San Juan 21:15 - Wounaan Meu

¹⁵ Mag thach kho nʉʉ awia ya kho aaipagkhabaadee Simón Pedroogta ich Jesuu, —Simón, Juan iewaa, ¿puata chadcha pʉch khapeen khãaijã ʉ̃rcha mʉ daupii chirʉ́wi? ajim. Magbaawai Pedroou irig, —Eera Señor, pua khaphʉ simgui ajim, mua pʉch daupii chitʉm. Magbaawai deeu chi Jesuupai irig, —Magan mʉ iek ʉkha durrum khʉʉnta oveja chaain thʉajemjo wajapha thʉa wai chitá ajim, mag amachdeu mʉ iek ʉkha nʉm gaaita ich mag ubʉ wenʉrramkhĩir.

Woun Meu

¹⁵ Mag t'ach k'ö nʌʌ hawia ya k'ö haaipagk'abaadee Simón Pedroogta hich Jesuu, —Simón, Juan hiewaa, ¿puata chadcha pʌch k'apeen k'ãaijã hʌ̃rcha mʌ daupii chirʌ́wi? hajim. Magbaawai Pedroou hirig, —Hëera Señor, pua k'ap'ʌ simgui hajim, mua pʌch daupii chitʌm. Magbaawai deeu chi Jesuupai hirig, —Magan mʌ hiek hʌ̈k'a durrum k'ʌʌnta oveja chaain t'ʌajemjö wajap'a t'ʌa wai chitá hajim, mag hamachdëu mʌ hiek hʌ̈k'a nʌm gaaita hich mag hubʌ wënʌrramk'ĩir.

San Juan 21:15 Iomraidhean Croise

San Mateo 10:37

’Ãbmua khãijã ʉ̃rcha ich aaita mʉ khãai khõsi wa ich ãd khãijã mʉ khãaijã ʉ̃rcha khõsi sim chan magan mag woun chan mʉ den aju khaba simgui ajim. Wa magba mʉʉta ʉ̃rcha khõsi aju khãai, ich iewaa wa ich kha khãijã ʉ̃rcha khõsi wai sim wounjã mʉ den aju khaba simgui ajim ĩchab.

San Mateo 16:17

Magbaawai Jesuu irig, —Simón Pedro, Jonás iewaa, õrau bʉ̃ʉrjã pʉrʉg jaautarr khabamta chadcha pua ag eyaa jaaubapʉimke ajim. Jãg pua khaphʉ jaaubapʉimʉn, jãan ich mʉ Aai ʉ̃gthar chiraajemuata pʉrʉg mag khĩirjupiwi ajim. Maguata pua ag eyaa jaaubapʉibahab ajim.

San Mateo 18:10

Mag jajawagmamua ĩchab, —Mʉg daumeraa khitheem khʉʉn oob ãb khãijã isegmiet ajim. Am thʉa mʉ Aai aar thʉnʉm khʉʉnaun amag dau par khaba thʉnʉmgui ajim. [

San Mateo 26:33

Magbaawaita Pedroou jũrr irig, —Thumaam khʉʉnau pʉch ap barpʉawiajã mua chan pʉ barpʉabamgui ajim.

San Mateo 26:35

Mamʉ Jesuu ichig magbaawai chará warag Pedroou irig, —Pʉ thõbaimam aar dʉi thõimaju awiajã mua chan pʉ khaugba chitʉm a iekhabamgui ajim. Irua magbarm dʉi maach chi khapeenaujã thumaam khʉʉnau ich mag iekhajim.

San Marcos 14:29

Jesuu mag iekhabaawai Pedroou irig magjim anʉm: —Mʉ khapeenau pʉ ogdʉwia chawag aaidʉtkhawiajã mʉ chan bʉ̃ʉrjã pʉ aigmua chawag ogdʉbamgui ajim anʉm.

San Lucas 12:32

’Pãar chi mʉ bʉ ogdʉba wenʉrrʉm khʉʉnan chadcha khapan khaba durrum. Mamʉ khapanag ee pãach appai khapan khaba nʉm awia oob nem okho wenʉrramiet ajim anʉm. Pãrau maach Aai ipierraa amʉn, irua ich durr pãar phe arr nʉm ora pãar dʉi nem ajapha aju.

