San Juan 3:10 - Wounaan Meu

¹⁰ Magbaawai Jesuu irig magjim: —¿Pʉʉta israelnaan ee maestro aawai õrau iigjemta mʉg mua Ẽwandam Akharauta khĩirjug ajaug paapäaijem jaau chirʉmjã khaugbata chirab?

Woun Meu

¹⁰ Magbaawai Jesuu hirig magjim: —¿Pʌʌta israelnaan hee maestro haawai hõrau hiigjemta mʌg mua Hẽwandam Hak'arauta k'ĩirjug hajaug paapäaijem jaau chirʌmjã k'augbata chirab?

San Juan 3:10 Iomraidhean Croise

San Mateo 11:25

Ich mag jaar ĩchab ich Jesuu ich Ayag jeeumamua, —Tata, mua pʉrʉg ʉu ajim a chirʉmgui ajim anʉm, pʉchta ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjo khitheem khʉʉnagta ʉu khaugpibaawai.

San Mateo 15:14

Magua, ideu warag khĩuu sĩubat ajim. Jãkhʉʉnan amachjã dau khĩsu nʉmta agjo dau khĩsum khʉʉn jua gaai pʉrnaa eudʉ arrjem khʉʉnjota nʉmgui ajim. Pãrau oowai merag chukhu sĩebá, dau khaugba khitʉmua agjo dau khĩsu khitʉm jua gaai pʉrnaa arrkhiin, ãb bʉheu subaadee amach numwe burrjugui ajim.

San Mateo 22:29

Magbaata ũr nʉm jʉ̃g eyaa Jesuu amag, —Pãran okhoota iekha nʉmgui ajim, Ẽwandam iek phã sĩsidʉm gaai jaau simta i jua theegjã khaugbata iekha naawai.

San Lucas 2:46

Ich ag ed kheeuraa Jerusalén barchejierram aajem. Maimua ag noram ãspaau jʉrphobaadeeuta Aai i jeeujem deg Ẽwandam iek jawaag chi machnaan dʉita Ẽwandam iek iigwai iyʉʉ oo sim ooimajierram aajem.

San Lucas 5:17

Biek ãb Jesuu Ẽwandam iek jaau sim aig fariseonaan dʉi Ẽwandam iek athee chi machnaanpa ohood thʉnaajim. Makhʉʉn phobordam nʉnʉidʉmpierrmua beetarr khʉʉn ajim aajem: Galilea durrmua beetarr khʉʉn, Judea durrmua beetarr khʉʉn, maimua ĩchab Jerusalenpienpa dʉi naajim aajem. Maagwai Ẽwandam juapa theeg i gaai sĩejim anʉm, õor monawaag.

San Juan 3:9

Magbaawai deeu ich Nicodemooupai Jesuug, —Pua mag sim aig, ¿jãga aawaíuma? ajim irig.

Hechos 5:34

Mag chi thierrnaan apha biirdʉ thʉnʉm ee woun ãb Gamaliel a thʉ̃r sim sĩejim aajem, Ẽwandamau Moiseeg ich iek phãpitarr iek ajapcha ʉʉrkhaajem khʉʉn eem. Mag woun ĩchab Ẽwandam iek jawaag chi mach ajim aajem. Maagwai phoborpien thumaam khʉʉnaujã ĩchab i okho aajeejim aajem. Mag wounau chi Jesuu ich i jaaumkhĩir jʉr autarr khʉʉn khũchpai dawag phe arrpi jaaujim anʉm, magʉmich amach ap iyʉʉ aag.

Romanos 2:28

Pãrau khaugba nʉ, judiokha nʉm chan sĩi maach dennaan judionaan aawai õor dakhĩir dich jooin i pʉaba wenʉrrʉm khaba, ni sĩi Ẽwandam denkha nʉm khʉʉn dauchach wai chirʉm anʉmjã khabam.

Filipenses 3:3

Mamʉ par amach iphithur mag wenʉrrawiajã oob am ipierraa amiet. Maach mor ʉ̃rpain ideu sĩi dauchach paar sĩsid awiajã, maach thãarta khaigba sim chan parta i chaainau aju. Mag khãai maachin chad i chaain chaarpama, chadcha ich Ẽwandam Akharau jaau simjo thãraucha irig jeeujeewai. Mag jeeu wenʉrrʉmuata maach onee naajem, Jesucristo maach kõit meebarm gaaimua Ẽwandamau maach ich chaainkha wai sĩewai.

Colosenses 2:11

Ich mag Cristo iekta pãrau ʉkhabaawai ichdeuta Ẽwandam athee pãrag nem waau khaugpijim. Mamʉ mag pãar i dau na ʉu nʉisim chan sĩi maar meeunjo dich khakhua gaai dauchach nʉmua khaba, pãar thãar ajaug paabapʉimuata magpijim, pãachdeu nem khaigbam waaujerrjã tag waupimapha abarmua. Mag Cristoog dich thãar ajaug paapi nʉmta irigan dauchach charau, chadcha Ẽwandam atheepai wenʉrraawai.