San Juan 20:19 - Wounaan Meu

¹⁹ Ich ag edpai ya edau kheubaadem ee, maar ich Jesús dʉicha wenʉrraajerr khʉʉn ãbam aig ãba biirdʉ naajim. Pari mag biirdʉ nʉmjã judionaan chi thethemnaan okgau puertdi phãarkha wai naajim. Mag nʉm eeta, dubbaichemjã ooba arrta, degolp ich Jesuuta maar jãrr dʉnʉʉubaichewia, —¿Jãgpai nʉ keena? Oob jãphierrmiet; mʉ khabahab aichejim.

Woun Meu

¹⁹ Hich hag hedpai ya hedau k'ëubaadëm hee, maar hich Jesús dʌ̈icha wënʌrraajerr k'ʌʌn hãbam haig hãba biirdʌ naajim. Pari mag biirdʌ nʌmjã judionaan chi t'et'emnaan hökgau puertdi p'ãark'a wai naajim. Mag nʌm heeta, dubbaichëmjã hooba harrta, dëgölp hich Jesuuta maar jãrr dʌnʌʌubaichëwia, —¿Jãgpai nʌ keena? Hoob jãp'ierrmiet; mʌ k'abahab haichëjim.

San Juan 20:19 Iomraidhean Croise

San Mateo 10:13

Chadcha amau mag pãar amach aig jẽerpimʉn, pãach Ẽwandam dʉi khõinaa wenʉrrʉmjo amachjã i dʉi khõinaa naaju. Magbam chan amachta warag Ẽwandam dʉi khõinaa ajujã khaugba nʉisiju.

San Mateo 18:20

Mag jewaagta numí wa thãrjup khãijã ãba biirdʉnaa mʉrʉg jeeu nʉmʉn mʉʉn maig chirʉmgui ajim, am jãrr.

San Marcos 16:14

Maimua ãbmiecharam gaai paawai Jesuu ich khapeen once ãbam aig thach kho narr aig beewia ich oopijim aajem. Maimua iyʉʉmamua amag meeurrau sĩujim anaabá. Mag meeurrau sĩutarran, maan ich iiu phiidʉwi nʉrrʉm ootarr khʉʉnau jaau nʉmjã amach jʉ̃g theegau bʉ̃ʉrjã ʉkhaba arr gaaimuata mag meeurrau sĩujim aajem.

San Juan 14:27

Mag iekhamamua, —Mʉchjã onee chiraawai mʉch petaawai pãarjã mua oneenaa khõinaata phepʉajugui ajim. Mag pãar oneenaa khõinaa nʉisim chan sĩi mʉg jẽb gayamjo khũchpai khaba, ich mag nʉisim iekhau ajim. Mag mʉ mam a chirʉm ũrwia oob okhĩirjuu amiet, ni nem okhojã amiet ajim marag.

San Juan 16:22

Ich jãg ʉʉi chaai machgau noobaadeejemjo, pãarjã nau nʉʉpai awia agjo dau nowaa aphobaadebajup, pari mag nʉm deeu maach oobaawai ũwaai pãar thãar onee aphobaadejugui ajim. Mag pãar onee aphobaadem chan ãbmuajã tag pãar okhĩirjuu apibajugui a jaaumajim marag ich Jesuupai.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 20:21

Magnaa deeu ichdeupai marag, —Keena, oob jãphierrmiet. Ich jãg mʉ Ayau mʉch pʉitarrjo, muajã õor ee pãar pʉi chirʉmgui ajim, ich ag iekpai mʉchdeu jaaujerrjo amag jaaumkhĩir.

San Juan 20:26

Maimua magtarr khur seman ãb dichwia ẽudeem domighed deeu maar ich ag degcha ãba podpa naajim. Mag ed paawai ich Tomás maar dʉi aig sĩejim. Mag edjã napemjo puertdi phãarkha wai naajim. Pari mag sĩerrta, deeu ũwaai chukhu sĩerr eemuata degolp Jesús maar jãrr dʉnʉʉuchewia, —¿Jãgpai nʉ keena? aichejim.

San Juan 21:1

Magtarr khur deeu ũwaai mag thʉrrdo pom sim Tiberias anʉm igaau marag ich oopijim. Mag ich oopitarr mʉg ajim:

San Juan 21:14

Mag mosjã ee maar ich khapeenag ich oopitarr, ich iiu phiidʉtarr khur biek jayapam ajim mag ich oopi sim.

San Juan 7:13

Pari mag iekha nʉmjã sĩi parhooba thumaam khʉʉnag ũrmkhĩir khaba, amach appaita mamag aajeejim anaabá, magʉm gaaimua judionaan chi pornaanau jũrr amach dʉita khaigbaju khĩirjuwia.

Hechos 1:3

Na mʉchdeu pʉrʉg jaau chirarrjo, makhʉʉn mag ichdeucha jʉr autarr khʉʉnagta õrau i juau thõowi deeu iiu phiidʉtarr khurjã dau daau oberchewi ich oopiejeejim aajem, chadcha ich iiu chirʉm khap amkhĩir. Cuarenta días nʉm ee ich mag ich oopiejeejim aajem. Mag ich oopi simua, jãga Ẽwandamau õor ich denkha auwia ichta am Porkhaajẽ a jaaujeejim aajem amag.

Romanos 15:33

Mʉchdeujã pãar kõit jeeu chiraajem, ich Ẽwandam õor khõinaa apiejemuata pãachjã khõinaa wai sĩemkhĩir.

1 Corintios 15:5

Mua pãrag jaaujim, Pedroog ich oopitarr, ag khur doce ich dʉi ogdʉba wenʉrraajerr khʉʉnag ich oopitarr,

Efesios 2:14

Maguata ĩsin Cristoouta maach khõinaa phe wai sĩejem, chadcha maar meeun pãar meeun dʉi khĩet nʉmta ĩsin ichdeuta maach thum khod ãbamjo abapʉim, sĩi maach jãrr serrkau thuur simjo sĩerrta khʉt sĩewerppʉimjo abaawai.

Efesios 6:23

Muan maach Ẽwandam chi Ayau maach Por Jesucristo dʉimua pãar chi hermanonaan thum khõinaata wai naapim khõsi chirʉm. Mag nʉm dʉi ĩchab thãraucha ʉkha naawai pãach eejã thum agdaujo chikham kha khõsi apim khõsita chirʉm.

Filipenses 1:2

Mag gaaimua maach Aai Ẽwandamag jeeunaa maach Por Jesucristoogjã jeeu nʉm, pãar ʉuu wai nʉm dʉi ĩchab khõinaa wai wenʉrramkhĩir.

2 Tesalonicenses 3:16

Maach Por Jesús maach khõinaa apiejemʉgta pãar kõit jeeu chirʉm, pãar wenʉrrʉmpierr ichdeuta pãar khõinaa wai nʉrramkhĩir. Ichchata ich mag pãar dʉi sĩepim khõsi chirʉm.

Hebreos 7:2

Magbaawai Abranau mag reinaan dʉi werbʉwi ichdeu am podpʉiwi, am juagam nem phe urarr eem chi décima parte deejim aajem chi rey Melquisedeeg. Mag rey thʉ̃r Melquisedec aawai, “thumaam khʉʉn dʉi agcha nem waaujem rey” aawaiu. Mag chi phobor thʉ̃r Salem aawai, maach meúan “khõinaa” a simʉu. Mag “khõinaa” anʉm phobor eeta reikha sĩerr aawai chi Melquisedec igwia õrau “õor khõinaa phe wai sĩejem rey” aajeejim.

3 Juan 1:14

Mʉchdeun pʉ dʉi jopcha khĩircha ooju khĩirju chirʉm; maigta maach iyʉʉ aju.

Apocalipsis 1:4

Mʉʉn Juanau. Muata mʉg ẽsap phã deepʉi chirʉm Asia durr phobor siete nʉm ee Ẽwandam iek ʉkha nʉm khʉʉnag. Mua pãar kõit jeeu chirʉm, ichta warrgarwe ich mag sĩerranaa mʉg atagjã ich mag sĩerraju igwia, ich khu juupjem khĩirphee ich Ẽwandam Akhaar sĩerrʉm igwia, maimua Jesucristo chadam iek chaarcha jaauchetarr igwiajã jeeu chirʉm, pãar dau ee aug khaug paraanaa pãar ʉu wai nʉm dʉi ĩchab pãar khõinaa wai wenʉrramkhĩir. Mag Cristota meeba arrjo nacha iiu phiidʉwia mʉg reinaan thʉnʉm khãaijã iek theeg ʉ̃rcha sĩerrʉm. Ich ag Cristota maach daupigau ʉdʉraa ich thõopijim. Magbarmua maach khaibag chugpaapʉiwia