San Lucas 22:32

Mamʉ mua jũrr pʉ kõit Ẽwandamag jeeu chirʉmgui ajim anʉm, pʉch khũgurcheewai warre burrm iek burrm ugua. Maagwai ũmaai deeu mʉ thʉ̃r gaai khĩirju chirsiewai pʉchdeupaita jũrr pʉch khapeenag jaauju aai chirʉmgui ajim anʉm, amjã agjo ubʉ nʉisimkhĩir.

San Juan 1:42

Maimua chadcha chi Simón ich dʉi aibeejim, maar Jesús dʉi narr aig. Mag ich aig waipierrwai Jesuu chi Simonag, —Pʉ Simón khabahab ajim, Jonás iewaa. Pari ĩsmua atag pʉ Cefas a thʉ̃rjugui ajim. (Mag Cefas aawai griegonaan meúa Pedro aawaiu. Mag Pedro a sim aig mokpor aawaiu.)

San Juan 13:37

Magbaawai deeu ich Pedrooupai irig, —Señor, pari ¿khan jãgwi ĩswe mʉ pʉ dʉi pod maju khaba chirʉ́? ajim. Pʉ gaaimuan thõju akhiinjã mʉʉn thõju chirʉmgui ajim.

San Juan 21:12

Maimua ya chi ãwarr phaakha athaawai ich dʉi thach khomkhĩir maar ich aig thʉ̃rkha aujim. Pari ya marau i khaug wai narr aawai ãbmuajã irig “¿Pʉ khaíujã?” aba aajeejim.

San Juan 21:7

Mag nʉm ee ya mʉchdeun khaug wai chirarr aawai Pedroog, —Jã maach Por Jesús khabahab a chirajim. Ichig magbaawai sĩi khajũa khomariipai jũa sĩerr aawai ag bʉrre ich khajũa wajapha jũapet awi warag do ee dʉrbbaadejim, jopkharraa ichta chi Jesús sim aar baraag awia.

San Juan 8:42

Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.

Hechos 20:28

Magua mua pãrag mag chirʉmgui ajim: Pãar ar chi ʉkha durrum khʉʉn porkha nʉm khʉʉn, pãach mor ʉʉrkhanaa ĩchab pãach khapeen chi ʉkha durrum khʉʉnjã wajapha thʉa wai nʉisit. Magaag magamkhĩirta Ẽwandam Akharau pãar jʉr aujimgui ajim, maach Por Jesuu ich bagau phag autarr khʉʉn ajapha thʉa wai wenʉrramkhĩir.

Hechos 20:29

¿Khan jãgwia mua pãrag mag chirʉ́? Mua mag chirʉmʉn mʉgaugui ajim: Mʉ ẽudee amachdeupai amach igwia chi machnaan aajem khʉʉn pãar ee beeju. Makhʉʉnaun tigrieu ich aig nemchaain thʉ̃r aaujemjo sĩi chad khabam iekta chadam iekjo pãrag jaaubaicheewai pãar imeraa khũgur auwi warag pãar ee nem ãrchejugui ajim.

Romanos 14:1

Khodamnaan, pãrag jaaukhim: Ar Cristo iek ʉkha durrum pari amachdeu nem wauju aai nʉ wa wauju khaba khãijã nʉm khaugbam gaaimua kha thũumjo khitheem khʉʉnau pãach dʉi khapeerkham iigwai oob am kha isegmiet. Oob pãach denjo khaugba nʉm awi magʉm gaaimua warag am dʉi ijẽjẽb amiet.

Romanos 15:1

Mʉg maachdeu Ẽwandam iek ʉkhatarr gaai chadcha ubʉ nʉm khʉʉnauta jũrr ar maach khãai kha thũumjo khitheem khʉʉndam chig apimapha aju aai nʉm, sĩi dichdeu khõchagpierr am dakhĩir amau nem wauba aajem nemjã wauba, wa amau khoba aajem nem khãijã khoba.

