San Juan 3:13 - Wounaan Meu

¹³ ’Agtha iwiir ãbjã ʉ̃gthar Ẽwandam sim aar maba sim, i khĩirjug khap aag; ãba i aarmua beetarr wounaupaita Ẽwandam khĩirjugan khaphʉ simgui ajim, õrag jawaag; wajapcharan mʉch chi Emkhooi Iewaama. Mʉch khabahab ajim, Ẽwandam aarmua beetarr aawai deeu i aar maju.

Woun Meu

¹³ ’Hagt'a hiwiir hãbjã hʌ̃gt'ar Hẽwandam sim haar maba sim, hi k'ĩirjug k'ap haag; hãba hi haarmua bëetarr wounaupaita Hẽwandam k'ĩirjugan k'ap'ʌ simgui hajim, hõrag jawaag; wajapcharan mʌch chi Hemk'ooi Hiewaama. Mʌch k'abahab hajim, Hẽwandam haarmua bëetarr haawai deeu hi haar maju.

San Juan 3:13 Iomraidhean Croise

San Mateo 28:20

Mag nʉm dʉi ĩchab mua pãachig jaaujerrjo Ẽwandamau nem waupi jaaumamta i ipierraa waupi jaaubat ajim, ich jãg pãachdeujã mʉ ipierr wenʉrrʉmjo. Mʉʉn mʉchin Jooirau mʉg durr i agkha nʉm aar ich mag ed eepierr pãar dʉi chitajugui a jaau pʉajim maachigcha.

San Mateo 8:20

Magbaa jũrr Jesuu irig, —Pʉchdeu mag mʉ dʉi mam khõsi chirʉm khai, marrau magan; mamʉ pʉrʉg jaaukhimgui ajim anʉm: Mʉ khãyau pabʉ eem nemchaain amach khãaijem jẽbdi paraam; nem ichpanjã kheeupaawai amach khãaijem khãidu wai sĩsidʉm. Mamʉ mʉch chi Emkhooi Iewaa chan mʉg chitʉm aig kheubaadeewai khãyaag wajapha werba chiraju didamjã chukhu chitʉmgui ajim anʉm. Pʉjã mʉjo magta chitam khõsi chirʉm khai, marrau magan ajim anʉm.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 13:3

Jesuu khaphʉ sĩejim, ich Ayau ichigta nem thum jaaunaa ʉ̃gtharmua ich pʉitarr aawai deeu i aar maju.

San Juan 17:5

Nau mʉgtarr khur deeu mʉ pʉch aar pabaimaawai, warr mʉg durr ompaaju nawe mʉchta pʉch dʉi ãba nem iek theeg chi Porkha chirarrjo, ũwaai mʉrʉg agjo iek theeg apinaa chi Porkhapibá a jeeumajim ich kõitpai.”

San Juan 3:12

Magnaa irig, Mʉig eegarm nemdampai mua jaau chirʉmjã pãrau ʉkhamapha nʉm, ¿jãga ʉkhaagauma ajim, ya Ẽwandam khĩirjugcha mua pãachig jaaubaadeewai?

San Juan 3:31

Maimua mag iekhamamua ich Juan chi por choomieupai Jesús igwia, —Iita ʉ̃gtharmuacha beetarr aawai ichta chadcha maach thumaam khʉʉn khãyaujã ʉ̃rʉʉcha sĩebahab ajim anʉm. Pari mʉ magba sĩi pãachjo mʉig eegarmpai aawai mʉg eegarm khʉʉn denjopaita jaau chirʉmgui ajim aajem.

San Juan 6:33

Magnaa ichdeupai ich igwi, Pari mag pan ich Ẽwandamauta dee sĩewai ʉ̃gtharmuachata beejimgui ajim, õor iiupi awaag.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

San Juan 6:42

Mag sereu phobaadewi amach eepai, —Keena, pari ¿chamʉg Jesús maachdeu oo bãautarr khabá anaajim, José iewaa? Mag simta ¿jãga mag iita ʉ̃gtharmua beetarr abarju? Magan maadeuta i dennaan khaugba naab, i mag iekha chirʉm anaajim.

San Juan 6:46

Mua mag chirʉm chan mag õrau i oojeewai aba chirʉm. Ãba i oowia i khaphʉ simʉn, mʉchta i sim aarmua beetarr aawai mʉchdeupaita i oojemgui ajim.

San Juan 6:51

Mʉchta mag pan ʉ̃gtharmua beetarr õor iiupiejem khabahab ajim. Mag panta kho simʉn ich magta iiu sĩsiju. Mamʉ mag panjo mua pãrag deeju a chirʉmʉn, thumaam khʉʉn iiu wenʉrraju aai amkhĩir am kõit ʉdʉraa mʉch thõopijuuta jaau chirʉmgui ajim.

San Juan 6:62

Magan pãach dakhĩir Emkhooi Iewaa deeu ũwaai warr ich sĩerr aar sĩeimaag ʉ̃gthaa papagmam ookhiinjã, pãrau ¿jãga khĩirjukhajĩma? Mag ookhiinjã ¿mʉ chadcha ʉ̃gtharmua beebajim ajupá? ajim.

San Juan 8:42

Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.

Hechos 2:34

Maigta pãrau oo naabá ajim anʉm. David Jesujo ʉ̃gtharjã thumaam khʉʉn Porkhaimaba arr aawai ¿jãga irua ich igwia magkhajĩ? Mag khãai maach Por Jesuuta ʉ̃gthar pabaimaawaijã thumaam khʉʉn Porkhaimaju ichdeu khaphʉ sĩerr aawai, ich Jesús igwiata Davidau ich paarmua, “Ẽwandamau maach Porogta, ich dʉi ãba thumaam khʉʉn Porkhapieg ich juachaar gar juppiju” a iekhabajieb ajim anʉm,

Hechos 20:28

Magua mua pãrag mag chirʉmgui ajim: Pãar ar chi ʉkha durrum khʉʉn porkha nʉm khʉʉn, pãach mor ʉʉrkhanaa ĩchab pãach khapeen chi ʉkha durrum khʉʉnjã wajapha thʉa wai nʉisit. Magaag magamkhĩirta Ẽwandam Akharau pãar jʉr aujimgui ajim, maach Por Jesuu ich bagau phag autarr khʉʉn ajapha thʉa wai wenʉrramkhĩir.

Romanos 10:6

Mamʉ mag khãai jũrr sĩi Cristo maach pekau kõit meetarr ʉkha nʉm gaaimua peerdʉju igwia, atcha phithuurga sim aju khaba nʉm. Moisés iekhõoin “Ʉ̃gthar i aarcha mawia irig dich peerdʉ awaan beepiju khaba nʉm.” ¿Jãgwi? Ya i beewi maach peerdʉ awaag maach kõit meetarr aawaima.

1 Corintios 15:47

Nacharam woun Adán aajerran jẽb denta Ẽwandamau ompaa aujim, pari Cristoon jũrr ʉ̃gtharmuachata beejim.

Efesios 1:23

maachigta ich Iewaa jũrr, mʉg jẽb gaai ichdeu khõsimjo nem wauju ayaa apijim. Cristoon ich appai simta durrpierr sĩerraawai ãbmuajã jamta i sĩejẽ aju khabam. Mag simta maach chi ʉkha nʉm khʉʉn dʉin ichta chi Porkha sim.