San Juan 3:17 - Wounaan Meu

¹⁷ Ẽwandamau mʉ pʉitarr chan, sĩi õor khaibag waupi jaaumkhĩir khaba, sĩi am peerdʉ aumkhĩirta mʉ pʉijimgui ajim irig.

Woun Meu

¹⁷ Hẽwandamau mʌ pʌ̈itarr chan, sĩi hõor k'aibag waupi jaaumk'ĩir k'aba, sĩi ham peerdʌ haumk'ĩirta mʌ pʌ̈ijimgui hajim hirig.

San Juan 3:17 Iomraidhean Croise

San Mateo 1:23

“Ʉʉi õor meraa khitʉm bi ee pawi chaai ooju. Mag chaai thʉ̃rdam Emanuel a thʉ̃rju” a phã sim. (Is. 7:14) Mag Emanuel a simʉn, “Ẽwandam maach dʉi sim” aawaiu.

San Mateo 18:10

Mag jajawagmamua ĩchab, —Mʉg daumeraa khitheem khʉʉn oob ãb khãijã isegmiet ajim. Am thʉa mʉ Aai aar thʉnʉm khʉʉnaun amag dau par khaba thʉnʉmgui ajim. [

San Mateo 18:11

’Mʉch chi Emkhooi Iewaan chadcha õor amach khaibag gaaimua okhoo khitheem khʉʉn peerdʉ awaanta beejim a jaaujim.]

San Lucas 19:10

Mʉch chi Emkhooi Iewaan chadcha õor amach khaibag gaaimua okhoo khitheem khʉʉn jʉrwia, peerdʉ awaanta beejimgui ajim anʉm.

San Lucas 9:56

Mʉch chi Emkhooi Iewaan mʉg jẽb gaai õor peerdʉ awaanta beejim. Mʉ mag mʉch garmua warag õor amach pekau ee durrum peerdʉ aubanaa sĩi opʉyaanjã beebajimgui ajim anʉm.] Mag warre am kach dʉʉ iekhapʉiwia deeum phobordamag ereubaadejim aajem.

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

San Juan 10:36

Ich Ẽwandamauta ich aarmua mʉ jʉr auwia mʉg jẽb gaai pʉitarrta, ¿jãga pãrau mʉrʉg mag mua khaigba iekha chirʉm abarju, mua Ẽwandamag Aai icheewai?

San Juan 11:42

Mua khaphʉ chirʉmgui ajim, mua pʉchig jeeuwai pua mʉ iek ʉkhaajem. Pari magʉm ãba, ichiita thumaam khʉʉn jʉ̃g daar mua thet mag ʉu ajim a chirʉmgui ajim, thumaam khʉʉnag chadcha pʉchdeuta mʉ pʉijim a khap amkhĩir.

San Juan 17:18

Ich jãg pʉch iekta mʉg durr gayam khʉʉnag jaaumkhĩir pʉchdeu mʉ pʉitarrjo, ich agjo pʉch iek ʉkhaba thʉnʉm khʉʉnag ich ag iek jaaumkhĩirta muajã jũrr am pʉi chirʉmgui ajim.

San Juan 17:21

Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

San Juan 17:23

Magua, mʉ am dʉi chirʉm aig, pʉjã mʉ dʉi sim, mag nʉmua maach thum o ãba naag. Maagwai pʉ iek ʉkhaba nʉm khʉʉnaujã khaphʉ aju, puata chadcha mʉ pʉijim. Mag gaaimua ĩchab khaphʉ ajugui ajim, ich jãg pʉchdeu mʉ khõsi simjo amjã pua khõsi chirʉm.”

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 17:8

Pua jaaupitarr iek ya mua amag jaaujim; mag jaaubaawai amachdeujã ʉkham khõsi ʉkhajierramgui ajim. Magnaa ich Ayag maar kõit iekhamamua, Ya amau ʉkha nʉmgui ajim, chadcha pʉ aarmuata mʉ beejim, pʉchdeu mʉ pʉiwia.”

