San Juan 21:25 - Wounaan Meu

²⁵ Mua mʉg ẽsap gaai phã chirʉm atcha Jesuu nem inag pooma waaujeejim. Irua mag nem waaujerr thum ãhãbdo jaaukhiin, libro khapaanata oberkham, makhʉʉn thumaa õrag khakhapdo amkhĩir ĩgkhapʉyaag. Maga ajim keena. Makhʉʉndamta pãrag khap amkhĩir jaaum ig chirajim. Juan, ich Jesús dʉicha chitaajerr

Woun Meu

²⁵ Mua mʌg hẽsap gaai p'ã chirʌm hatcha Jesuu nem hinag pöoma waaujeejim. Hirua mag nem waaujerr t'um hãhãbdö jaauk'iin, libro k'apaanata höbërk'am, mak'ʌʌn t'umaa hõrag k'ak'apdö hamk'ĩir hĩgk'apʌ̈yaag. Maga hajim keena. Mak'ʌʌndamta pãrag k'ap hamk'ĩir jaaum hig chirajim. Juan, hich Jesús dʌ̈icha chitaajerr

San Juan 21:25 Iomraidhean Croise

San Mateo 11:5

Irig, “Dau khaugba khekhed arr khʉʉn dau wajapha thʉnʉm” abat. “Bʉ wedʉ wedʉ sĩsid arr khʉʉnjã ya wajapha nʉrrjeem. Kach khĩsu sĩsid arr khʉʉnjã wajapha ũr sĩsidʉm. Chi meem arr khʉʉnjã deeu iiu nʉrrjeem, maimua aphʉʉm khʉʉnagjã ĩchab õor peerdʉajem iek jaau chirʉm” a jaaubaimat ajim.

San Mateo 19:24

Phatkhonpanta ʉ̃gthar Ẽwandam chi Porkha sim aar oberju khãyau, camello pom jãg maach wounaan khãaijã ʉ̃rpai sĩerrʉmta phithurg chukhu nobeeu kach ee thoogar ober dichjugui ajim.

San Marcos 5:16

Mamʉ mag amach daúacha Jesuu mag woun ben chugpaapʉiwia chi khũsnaanjã lokiewi do ee jogaa khechtarr orr khʉʉnau jũrr deeum khʉʉnag nem ĩgkhamajierram aajem.

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

Hechos 20:35

Mʉchjo mag phidkhamkhĩirta mʉch chitʉmpierr mua ich mag pãrag jaau chitaajem, mag phidkha nʉmua ĩchab dau aphʉʉ amachdeu nemdam ig nʉmjã pod auba durrum khʉʉn juag oo wenʉrramkhĩir. Pãade maach Por Jesuu iekhatarr khĩir eyaa abat ajim: Iin chadcha i iekhõoin “Dich garmua chikhamnag nemdam deewaita maach oneecha aajemgui ajim, chi au sim khãaijã.”

Hebreos 11:32

¿Mag tag khaita mua pãrag jaaubarkhiin? Agtha jaauju pooma thʉnʉm: Gedeón, Barac, Sansón, Jefté, David, Samuel maimua tagam khʉʉn ijo Ẽwandam i õrag jaaujerr khʉʉn pooma thʉnʉm, jãga amaujã Ẽwandam iek ʉkha nʉmua nem waaujeejĩ; mamʉ makhʉʉn thum jaaukhiin da jaaupʉibaju.