San Juan 3:11 - Wounaan Meu

¹¹ Pʉde ũrbarí, pʉrʉg jaaukhimgui ajim: Maraun chadcha maachdeu khaphʉm nemta jaaunaa maach daúacha ootarrta jaaujem, mamʉ pãrau ʉkhamapha nʉmgui ajim.

Woun Meu

¹¹ Pʌdë hũrbarí, pʌrʌg jaauk'imgui hajim: Maraun chadcha maachdëu k'ap'ʌm nemta jaaunaa maach daúacha hootarrta jaaujem, mamʌ pãrau hʌ̈k'amap'a nʌmgui hajim.

San Juan 3:11 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Mateo 23:37

Mag Jerusalén phobor ee Aai i jeeujem deg simua ʉapermamua magjim: —¡Eh! ¡Aay, Jerusalenpien! Pãraun chadcha warrgarweta Ẽwandamau ich i jaaumkhĩir chogpʉi nʉm khʉʉnjã kha khõchkhaba, warag mokoujã bar wai nʉmua khechpʉimaajemgui ajim. Biek khapan mua pãrag jaaujeejimgui ajim, ãthãrr ʉʉirau ich chaaindam thumaa ich ich eegar thoor wai juupjemjo pãar thʉa wai chitaag. Mamʉ magtarrjã pãachdeuta bʉ̃ʉrjã mag khõchkhabajierram.

San Lucas 10:22

Maimua jũrr chi aig narr khʉʉnagta magjim anʉm: —Nem thum mʉg thʉnʉmʉn mʉ Ayau mʉrʉgta deejim. Mamʉ ãbmuajã khaugba sim, khai agá mag Ẽwandam Iewaa. Ãba ich mʉ Ayaupaita khaphʉ simgui ajim anʉm, chadcha mʉ i chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã mʉchdeu jaaubarm khʉʉnaupaita ĩchab i khaphʉ aju aai nʉmgui ajim anʉm.

San Juan 1:11

Ich durr gaai beetarrta, mag amach ee pierrumjã õrau i igbajierram.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 12:49

Chi mʉ iek iseg nʉm khʉʉnaun khaphʉ aju aai nʉmgui ajim, sĩi mʉch khĩrauta mʉch iekham aig iekhaba chitʉm. Mʉ Ayauta mʉ pʉitarr aawai, ichdeuta mua iekhamajujã jajawag maawai, ich agpierrpaita jaau chitʉmgui ajim.

San Juan 14:24

Mamʉ chi mʉ ipierraata nem wauba sim chan mʉ khõchkhaba aawaiugui ajim. Magnaa, Cha pãrau mʉ iekha chirʉm ũr nʉm chan mʉch iekpai khaba, jãan mʉch pʉitarrau iek jaaupitarr iekhaugui ajim.

San Juan 3:12

Magnaa irig, Mʉig eegarm nemdampai mua jaau chirʉmjã pãrau ʉkhamapha nʉm, ¿jãga ʉkhaagauma ajim, ya Ẽwandam khĩirjugcha mua pãachig jaaubaadeewai?

San Juan 3:13

’Agtha iwiir ãbjã ʉ̃gthar Ẽwandam sim aar maba sim, i khĩirjug khap aag; ãba i aarmua beetarr wounaupaita Ẽwandam khĩirjugan khaphʉ simgui ajim, õrag jawaag; wajapcharan mʉch chi Emkhooi Iewaama. Mʉch khabahab ajim, Ẽwandam aarmua beetarr aawai deeu i aar maju.

San Juan 3:3

Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

San Juan 3:5

Magbaawai jũrr Jesuu deeu ũwaai, —Ʉ̃hʉ̃, mua chan sĩi thaabaa chaar thaaba nʉm jaauba chirʉmgui ajim. Mua mag eeupemjo thaabaju a chirʉmʉn, Juanau por choo simua jaaujerrjo Ẽwandam Akharag dich khĩirjug chi iiurig paapʉipi nʉmta jaau chirʉmgui ajim. Magbam chan pod Ẽwandam sim aar oberbam, agtha i den khaba sĩewai.

San Juan 5:43

Mʉʉn ich mʉ Aai iekhau pʉiwiata mʉg chitʉm; pari magʉmjã mua mag jaauwai pãrau mʉ iek ʉkhaba nʉmgui ajim. Mamʉ jũrr ãb sĩi ich khĩraupai beewiata pãrag magchekhiin, mag iekhan chadau pãrau ʉkhajugui ajim.

San Juan 7:16

Amau mag iekha nʉm ũrwia jũrr ich Jesuu amag, —Mua nem jaau chirʉm chan sĩi mʉch iekpai khabamgui ajim. Mua nem jaau chirʉmʉn mʉch pʉitarr wounau mʉchig jaaupitarrta jaau chirʉmgui ajim.

San Juan 8:14

Magbaawai Jesuu amag magjim: —Muan mʉchdeupaita mʉch jaau chirab mamʉ, mua nem jaau chirʉmʉn chadcha balee simgui ajim. ¿Khan jãgwi mag chirʉ́? Mua mʉch beetarr khaphʉnaa mʉigmua petaau mʉch chiraimajujã mua khaphʉ chiraawaita mag chirʉmgui ajim. Pari pãach iekhõoin pãachdeun chad mʉ khaugba nʉmta mag mʉ jaau naabma ajim jũrr amag.

San Juan 8:26

Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.

San Juan 8:38

Muan mʉch Aai dʉi chiraawai i dʉi khaugtarrta pãrag jaaujem. Maagwai pãraujã ich agjo pãach ayau pãachig jajaaukhamta waaujemgui ajim.

Hechos 22:18

Mag ich oopiwia mʉrʉg, “Mʉig Jerusalén chan par pua mʉ iek õrag jaauwiajã amau ʉkhabam. Mag khãai pʉchta jopkharraapai mʉg phobor eemua warag chawag petá” ajim.

2 Corintios 4:4

Ich chi dosãt mʉg jẽb gayam khʉʉn ẽwandamkha sĩerrʉmuata am dau khĩpi wai sim dʉi am khĩirjug ʉ̃rjã putiu borr wai simjo sim, maach Cristo thumaam khʉʉn khãai ʉ̃rpai sim iekta ʉkhapimaaugau. Mag Cristo iekhaupaita õtdau bʉʉg nem oowai khaphʉ aajemjo maachig khaphʉ api sim, Cristo gaaita ich Ẽwandam khĩir theg sim.

Apocalipsis 3:14

Laodicea phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar chadam iekpaita iekha sĩerrʉm iekhau. Ichdeun ich daúa oonaa ich jʉ̃gʉucha ũrtarrjã ich agjoota jaaujem. I gaaimuata warrjã Ẽwandamau nem thum ompaa aujim. Mag sĩerrʉmuata pʉrʉg ich imeerba jaaupʉipitarr aawai pʉrʉg jaaukhim: