San Juan 20:17 - Wounaan Meu

¹⁷ Mag ich gaai pʉrjopbaimaawaita Jesuu irig, —Oob mʉ gaai pʉrm; agtha mʉ mʉch Aai aar maba chirabahab ajim anʉm. Magnaa jũrr maar ich dʉi wenʉrraajerr khʉʉn igwiata, —Mawia, jũrr mʉ khodnaanag jaaubaimá ajim anʉm, “mʉ mʉch Aai dʉi ãba chiraimaag i aar mam; ich mag Ẽwandampai ĩchab pãar Aai anaa pãar Ẽwandamaugui” a jaaubaimá amag ajim aajem.

Woun Meu

¹⁷ Mag hich gaai pʌrjopbaimaawaita Jesuu hirig, —Hoob mʌ gaai pʌrm; hagt'a mʌ mʌch Haai haar maba chirabahab hajim hanʌm. Magnaa jũrr maar hich dʌ̈i wënʌrraajerr k'ʌʌn higwiata, —Mawia, jũrr mʌ k'odnaanag jaaubaimá hajim hanʌm, “mʌ mʌch Haai dʌ̈i hãba chiraimaag hi haar mam; hich mag Hẽwandampai hĩchab pãar Haai hanaa pãar Hẽwandamaugui” ha jaaubaimá hamag hajim haajem.

San Juan 20:17 Iomraidhean Croise

San Mateo 12:50

Mʉrʉgan mʉ Aai ʉ̃gthar chiraajemua khõsimjo nem wau nʉm khʉʉnta mʉ ãd anaa mʉ ʉ̃phʉʉinau, maimua ĩchab makhʉʉnta mʉ khodnaanaugui ajim, ich Jesuu.

San Mateo 25:40

Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.

San Mateo 28:7

Magnaa amag, Ereubaadet, maimua i khapeen aar, “ya iiu phiidʉwi pãar na Galileaag petajim, nau jamta pãrau i ooimajugui” a jaaubaimat ajim anʉm chi Ẽwandam chogau.

San Marcos 12:26

Mag õor otarr khʉʉnjã deeu iiuju khap aag ¿pãrau Moiseeu Ẽwandam iek phã pʉarr gaai thʉ̃rba aajẽ? Ag gaai Ẽwandamau Moiseeg, “Mʉʉta pãar jooin Abrán khararr Ẽwandam anaa ĩchab jooi Isá khararr ag Ẽwandamau, maimua Jacob khararr denjã agjo” a sim.

San Marcos 16:19

Jesuu ich bʉ ogdʉba aajerr khʉʉnag mag jaau aaipabaadeewai ich Ẽwandamaucha maach Por Jesús ich aar aujim anaabá, ʉ̃gthar. Mag Jesús ʉ̃gthar pabaimaawai warre ich Ẽwandam bigaau i juachaar garta jupimajim aajem, ag nawe ichdeu amag jaaujerrjo.

San Lucas 10:4

Pãach jua kharr ereubaadet: phatkhon chukhu, putdijã chukhu, maimua zapatdamjã pãach bʉ gayam appai athaadet. Khʉdau ee õor oowaijã iyʉʉ dʉnʉnʉidʉ nʉʉ aba dichpetat ajim anʉm.

San Juan 13:1

Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdeu mʉg durr werpʉawi deeu ich Aai dʉi ãba sĩeimaju ed pabaadem. Thum mʉg jẽb gaai maar ich denkha durrarr khʉʉnan bʉ̃ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdeu maar khõsi sim khaphʉ apijim.

San Juan 13:3

Jesuu khaphʉ sĩejim, ich Ayau ichigta nem thum jaaunaa ʉ̃gtharmua ich pʉitarr aawai deeu i aar maju.

San Juan 14:2

Magnaa, Mʉ Aai sim durran di khapan õor joobaju pooma thʉnʉmgui ajim. Mag õor joobaju pom chukhu akhiin, mua pãrag, “Mʉʉn pãar naaimamkhĩir di khĩir khaugaagta pãar na mam” abakhamgui ajim.

San Juan 14:28

Pãrau mʉ iek ũrjierramgui ajim, mʉ mʉch Aai aar mawia deeu pãach aig beeju a chirʉm, pãar dʉi chitaag. Pãrau chadcha mʉ khõsi nʉm akhiin, mag mʉ mam a chirʉm ũrwiajã pãar onee naakhamgui ajim, mʉch Aai mʉch khãaijã ʉ̃rpai sim dʉita chiraimaawai mʉch Aai dʉi ãba mʉchpata õrau tho iekhaju aawai.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 16:28

Mʉʉn chadcha mʉch Aai aar i dʉi ãba chirawiata mʉg durr gaai beejim. Magtarr aawai mʉg durr pʉawia ũwaai mʉch Aai aar maagpamgui ajim.

