San Juan 20:22 - Wounaan Meu

²² Magnaa “Ẽwandam Akhaar athat” anaa maar ohoodo nʉmʉg phuasirjim. Mag phuasirbarmua Ẽwandam Akhaar marag deebarm ajim.

Woun Meu

²² Magnaa “Hẽwandam Hak'aar hat'at” hanaa maar hohoodö nʌmʌg p'uasirjim. Mag p'uasirbarmua Hẽwandam Hak'aar marag deebarm hajim.

San Juan 20:22 Iomraidhean Croise

San Juan 14:16

Pãrau magmʉn, mʉch Aai aar paawai mua irig pãar athee dewam mʉch jũrr pʉipi jaaujugui ajim, pãar dʉi ogdʉba ich mag pãar khĩir jãsenkha wai nʉrramkhĩir. Ma ich Ẽwandam Akharaugui ajim.

San Juan 15:26

’Pari õrau mag pãar oomapha nʉm ee, mʉchdeu jaau chirarrjo, mʉch ipaarmua mʉch Ayag ich Akhaar pʉipi jaaujugui ajim, pãar khĩir jãsenkhamkhĩir. Mag pierrwain chadau ichta mʉ destigkhajugui ajim, ichdeuta pãrau õrag chadam iek jaaupimamua ĩchab mʉjã jãga chitʉ́ a khaugpimaju aawai. Pari wajapcharan pãachjã mʉ destignaanaugui ajim, mua warrcha mʉch Aai iek jaaubaaderr aigmua pãachta mʉ dʉi ogdʉba wenʉrraawai.

San Juan 16:7

Pari mag mʉ maju a chirʉmʉn, chadcha pãach wajapcha amkhĩraugui ajim. Mʉ maba akhiin, Ẽwandam Akhaar mag pãar khĩir jãsenkhajujã beebaju. Magarrau mʉ petaawain chadau mʉchdeuchata mʉch jũrr mag pãar khĩir jãsenkhajujã pʉijugui ajim.

San Juan 20:21

Magnaa deeu ichdeupai marag, —Keena, oob jãphierrmiet. Ich jãg mʉ Ayau mʉch pʉitarrjo, muajã õor ee pãar pʉi chirʉmgui ajim, ich ag iekpai mʉchdeu jaaujerrjo amag jaaumkhĩir.

San Juan 20:23

Magnaa marag magjim: —Ar amach khaibag isegwi mʉ iek ʉkha nʉm khʉʉnag, “Chadcha pãar pekau Ẽwandamau chugpaabapʉim” abat. Pari Ẽwandam iek ʉkhaba nʉm khʉʉnagan jũrr, “Agtha pãar pekau chan chugpaaba simgui” abat ajim, õor dʉi magamkhĩirta pãrag Ẽwandam Akhaar dee chiraawai.

San Juan 7:39

Mag sim aiguin Jesuu i iek ʉkhabarm khʉʉnaun Ẽwandam Akhaarta auju a sim ajim. Pari maagwai chan agtha chi Ẽwandam Akhaar beeba sĩejim, ich Jesujã agtha ich Aai aar ʉ̃gthar maba sĩerr aawai.

Hechos 10:47

Mag thumaam khʉʉnau amachdeu iekhaba aajerr meupa iekhaphoo thʉnʉm oobaa Pedroou, —Ĩs mʉkhʉʉn wounaanau Ẽwandam Akhaar maachdeu autarrjo athapí, amjã warre ĩchab por choopʉiju aai nʉmgui ajim aajem.

Hechos 19:2

—¿Pãrau Jesús iek ʉkhaawai ĩchab ich Ẽwandam Akhaarjã aujierrá? a jeeujim anʉm. Magbaawai jũrr irig, —Ʉ̃hʉ̃, marau chan mag Ẽwandam Akhaar sim anʉmjã ũrba nʉmgui ajierram aajem.

Hechos 2:38

Magbaawai Pedroou amag magjim aajem: —Thum agdaujo pãach mor ewag khĩirjuwia Ẽwandamag pãach khaibag chugpaapi jeeubat ajim anʉm. Magnaa chadcha Jesucristo iek ʉkhanaa pãach por choopibat ajim anʉm. Pãrau magmʉn, Ẽwandamau pãar khaibag chugpaapʉiwia jũrr ich Akhaarta pãrag deejugui ajim aajem, ichdeu deeju a jaautarrjo.

Hechos 2:4

Mag õtdau khĩirjo simta õor por ʉ̃r dʉrjopkhabarmjo arrau Ẽwandamau ich Akhaarta thumaam khʉʉn gaai phẽs deebarmua agdaujo deeum meu amachdeu bʉ̃ʉrjã iekhaba aajerrta waa iekha nʉrrjee aphobaadejim anʉm, ich chi Ẽwandam Akharau iekhapimampierr.

Hechos 4:8

Magbaawai Pedroou Ẽwandam Akhaar ich gaai phẽs wai sĩerr aawai amag magjim anʉm: —Keena, pãar ar mʉg phobor ee chi porkha nʉm khʉʉn maimua ĩchab mʉg Israel durr Ẽwandamag jeeujem degam jooin, mʉ iek ũrbat, mua pãrag magkhimgui ajim anʉm.

Hechos 8:15

Maimua bardʉtkhaimawi mag Samariapien eeu ʉkha durrum khʉʉn kõit Ẽwandamag jeeujierram aajem, amagjã agjo Ẽwandamau ich Akhaar deebaawai ĩchab wai nʉisimkhĩir.

Gálatas 3:2

Mua pãrag jeeu ookhim, pari jũrran mʉ iek ʉkhabat keen: Pãrau Ẽwandam Akhaar jua theeg pãach gaai aauwai, ¿Moiseeu ley phã pʉatarr ʉʉrkha nʉm gaaimuata aujierrá, wa maach peerdʉajem iek marau pãachig jaautarr ũrwiata aujierráwa?