San Juan 3:18 - Wounaan Meu

¹⁸ ’Mʉch chi Ẽwandam Iewaa iekta ʉkhanaa mʉ ig sim woun chan Ẽwandamau isegwia khĩmie durr barpʉibam. Pari ar mʉ igba sim chan ya sĩi barpʉijupaita simgui ajim, ichdeu Ẽwandam Iewaa mʉchta ãbpai chitʉmta igba arr gaaimua ichdeupaita wir aig ich isegpi jaau simjo sĩewai.

Woun Meu

¹⁸ ’Mʌch chi Hẽwandam Hiewaa hiekta hʌ̈k'anaa mʌ hig sim woun chan Hẽwandamau hisegwia k'ĩmie durr barpʌ̈ibam. Pari har mʌ higba sim chan ya sĩi barpʌ̈ijupaita simgui hajim, hichdëu Hẽwandam Hiewaa mʌchta hãbpai chitʌmta higba harr gaaimua hichdëupaita wir haig hich hisegpi jaau simjö sĩewai.

San Juan 3:18 Iomraidhean Croise

San Marcos 16:16

Chi mʉ iek ʉkhawi ich por choopi sim khʉ ʉu peerdʉju. Mamʉ chi mʉ iek jaau nʉm ũr simjã ʉkhaba sim chan Ẽwandamau i peerdʉ auba warag i isegpʉijugui ajim anʉm.

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 5:24

’Mʉ cha iekha chirʉm iekhau chi mʉg mua jaau chitʉm iekta ũrwia ʉkha simuan Ẽwandam iekta ʉkha simgui ajim, chadcha ichdeuta mʉ pʉiwia mag ich iek jaaupitarr aawai. Mag ʉkhabarm wounan Ẽwandamau ya ich denkha auwia ich mag i dʉi sĩsim iekhau. Magbarm woun gaai Ẽwandamau ichdeu õor i agkha nʉm edjã mas abajugui ajim, warr ich khaibag eepai chi thõmjo sĩerrta ich mag iiu nʉrraag ya chi peerdʉm aawai.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

Romanos 5:1

Mʉchdeu jaau chirarrjo, maachdeu thãraucha Jesucristo iek ʉkha nʉm gaaimua Ẽwandamau maach pekau chukhu narrjo wajaug paapʉijim. Magua ya ĩsin maach i dʉi khõinaa nʉm maach Por Jesucristo gaaimua.

Romanos 8:1

Mamʉ ʉu magba, maach ya Jesucristo iek ʉkhawi ich denkha nʉm khʉʉnau chan tag pekaúgta ich mag ʉdʉʉr dich ʉ̃rpai apiju khaba nʉm, mag pekau waaujerr paarjã okhoopimaaugau ya maach ich denkha naawai.

Romanos 8:34

Cristota maach kõit meewia deeu iiu phiidʉwia maach peerdʉ autarrta, khaíu jũrr ichaaur maach khaibag waupibarju. Ante magpimaaugau ichdeuta ʉ̃gtharjã maach kõit jeeu sim. Maimua ichta mag maach kõit iekhaagjã Ẽwandam dʉi iek theeg sĩebahab.

Hebreos 12:25

Magua keena, ĩs Ẽwandamau maachig jaau simjã oob asekasba amiet. Mag ĩs ichdeu maach dʉi iek dee simta warr maach jooin dʉi iek deetarr khãaijã ajapcha sim. Magua pãade ũrbat: Sĩi Moisés maachjo mʉig eegarmkha sĩerrau Ẽwandam iek jaau khitʉm ũrba arr paarjã chi asekasba arr khʉʉn Ẽwandamau sĩi par daúapai ooba am gaai jua khʉaba deejerr khai, ĩs mʉg ʉ̃gtharmua ichdeucha maachig iekha sim asekasba aawaijã oob pãrau mag maachta i jua eemua peerdʉju amiet.

Hebreos 2:3

Mag ley sĩi angelnaan gaau deepʉitarr ichaaur nem waubarm paar am dʉi maagjerrta, jãgwi maach gaaijã irua mas deeba abarju, mʉg maach peerdʉajem iek ag khãai wajapcha sim jaau nʉmta sĩi ũrbamjo abarm paar. ¿Mʉg maach peerdʉajem iek warrjã ich maach Por Cristoouchata nacha jaaubajĩ? Magtarrta ich dʉicha wenʉrrawi ũrtarr khʉʉnaujã amachdeu oowai chadcharam iek aawai jũrr maachig jaauwi maadeujã khaphʉ naabá.

Hebreos 3:19

Ajapcharan mag pod barba arran, amachig Ẽwandamau jaautarrjã ajappai ʉkhaba narr gaaimuata mag pod barba khʉd jãrrpai khechjierram anaabá.

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 4:9

Mag ichdeu maach daupii sim khap apiegta Ẽwandamau ich Chaai ãbpai khitʉm mʉg jẽb gaai pʉijim, mag pʉiwia meebarmua maach ich denkha auwia ich mag ich dʉi wai nʉrraag.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.

1 Juan 5:12

Magua chi Ẽwandam Iewaata ich thãar ee au simʉn ĩchab warreta iiu sĩsiejem, i dʉi ich mag i denkha nʉrraag. Pari chi Ẽwandam Iewaata auba sim chan agtha i den khaba sim, i dʉi ich mag iiu nʉrraag. Magʉm khʉʉn pod i dʉi ich mag nʉrrabam.