San Juan 17:11

Magnaa, “Tata, mʉ chan tag mʉg durr gaai chitabajugui ajim, deeu pʉ dʉi ãba chiraag ũwaai pʉ aar maagpaawai. Pari mʉ khapeen chan wetba, ich mʉig eegar nʉisijugui ajim, maar igwia. Maagwai pʉrʉgta am kõit mua jeeu chirʉmgui ajim, pʉchpaita thumaam khʉʉnau ee aju aai naawai. Pʉch iekhau pua am chig apiba, pʉchdeu mʉrʉg deetarr jua theegau am thʉa wai chirsí ajim, ich jãg maach numijã o ãba nʉmjo amjã ich mag o ãba wenʉrramkhĩir.

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:5

Nau mʉgtarr khur deeu mʉ pʉch aar pabaimaawai, warr mʉg durr ompaaju nawe mʉchta pʉch dʉi ãba nem iek theeg chi Porkha chirarrjo, ũwaai mʉrʉg agjo iek theeg apinaa chi Porkhapibá a jeeumajim ich kõitpai.”

San Juan 20:27

Mag iekhachewia, Tomaag eerpanaa, i thʉ̃rcha thʉ̃rnaa, —Pʉde mʉ jua ee clab meerphetarr oobá; ag eecha juau jʉrkha oobahur ajim. Magnaa mʉ ãi thutkhereu sutarr eejã agjo jʉrkha oobá ajim. Magnaa, Jãgbaawai khaita ʉkhaju. Oob tag ʉkhabam a chitamgui ajim irig.

San Juan 7:33

Pari mag ich pʉr aumkhĩir ich aar õor pʉi nʉmjã ich Jesuu khaphʉ sĩerr aawai amag, —Khũchpaita pãar dʉi mʉ mʉig eegar chitabahab. Mʉʉn deeu mʉch pʉitarr aar maju chirʉmʉugui ajim.

Romanos 8:29

Mag ichdeu maach thʉ̃rkha auju nawe, agtha mʉg durr gaai õor chukhu nʉwe, ichdeun ich iek ʉkhaju khʉʉn khaphʉ arr aawai, makhʉʉnta ich Chaai wajapha khitʉmjota wajaug paapʉiju aadejim, magbarm gaaimua ich Chaaita ewag pawiajã wajaug paakhabarm khʉʉn ag naam chi jooikha sĩsimkhĩir.

2 Corintios 6:18

magbaawai mʉchta pãar Aaikha chirsiewai pãar jũrr mʉ chaainkha nʉisiju” a sim Ẽwandam maach Por chi jua thierriu. (2 S. 7:14; 1 Cr. 17:13; Is. 43:6; Jr. 31:9)

Gálatas 3:26

Ya ĩsin mag ich Jesucristo iekta thãraucha ʉkha nʉm gaaimua maachin thumta Ẽwandam chaainau.

Hebreos 11:16

Mamʉ amau ig narran, mʉig eegarm khãaijã durr ajapcharamta ig naajim; ajapcharan ich Ẽwandam sim aram durrma, ʉ̃gthar. Maguata ich Ẽwandamaujã chigag chukhu amag, “Mʉʉta pãar Ẽwandamau; mʉch dʉi joobamkhĩir durr ajaphamta mua pãar athee khĩir khaug wai chirʉmgui” ajim anaabá.

Hebreos 8:10

“Deeu mua israelnaan dʉi iek deebarmʉn mʉgta ajugui” ajim anʉm: “Mʉchdeu am dʉi iek deebarmʉn mua warre am thãar ee phã sĩubarmjota ajugui” ajim anʉm “mʉch ipierraa am khõsi ipierraa amkhĩir. Mʉchta am Ẽwandamkha chirsiewai amach jũrr mʉ õorkha nʉisiju.

1 Pedro 1:3

Mua ʉu ajim a chirʉm maach Por Jesucristo Aai Ẽwandamag, ʉu ichdeuta maach dau aug khaugwi maach akhaar dich pekau ee chi khechamjo narrta ʉu peerdʉ auwi ich chaainkha autarr aawai. Mag i chaainkha nʉmʉn, ʉu Jesucristojã deeu phiidʉtarr gaaimuata mag i chaainkha naawai,

1 Juan 3:2

Cristo gaaimua khodamnaan, ya maachin chadchata Ẽwandam chaainau. Mʉʉgwaiwe chan maadeu khaugba nʉm, jãga nʉisiju khai mʉg atag pawiajã; ãba maadeu khaphʉmjo nʉmʉn, Cristo dʉnʉʉubaichem ed maach ichjo aphobaadejupaita khaphʉ nʉm, ya mag edan dau daau khĩirchata i oophobaadeju aawai.

Apocalipsis 21:3

Magbarm ee ʉ̃gtharmua nem theeg õor iekjo, “Ĩsin chadau Ẽwandaman õor ee dau daauta nʉrrʉmgui” ajim, “am kha ogdʉba ich mag sĩerraag. Am i phoborkha nʉisiewai jũrr ichta chadcha am Ẽwandamkha sĩsiju.

Apocalipsis 21:7

Ar ogkhaba amach garmua podpʉi nʉm khʉʉnaun, mʉ juagam nem thʉnʉm thum amachdeuta auju. Mʉchta am Ẽwandamkha chirsiewai jũrr amach mʉ chaainkha nʉisijugui ajim.