San Juan 20:21

Magnaa deeu ichdeupai marag, —Keena, oob jãphierrmiet. Ich jãg mʉ Ayau mʉch pʉitarrjo, muajã õor ee pãar pʉi chirʉmgui ajim, ich ag iekpai mʉchdeu jaaujerrjo amag jaaumkhĩir.

San Juan 3:34

Í chadcha ich Ẽwandamauchata pʉitarr aawai ich Ẽwandam khĩirjugta jaau simgui ajim anʉm, magamkhĩirta irig ich Akhaarjã phẽs dee sĩewai.

San Juan 5:36

Pari Juanau sĩi idamaupai jaau nʉrraajerr khãai mua wajapcharam wai chirʉmgui ajim, aguata Ẽwandamau mʉch pʉijim a khap apieg. Ma, õrau ag na nem mag ooba aajem waaujem ag jua theegaugui ajim. Mag jua theegau mʉ Ayau nem khĩir pogkhe waupi jaautarr aawai, õor dakhĩir mag waauwai, chadcha ichdeuta mʉ pʉijim a jaau sim khabahab ajim.

San Juan 5:38

Pari mag ichdeu mʉ pʉiwia mua jaau chitʉmjã pãachdeu ʉkhaba naawai pod i iekjã pãrau pãach thãar ee auba nʉmgui ajim.

San Juan 5:45

Oob pãach jãg nʉm paar muata Ẽwandamag pãach khaibag waumkhĩir irig nem ĩgkha thʉnʉʉuju amiet ajim amag. Chi Ẽwandamag pãar ĩgkhajuun Moiseeuta pãar ĩgkhabajup, sĩi irua phã pʉarr iek wajapha ʉʉrkha nʉmuata pãach ʉ̃gthar oberpiju anʉmta chadcha irua phã pʉarr thum ipierraajã khaba naawai.

San Juan 6:29

Magbaawai Jesuu amag magjim: —Ẽwandamau pãrag waupim khõsi simʉn, mʉʉta warrgarwe ichdeu pʉiju a jaaujerr aawai mua nem jaau chitʉmta pãrag ʉkhapim khõsi simgui ajim.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

San Juan 6:57

Mʉ Aai mʉ pʉitarrjã mee khaugba sĩerraawai mʉchjã i gaaimuata ich mag iiu chitʉm. Maagwai ĩchab chi mʉ modta thachjo wajap kho sim khʉʉn, ich jãg mʉjã mʉch Aai gaaimuata ich mag iiu chitaajemjo, mag wounjã ĩchab mʉ gaaimuata mʉg atag pawiajã ich mag iiu sĩsijugui ajim.

San Juan 7:29

Mʉchdeun mua i khaphʉ chirʉmgui ajim, i aar chirawia beetarr aawai. Ichdeuta mʉ pʉijimgui ajim.

San Juan 8:11

Magbaawai chi ʉʉirau, —Ʉ̃hʉ̃, ni ãbmuajã mʉ chig abajimgui ajim. Magbaa deeu ich Jesuupai irig, —Muajã pʉ chig abam. Petá, pari jãimua oob tag pʉch jaai khabam dʉi khapes amgui ajim irig.]

San Juan 8:42

Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.

1 Juan 2:2

Jesucristota maach pekau kõit ʉdʉraa ich thõopijim, mag ich thõopibarmua maach pekau appaijã khaba thum ich iek ʉkha nʉm khʉʉn denpa Ẽwandamau chugpaapʉimamkhĩir.

1 Juan 4:14

Mag nʉm dʉi ĩchab chi Ayau ich Iewaag õor peerdʉ aumkhĩir pʉitarrjã marau maach daúacha ootarr aawaita mag khaphʉ jaau nʉm, chadcha Ẽwandam maach dʉi khapeerkhaju aai sim õrag khap amkhĩir.