San Juan 3:16 - Wounaan Meu

¹⁶ ’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

Woun Meu

¹⁶ ’Pari magaagta Hẽwandamau hoowai mʌg durr gaaim k'ʌʌn t'um ya chi hok'oomta nʌm k'ap'ʌ harr haawai, hich garmuata ham peerdʌ haum k'õchgau mʌ hich Hiewaa hãbpai k'itʌmta ham kõit t'õmk'ĩir pʌ̈ijimgui hajim, magbarm gaaimua chi mʌrʌgta hamach peerdʌ haupi nʌm k'ʌʌn chan hok'ooba, mʌig heegarwejã hich dënk'anaa hich haar höbërwia hich mag hich dʌ̈i wënʌrramk'ĩir.

San Juan 3:16 Iomraidhean Croise

San Mateo 9:13

Maimua magjim ĩchab: —Wajapha khĩirjunaa Ẽwandam iek phã sim gaaim mua jawaagpam khap abat. Chi phã sim iek gaai Ẽwandamau mag sim: “Muan pãragan sĩi nemchaainta khechnaa mʉrʉg jeeu nʉʉ aju khãai, pãach khapeenta ʉ̃rcha dau aug khaug paraa apim khõsi chirʉm” a simgui ajim Jesuu. Maguata muajã am pekau pom nʉmjã igba, am dʉi thach kho chirʉmgui ajim. Mʉ chan bʉ̃ʉrjã pekau chukhu wajapha khitheem aajem khʉʉn jʉraanjã beeba, mʉʉn õor pekau pooma khitheem khʉʉn peerdʉ awaanta beejimgui ajim, khĩirjug iiur aumkhĩir. Maguata mag õor pekau pom nʉmjã igba, am dʉi thach kho chirabahab ajim, amjã Ẽwandam denkha awaag.

San Marcos 12:6

’Maimua ya ãbmiecha tag pʉijujã chukhu aadeewai ich iewaa ãbpai khitaawai bʉ̃ʉrjã chig aba aajerrta pʉijim aajem. I khĩirjugan ich chaai aawai i ogkhaju awiata pʉijiebma.

San Lucas 2:14

“Ẽwandam, ʉu abarm ʉ̃gtharm magwe. Ʉu pua pʉch Iewaa pʉibarmgui” anaajim anʉm. “Mʉg pʉchdeu i pʉibarm gaaimua mʉg durr jooi gaaijã pʉchdeu jʉr aumam khʉʉnan pʉ dʉi khõinaa wenʉrraju” anaajim anaabá, Ẽwandamag jeeumamua.

San Juan 1:14

Mag, Ẽwandam Iewaata wounag pawia mʉig eegar sĩeichejim. Ichta Ẽwandam Chaai ãbpai khitʉmuata ich iiu aawai ich Aai ipierraa nem khĩir pogkhe wau nʉrrarr marau oojim. Magta i gaaimua marau khaphʉ nʉisijim, jãga Ẽwandam chi Ayaujã maach jãsene sĩerrʉ́.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

San Juan 10:28

Magbaawai mʉchdeuta mʉch Aai aar am oberju aai apiejem, tag okhooba sĩi i chaainkha ich mag wenʉrramkhĩir. Ya magbarm chan ni ãbmuajã mʉ jua eem khechthʉg aubamgui ajim.

San Juan 3:15

Wajapcharan mag nemkhõrkha wau sim pa gaai jiir wejorragta oobaawai monaaujerrjo, chi mʉrʉgta ich peerdʉ aupi sim khʉʉn peerdʉwia Ẽwandam aarcha oberwia ich mag iiu sĩerrajugui ajim.

San Juan 3:18

’Mʉch chi Ẽwandam Iewaa iekta ʉkhanaa mʉ ig sim woun chan Ẽwandamau isegwia khĩmie durr barpʉibam. Pari ar mʉ igba sim chan ya sĩi barpʉijupaita simgui ajim, ichdeu Ẽwandam Iewaa mʉchta ãbpai chitʉmta igba arr gaaimua ichdeupaita wir aig ich isegpi jaau simjo sĩewai.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

Romanos 5:10

Warr maach pekau ee wenʉrraajeewain maachin Ẽwandam dʉi iekkhõr pomta naajim, maachdeu i igba narr gaaimua. Pari mag Cristo maach kõit meetarr gaaimua Ẽwandam dʉi maach khõinaa api sim khai, magan ich iiu phiidʉtarr gaaimuajã ĩchab maach aub khaba ich aar auju, ya Ẽwandam dʉi khõinaa wenʉrraawai.

Romanos 5:8

Pari Ẽwandamau magbajim maach dʉi. Maach pekau pom nʉm ãba, Cristo pʉijim maach kõit thõmkhĩir. Mag pʉibarmuata irua ich garmua chadcha maach khõsi sim khap apijim.

Romanos 8:32

Ẽwandamau ich Chaaijã ĩgkhaba, sĩi warag ʉdʉraa maach thumaam khʉʉn kõit thõopibarmua nem dee nʉmjo deetarrta, jãgwi irua sĩi maachdeu nem inag ig nʉmjã deeba abarju.

Efesios 2:4

Mamʉ ʉu Ẽwandamau õor thumaam khʉʉn dau aug khaug paraanaa ich garmua õor khõsi khitaawai,

2 Tesalonicenses 2:16

Maraun, ich maach Por Jesucristoouchata maach Ẽwandam chi Aai dʉimua pãar khĩir jãsenkhanaa pãar juag oopim khõsi nʉm, pãrau nem jaaunaa nem wau nʉm thum wajaphata obeber amkhĩir. Ich Ẽwandamauta maach khõsi khĩir jãsenkhajim, ich mag wenʉrrʉmua ich dʉi ogdʉba nʉisijujã khap amkhĩir.

Tito 3:4

Mag naajieb mamʉ Ẽwandam maach peerdʉ aaujemua ʉu ich Chaai pʉibarmua chadcha ichdeu õor dau aug khaug paraanaa jãsene simjã thumaam khʉʉnag khaphʉ apijim.

Hebreos 2:9

Magarrau Jesuuwan chadau, mʉig eegar wounkha sĩethuurwai maachjo angelnaan khãaijã Ẽwandamau eegpai i deejieb mamʉ, ĩs jũrr ichdeuta nem thʉnʉm thum chadcha wai dʉnʉm. Mamʉ Ẽwandamau mag maachjo angelnaan khãaijã eegpai apitarran, maach dau aug khaugwi maach peerdʉ aum khõchgau maach kõit dau aphʉʉ amkhĩir ajim. Mamʉ mag maach gaaimua meetarr jũrr, ich Ẽwandamau ichta nem thum thʉnʉm khãaijã ʉ̃rpai apijim.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 4:19

Ich garmuata nacha maach khõchkhatarr aawai ĩsin maachdeujã maadeu i khõsi nʉm.