San Juan 20:21 - Wounaan Meu

²¹ Magnaa deeu ichdeupai marag, —Keena, oob jãphierrmiet. Ich jãg mʉ Ayau mʉch pʉitarrjo, muajã õor ee pãar pʉi chirʉmgui ajim, ich ag iekpai mʉchdeu jaaujerrjo amag jaaumkhĩir.

Woun Meu

²¹ Magnaa deeu hichdëupai marag, —Keena, hoob jãp'ierrmiet. Hich jãg mʌ Hayau mʌch pʌ̈itarrjö, muajã hõor hee pãar pʌ̈i chirʌmgui hajim, hich hag hiekpai mʌchdëu jaaujerrjö hamag jaaumk'ĩir.

San Juan 20:21 Iomraidhean Croise

San Mateo 10:16

Mag maar pʉyaagpamua ĩchab marag magjim: —Mua chadcha pãar pʉi chirʉm, pari mʉ iek ũrbat ajim: Pãran sĩi oveja chaaindam khum nem thʉnʉm ee pʉakhʉʉibapʉimjota abarm, õor khaibagkham eeta wenʉrraju aawai. Magua, mʉch imeerba muan pãragan, khĩirjug khaug ichkhumjota abat a chirʉm. Mag naab mamʉ ĩchab khĩir machag chukhu duburdamjo abat ajim.

San Mateo 10:40

Mag iekhakhagmamua marag, —Pãar mʉ iek jaau wenʉrrʉm aig, õrau ʉuta pãar amach aig baarpinaa pãar iek ũr nʉmʉn magan mʉpata ĩchab ʉdʉʉr amach aig barpi nʉmgui ajim, muata pãar pʉi chiraawai. Mag amau mʉjã amach aig barpi nʉm aig, ich chi mʉ pʉitarr Jooipata barpi nʉmgui ajim, mʉchjã ichdeuta pʉitarr aawai.

San Lucas 24:36

Mag agtha am ich ag iekpai jũrr jaauphoo thʉnʉm ee chi Jesús am jãrr dʉnʉʉuchewia, —¿Jãgpai nʉ keena? Oob jãphierrmiet, mʉ khabahab aichejim anʉm amag.

San Juan 13:20

Ãbmua mag wir aig mʉ khaibag waujup mamʉ, ichiita pãran mua pʉi chirʉmgui ajim. Magua khaphʉ abat: Mua mʉch iek jaaumkhĩir pʉi chirʉmta õraujã ʉu pãar iek ũrm khõsi ũrnaa ʉkha nʉmʉn magan mʉchdeucha jaaubarmta ʉkhabarmjo abarmgui ajim. Mag mʉ iek ũrm khõsi ũr nʉm khʉʉnaun magan ĩchab ich mʉ pʉitarr iekchata ũr nʉmgui ajim ich Jesuu marag.

San Juan 14:27

Mag iekhamamua, —Mʉchjã onee chiraawai mʉch petaawai pãarjã mua oneenaa khõinaata phepʉajugui ajim. Mag pãar oneenaa khõinaa nʉisim chan sĩi mʉg jẽb gayamjo khũchpai khaba, ich mag nʉisim iekhau ajim. Mag mʉ mam a chirʉm ũrwia oob okhĩirjuu amiet, ni nem okhojã amiet ajim marag.

San Juan 20:19

Ich ag edpai ya edau kheubaadem ee, maar ich Jesús dʉicha wenʉrraajerr khʉʉn ãbam aig ãba biirdʉ naajim. Pari mag biirdʉ nʉmjã judionaan chi thethemnaan okgau puertdi phãarkha wai naajim. Mag nʉm eeta, dubbaichemjã ooba arrta, degolp ich Jesuuta maar jãrr dʉnʉʉubaichewia, —¿Jãgpai nʉ keena? Oob jãphierrmiet; mʉ khabahab aichejim.

San Juan 20:22

Magnaa “Ẽwandam Akhaar athat” anaa maar ohoodo nʉmʉg phuasirjim. Mag phuasirbarmua Ẽwandam Akhaar marag deebarm ajim.

San Juan 20:26

Maimua magtarr khur seman ãb dichwia ẽudeem domighed deeu maar ich ag degcha ãba podpa naajim. Mag ed paawai ich Tomás maar dʉi aig sĩejim. Mag edjã napemjo puertdi phãarkha wai naajim. Pari mag sĩerrta, deeu ũwaai chukhu sĩerr eemuata degolp Jesús maar jãrr dʉnʉʉuchewia, —¿Jãgpai nʉ keena? aichejim.

San Juan 3:17

Ẽwandamau mʉ pʉitarr chan, sĩi õor khaibag waupi jaaumkhĩir khaba, sĩi am peerdʉ aumkhĩirta mʉ pʉijimgui ajim irig.

Hechos 1:2

Mua pʉrʉg jaau chirajim ĩchab, mag ich Jesuu ʉ̃gthar maju nawe, Ẽwandam Akharau ichig jaaupibaawai, jũrr irua ich dʉi ogdʉba wenʉrramkhĩir ichdeucha jʉr autarr khʉʉnag, jãga amau nem wau wenʉrraju a jaau pʉatarr.

Hechos 1:8

Mag khãai Ẽwandam Akhaar pãach gaai phẽs sĩeichejuun chad pãrau khaphʉ aju aai nʉmgui ajim anʉm. Mag pãach gaai phẽs sĩeichem ed pãar jua theeg aphobaademua mua nem waaujerr pãach daúacha oonaa mʉ iek pãach jʉ̃gʉucha ũurjerrjã pãrau õrag jaau nʉrrjee aju. Nacha mʉg Jerusalén phobor ee, maigmua Judea durr, Samaria durr, ich mag khĩeb durrpierr jaau wetumua warp durr chaauram magwe pãrau jaau wenʉrrajugui ajim anʉm amag.

2 Timoteo 2:2

Õor khapanag dakhĩir mua jaaujerr pʉchdeu ũrwi khaugtarr iek jũrr ar pʉchdeu oowai chadcha deeum khʉʉnagjã jaau wai nʉnʉʉu ajojoom khʉʉnag jaaupet, magbaawai jũrr makhʉʉnau agjo deeum khʉʉnag jaaumkhĩir.

Hebreos 3:1

Magua hermanonaan, pãar ar Ẽwandam dʉipai wenʉrrʉm khʉʉn, ar maachta ich aar phe awaag ich chaainkha autarr khʉʉn, pãade mʉ iek ũrbat: Jesucristota chadcha ich Ẽwandamaucha ich iek jaaumkhĩir jʉr auwi pʉitarrau. Ichta ĩchab ĩsin warrgar phadnaan por aajerrjo maach kõit Ẽwandam dʉicha iekhaajemʉu. Ʉu i gaaimua maadeu chadcharam iekta ʉkha nʉm.

3 Juan 1:14

Mʉchdeun pʉ dʉi jopcha khĩircha ooju khĩirju chirʉm; maigta maach iyʉʉ aju.