San Juan 3:15 - Wounaan Meu

¹⁵ Wajapcharan mag nemkhõrkha wau sim pa gaai jiir wejorragta oobaawai monaaujerrjo, chi mʉrʉgta ich peerdʉ aupi sim khʉʉn peerdʉwia Ẽwandam aarcha oberwia ich mag iiu sĩerrajugui ajim.

Woun Meu

¹⁵ Wajapcharan mag nemk'õrk'a wau sim pa gaai jiir wëjorragta hoobaawai monaaujerrjö, chi mʌrʌgta hich peerdʌ haupi sim k'ʌʌn peerdʌwia Hẽwandam haarcha höbërwia hich mag hiiu sĩerrajugui hajim.

San Juan 3:15 Iomraidhean Croise

San Mateo 18:10

Mag jajawagmamua ĩchab, —Mʉg daumeraa khitheem khʉʉn oob ãb khãijã isegmiet ajim. Am thʉa mʉ Aai aar thʉnʉm khʉʉnaun amag dau par khaba thʉnʉmgui ajim. [

San Mateo 25:46

Maimua ya ãbmiecha iekha oogpamua maar dakhĩir, —Muata mag iekhabarm khʉʉnan khĩmie durrta wetjugui ajim, mamta ich mag dau aphʉʉ wenʉrraag. Mamʉ õor wäjäaun mag mʉch juachaar gar atham khʉʉnan, mʉch dʉita ich mag iiu nʉisijugui ajim, ich mag wenʉrraag.

San Marcos 16:16

Chi mʉ iek ʉkhawi ich por choopi sim khʉ ʉu peerdʉju. Mamʉ chi mʉ iek jaau nʉm ũr simjã ʉkhaba sim chan Ẽwandamau i peerdʉ auba warag i isegpʉijugui ajim anʉm.

San Lucas 19:10

Mʉch chi Emkhooi Iewaan chadcha õor amach khaibag gaaimua okhoo khitheem khʉʉn jʉrwia, peerdʉ awaanta beejimgui ajim anʉm.

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 5:24

’Mʉ cha iekha chirʉm iekhau chi mʉg mua jaau chitʉm iekta ũrwia ʉkha simuan Ẽwandam iekta ʉkha simgui ajim, chadcha ichdeuta mʉ pʉiwia mag ich iek jaaupitarr aawai. Mag ʉkhabarm wounan Ẽwandamau ya ich denkha auwia ich mag i dʉi sĩsim iekhau. Magbarm woun gaai Ẽwandamau ichdeu õor i agkha nʉm edjã mas abajugui ajim, warr ich khaibag eepai chi thõmjo sĩerrta ich mag iiu nʉrraag ya chi peerdʉm aawai.

San Juan 6:27

Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

Hechos 13:41

“Pãar ar Ẽwandam iek aawaijã warag i wau iekhaajem khʉʉn ũrbat: Mʉʉn Ẽwandamau. Pãach dakhĩir pãrau ag na ooba aajem mua wauju. Mamʉ nem thum magju nawe ãbmua pãrag jaaukhiinjã pãrau ʉkhabaju. Mamʉ ya pãach daúa oophobaadeewaita pãar jãphierr naawijã, ¿pãrau jãgbarju? Pãachdeu ʉkhaba arr gaaimua, maigta pãar oju edau” ajim aajem Pabloou, Ẽwandamau ich iek phãpitarr igwia. (Ab. 1:5)

Hechos 8:36

Mag iyʉʉ wetumua dodam phʉʉr kherʉm aig paaukhabaimaa ich chi thethemua Felipeeg, —Kake, mʉg dodam paraa kherʉm aig nʉwe, ¿pua oowai mʉ por chooju jãg chirʉ́? ajim anʉm. [

Romanos 5:21

Warr jãg pekau õor meepieg ichta jua theeg ʉ̃rpai sĩerrjo, ĩsjã ĩchab Ẽwandam jua theegta jũrr ag khãaijã ʉ̃rpai sim, maach Por Jesucristo gaaimua mag maach pekau pom narrta chugpaapʉiwia jũrr ich dʉita ich mag i denkha wenʉrramkhĩir.

1 Corintios 1:18

Jesucristo pakuls gaai meerphe thõotarr ag iek jaau nʉmʉn, ar mʉg jẽb gaaiwe okhoo nʉm khʉʉnau ũurwai, sĩi parhooba khĩir lokoom khʉʉnau nem jaau nʉmjota ũurjerram. Mamʉ mag sim jũrr ya mʉg maach ʉu peerdʉwi nʉm khʉʉnagan, wajapcharan maachigma, maachigan maata ante warag Ẽwandam jua theegau.

2 Corintios 4:3

Mua mʉg Ẽwandam iek jaau chitʉmjã õrau pod khaug auba nʉm khai, magan makhʉʉnan agtha putiu dau eu ʉ̃r borr nʉmjo naawaita amach okhoo nʉm gaaimua mag khaugba nʉm.

Gálatas 2:16

Mag naab mamʉ ĩsin ya marau khaphʉ nʉm ĩchab, mag sĩi Moiseeu ley phã pʉatarr ʉʉrkha nʉm gaaimuapai chan pod ãbjã kulp chukhu sim aju khabam. Ãba Cristo iek thãraucha ʉkha nʉm gaaimuata chadcha kulp chukhu aajem. Maguata maachdeujã ĩchab Jesucristo iekta ʉkha nʉm, mag nʉm gaaimuata mag kulp chukhu nʉisieg.

Gálatas 2:20

Maguata nem khaigbam wawaagan mʉʉn nawe Cristo thõo naawai i dʉi ãba pakuls gaai thõrrjota chirʉm, magʉm ley ʉʉrkha nʉmuata tag mʉch peerdʉjujã khĩirjuba. Pari tag warramjo mag khĩirjuba chirʉmʉn mʉch khĩraupai khaba, Cristo mʉ thãar ee sim ag juapaauta mʉrʉg magpi sim. Maguata Ẽwandamau khõsimjo wawaag ich Iewaa Cristoou mʉchig juapá deeju khĩirju chirʉmuata nem wau chitʉm, chadcha ichdeuta ich garmua mʉ khõsi awi mʉ kõitjã ichta thõopitarr aawai.

Hebreos 10:39

Mamʉ maachig chan mag irua oobam abaju, eem khʉʉnjo ewag wetwi okhooju khʉʉn khaba naawai. Okhooju khãai, maachdeun chad thãrauchata i iek ʉkha naawai maachin peerdʉwi ich dʉicha wenʉrraju khʉʉnau. Ich jãgta ʉkhanaat keena.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

1 Juan 2:25

Ich Cristooucha jaauwaijã maachin ich dʉita ich mag phe wai nʉrraju a jaaujim.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.