San Juan 20:26 - Wounaan Meu

²⁶ Maimua magtarr khur seman ãb dichwia ẽudeem domighed deeu maar ich ag degcha ãba podpa naajim. Mag ed paawai ich Tomás maar dʉi aig sĩejim. Mag edjã napemjo puertdi phãarkha wai naajim. Pari mag sĩerrta, deeu ũwaai chukhu sĩerr eemuata degolp Jesús maar jãrr dʉnʉʉuchewia, —¿Jãgpai nʉ keena? aichejim.

Woun Meu

²⁶ Maimua magtarr k'ur seman hãb dichwia hẽudeem domighed deeu maar hich hag degcha hãba podpa naajim. Mag hed paawai hich Tomás maar dʌ̈i haig sĩejim. Mag hedjã napemjö puertdi p'ãark'a wai naajim. Pari mag sĩerrta, deeu hũwaai chuk'u sĩerr heemuata dëgölp Jesús maar jãrr dʌnʌʌuchëwia, —¿Jãgpai nʌ keena? haichëjim.

San Juan 20:26 Iomraidhean Croise

San Mateo 17:1

Mag ich Jesús maar dʉi iyʉʉ simua mag maar khapeen ãaur khʉʉnag amach daúa ich oopiju jaautarr khur seis días aadem ee, cerro pom sim gaai petajim. Mag ich mam dʉi phe arrjim: Pedro, Santiago maimua Juan, ich Santiago eeum.

San Marcos 16:14

Maimua ãbmiecharam gaai paawai Jesuu ich khapeen once ãbam aig thach kho narr aig beewia ich oopijim aajem. Maimua iyʉʉmamua amag meeurrau sĩujim anaabá. Mag meeurrau sĩutarran, maan ich iiu phiidʉwi nʉrrʉm ootarr khʉʉnau jaau nʉmjã amach jʉ̃g theegau bʉ̃ʉrjã ʉkhaba arr gaaimuata mag meeurrau sĩujim aajem.

San Lucas 24:36

Mag agtha am ich ag iekpai jũrr jaauphoo thʉnʉm ee chi Jesús am jãrr dʉnʉʉuchewia, —¿Jãgpai nʉ keena? Oob jãphierrmiet, mʉ khabahab aichejim anʉm amag.

San Lucas 9:28

Mag ich khapeen ãaur khʉʉnag amach daúa ich oopiju jaautarr khur seman ãbjo nʉm ee, durrsĩ gaai Ẽwandamag jewaan mamua ich dʉi phe arrjim aajem Pedro, Santiago maimua Juan.

San Juan 11:16

Mag irua oon wettarrau abaawai maar eem ãb maar khapeer am den ibʉʉr wauwia Meís a thʉ̃ʉrjerrau, —Keena, magan maachjã i dʉi wettarrau ajim, i dʉi ãba khechimaag. Irua mag sĩerran, Judeapienau peer ich Jesús thõotarr aarta deeu ogkhaba maagpam igwiata mag sĩejim. Mag Meís anʉm, i thʉ̃r chaar Tomás ajim. Mag, chadcha Jesús mam dʉi maarjã i dʉi wetjim.

San Juan 14:27

Mag iekhamamua, —Mʉchjã onee chiraawai mʉch petaawai pãarjã mua oneenaa khõinaata phepʉajugui ajim. Mag pãar oneenaa khõinaa nʉisim chan sĩi mʉg jẽb gayamjo khũchpai khaba, ich mag nʉisim iekhau ajim. Mag mʉ mam a chirʉm ũrwia oob okhĩirjuu amiet, ni nem okhojã amiet ajim marag.

San Juan 20:19

Ich ag edpai ya edau kheubaadem ee, maar ich Jesús dʉicha wenʉrraajerr khʉʉn ãbam aig ãba biirdʉ naajim. Pari mag biirdʉ nʉmjã judionaan chi thethemnaan okgau puertdi phãarkha wai naajim. Mag nʉm eeta, dubbaichemjã ooba arrta, degolp ich Jesuuta maar jãrr dʉnʉʉubaichewia, —¿Jãgpai nʉ keena? Oob jãphierrmiet; mʉ khabahab aichejim.

San Juan 20:21

Magnaa deeu ichdeupai marag, —Keena, oob jãphierrmiet. Ich jãg mʉ Ayau mʉch pʉitarrjo, muajã õor ee pãar pʉi chirʉmgui ajim, ich ag iekpai mʉchdeu jaaujerrjo amag jaaumkhĩir.

San Juan 21:1

Magtarr khur deeu ũwaai mag thʉrrdo pom sim Tiberias anʉm igaau marag ich oopijim. Mag ich oopitarr mʉg ajim:

San Juan 21:14

Mag mosjã ee maar ich khapeenag ich oopitarr, ich iiu phiidʉtarr khur biek jayapam ajim mag ich oopi sim.

Hechos 1:3

Na mʉchdeu pʉrʉg jaau chirarrjo, makhʉʉn mag ichdeucha jʉr autarr khʉʉnagta õrau i juau thõowi deeu iiu phiidʉtarr khurjã dau daau oberchewi ich oopiejeejim aajem, chadcha ich iiu chirʉm khap amkhĩir. Cuarenta días nʉm ee ich mag ich oopiejeejim aajem. Mag ich oopi simua, jãga Ẽwandamau õor ich denkha auwia ichta am Porkhaajẽ a jaaujeejim aajem amag.