajim. Mʉʉn sĩi, “Maach Por beeimʉʉ sĩewai i beeju nawe pãach thãar khĩir khaugbat thãraucha khõsi i iek ʉkhaag” a jaaujemʉugui ajim.

San Juan 1:25

—Pʉ iek mag warrgarwe ich Ẽwandamau pʉiju a jaaujerrjã khaba, Elíajã khaba, Ẽwandam i jaaujerrjã khabam anʉmta, magan ¿jãgwi pua õor por choo simma? ajierram irig.

San Juan 1:27

Maata mʉ ẽudee urum. Mʉ chan sĩi i chogkha chitaagpaijã serbiiba chirʉmgui ajim, Jesús igwia.