1 Corintios 8:11

magbarm gaaimua pua pʉch hermano agtha Ẽwandam iek athee khukhuraa khitʉmta sĩi okhoopimjo okhoopiju, majã i gaaimuapata ĩchab Cristooujã ʉdʉraa ich thõopitarrta.

Gálatas 5:6

¿Jãgwi mua mag chirʉ́? Mua mag chirʉmʉn Ẽwandamau oowai Cristo iekta ʉkha nʉm khʉʉnan meheu phʉʉrbichba naawiajã thum agdaujopai oojeewaita mag chirʉm. Iruan magʉm nemta wauju khãai, ãba ich iekpai ʉkha nʉm dʉi ichjã khõsinaa dich khapeenjã kha khõsita apiejem.

Efesios 4:14

Mag khai magan ya tag chaain amachig sĩi bʉ̃ʉr mag abaawai parhoobam khʉʉn iek ʉkhakharrso amach khũgurpiejem khʉʉnjo khaba, chikham khũgur aum khõchgau khĩirjug khaug sĩerrjeem khʉʉn beewi Ẽwandam iek chaar khabam maachig jaauchewiajã ʉdʉʉr maadeu dich khũgurpibaju.

Efesios 6:24

Mamʉ mag pãar appai khaba, ar maach Por Jesucristota ogdʉba thãraucha khõsi aajem khʉʉn thumta Ẽwandamag ʉu wai sĩepim khõsi chirʉm. Magdampai ajim pãrag jaaum ig chirarr. Ayoo keena, Pablo

Hebreos 13:20

Muan mʉchdeujã Ẽwandam maach khõinaa phe wai sĩejemʉgta pãar kõit jeeu chirʉm; ajapcharan ar maach Por Jesús, maach Pastor chi ajapcharam, ar chi meem arrta deeu phiriu autarr ag Ẽwandamagma. Ich mag Jesuu khabahab, Ẽwandamau õor dʉi iek deewai jaautarrjo, chadcha ich bagauta õor pekau chugpaawi ʉu peerdʉju ayaa apiejem.

Hebreos 4:13

Mʉg thʉnʉm aig chan pod iwiir ãbmuajã Ẽwandam dau merpʉiju khaba sim. Irigan nem thʉnʉm thum ich dau aig aunaata oo nʉmjo dawaa thʉnʉm. Ẽwandam mag maadeu nem wau nʉmjã thumaa oojem khĩirpheeta maachin dʉnʉnʉid aimaju, maachdeu nem waaujerr thumaa irig meerba jawaag.

1 Pedro 1:8

Pãrau mʉ denjo Jesucristo khĩircha oobajieb mamʉ, pãrau i khõsinaa i iekjã ʉkha nʉm. Maguata atcha oneg nʉm iekhau pod pãrau pãach onegjã jaauju khaugba nʉm, jãga naaimaju khai ya ich dʉicha naaimaawai.

1 Pedro 2:2

Magju khãai ya mag pãar eeu thaababarmjo naawai, ich jãg chaai eeu au khitʉmua jũd doog bĩe khitaajemjo, Ẽwandam iek warag khaugam khõchgauta do dom khõsimjo abat, mag khaugmampierr pãach thãar ajapcha paaukhamamkhĩir. Pãrau chadcha maach Por Ẽwandam pãach dʉi ajapha khitʉm khaphʉ naawai pãach ich aar phe au nʉm ora i iekta khaugam khõsi abat, mag khaug nʉmua warag ag iek gaaita ubʉ naag.

1 Pedro 2:25

Warr Cristo khaugba aajeewain sĩi oveja chaaindam pap chukhu okhoo wenʉrrʉmjota naajim; mamʉ ĩs ya i khaugwi i dʉita naawai, pastorrau ich nemchaain oopaar thʉa wai nʉrraajemjo, ichdeuta maach thʉanaa oopaar wai sim.

1 Juan 4:19

Ich garmuata nacha maach khõchkhatarr aawai ĩsin maachdeujã maadeu i khõsi nʉm.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.