San Juan 3:25 - Wounaan Meu

²⁵ Pari õrau jaauwai mag nʉm ee ĩchab ãaur Juan dʉi wenʉrraajerr khʉʉn garmua jũrr judío ãb aig sĩerr dʉi chikham ipeer ahaukhamua, “Magan ¿khaíu por choobarmta wajapcha sĩ, Jesuu por choobarm wa maar maestroou choobarmwa?” anaajim anʉm.

Woun Meu

²⁵ Pari hõrau jaauwai mag nʌm hee hĩchab hãaur Juan dʌ̈i wënʌrraajerr k'ʌʌn garmua jũrr judío hãb haig sĩerr dʌ̈i chik'am hipeer hahauk'amua, “Magan ¿k'aíu pör choobarmta wajapcha sĩ, Jesuu pör choobarm wa maar maestroou choobarmwa?” hanaajim hanʌm.

San Juan 3:25 Iomraidhean Croise

San Mateo 3:11

Mua chan pod pãar thãar wajaug paa aubam. Ẽwandamagta pãach khaibag chugpaapi jeeubaawai muan sĩi dodamaupaita pãar por choo chirʉmgui ajim anʉm. Pari mʉ ẽudee ãb urumʉn chadau mʉ khãaijã jua theeg ʉ̃rpai sĩewai, jãguan chad Ẽwandam Akhaarjã pãrag deewi pãar khaibagjã õtdau ee warre orbapʉimjota aju ajim anʉm. Mʉ chan mʉg chirʉm aig sĩi i chogkhaagpaijã serbiibata chirʉmgui ajim anʉm.

San Marcos 7:8

’Mag chirʉmʉn pãachdeujã Ẽwandamau nem jaau sim ipierraa khaba, sĩi pãach jooin iigta ee am khõchgau warag irua nem jaau sim ichaaur sĩi pãach juagam nem ʉkhakha aju appai khap sĩerrjee aawaita mag chirʉmgui ajim anʉm amag.

San Juan 2:6

Judionaan amach i aawai Ẽwandam na amach wajapha nʉm aag jua dʉi bʉpa ʉpʉpʉi aajeejim. Magua, magaag athee dojã iigjerr aawai mag phiesta ee thũr mokdau den dʉrrcha khitheem seis wai naajim. Makhʉʉn thũr ee de cincuenta a setenta litros dʉrr aajeejim, do.

Hebreos 6:2

dich por choopi jaau nʉmpaijã khaba, dich khapeen por ʉ̃r jua ausĩunaa Ẽwandamag jeeu nʉmpaijã khaba, mʉg atag maach iiu phiidʉtkhaju jaau nʉmpaijã khaba, maimua Ẽwandamau maach i agkhaju jaau nʉmpaijã ʉkha wenʉrraju abam.

Hebreos 9:10

¿Jãgwi? Agtha mag ley serbiiba apʉyaag Cristoou iek iiur aibeeba sĩerr aawaima; magnaa ĩchab amach ley gaai jaau simjo sĩi nem parhoob khoba nʉm dʉi nem parhoobajã dobanaa tagam nem mag leíu waupiba jaau sim ʉʉrkha nʉm gaaimuapaita amach ajaug paa auju ẽkhaajerr aawaima.

Hebreos 9:23

Mag, sĩi ʉ̃gthar Ẽwandam khĩircha Jesuu maach kõit iekhaajemjota aju ẽkha durrarr aawai ichiita amau mag nemchaain khechnaa ag bagauta Ẽwandamag jeeuju aai naajim. Mamʉ ʉ̃gthar chan mag mʉig eegarmjo sĩi nemchaain bagpai khaba ag khãaijã ajapcharamta ig sĩejim.

1 Pedro 3:21

Ich jãg Noé ich chaain dʉi mag dohãd eemua peerdʉtarrjo, maachjã agjo do ee por choo nʉmuata maach peerdʉ nʉmjã õrag khaphʉ apiejem, Jesucristo iiu phiidʉarr gaaimua peerdʉ naawai. Pari mag doou por choo nʉm chan maach mor chi ʉ̃rʉmta ʉpʉyaag khaba, Ẽwandamag dich thãarta ajaug paapi jeeunaa ichdeu khõsimjo wenʉrraagta mag por choojem.