San Juan 20:16 - Wounaan Meu

¹⁶ Magbaawai Jesuu ich thʉ̃r gaaichata irig, —María ajim anʉm. Mag ich thʉ̃rcha ich thʉ̃rbaawaita wajapcha deeu ewag phʉʉrbanaa irig ich meúata, “Raboni, pʉchpama” awia, khaug athaawai onegau i gaai pʉrjopbaimajim aajem. Mag Raboni aawai maar judionaan meúa Maestro aawaiu.

Woun Meu

¹⁶ Magbaawai Jesuu hich t'ʌ̃r gaaichata hirig, —María hajim hanʌm. Mag hich t'ʌ̃rcha hich t'ʌ̃rbaawaita wajapcha deeu hewag p'ʌʌrbanaa hirig hich meúata, “Raboni, pʌchpama” hawia, k'aug hat'aawai honegau hi gaai pʌrjopbaimajim haajem. Mag Raboni haawai maar judionaan meúa Maestro haawaiu.

San Juan 20:16 Iomraidhean Croise

San Mateo 14:27

Pari magbaawai ich Jesuu, —Keena, oob jãphierrmiet; mʉ khabahab ajim marag.

San Marcos 10:51

Mag chadcha ich aar dʉnʉʉubaimaawai Jesuu irig, —¿Khani pua mʉrʉg pʉch dʉi apim khõsi chirʉ́? a jeeujim anʉm. Magbaa chi daudam khĩsu khitʉm garmua jũrr irig, —Maestro, muan pʉrʉg mʉch dauta monaaupʉipim khõsi chirʉmgui ajim anaabá.

San Lucas 10:41

Magbaawai Jesuu irig, —Marta, chadcha pʉ jua dʉrr khaba thʉnʉm mua khaphʉ chirʉmgui ajim anʉm. Ajapha õor jãhog aum khõchgau pʉ khĩirjugan nem thumaa wauju appaita khĩirju buburrkham.

San Juan 1:38

Mag dichmamua ewag oowai, maar ich ẽudee wetum khaug athaawai marag, —¿Pãar khanta jʉr wenʉrrʉ́ma? ajim. Magbaawai marau jũrr irig, —Maestro, ¿pʉ jam chiraajẽ? ajim.

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 10:3

Magʉg mag chi oveja ierr phãarkha thʉnʉm puertdi aig simuajã ʉdʉraa dubpijugui ajim. Mag dubwi chi pastor amach oo phe wai nʉrraajemua aawai amach thʉ̃r gaai thʉ̃rbaimaawai amachdeujã i khaug aaujerram. Mag warag dawag phe arrwia

San Juan 11:28

Maimua Jesús dʉi mag iekha dʉnaawia, chi Martaau ich eeum aar mawia, okharii i kach gawaa, —María, maach Maestro ya chum phobor igaau sĩeichem. I iek pʉ dʉi iekhaag aajemgui aimajim aajem.

San Juan 13:13

Chadcha pãrau mʉrʉg Maestro anaa Señor aajem; pãrau mag nʉm aig agchata iekha nʉmgui ajim.

San Juan 20:28

Magbaawaita Tomaau ichigcha, —Señor, pʉʉta mʉ Por anaa mʉ Ẽwandamaugui ajim.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 5:2

Mag Jerusalén phobor ee dubaag “Ovejanaan Puertdi” a thʉ̃r sim dakha thʉ̃rrdo juau wautarr estanque anʉm sim. Mag thʉrrdo thʉ̃r hebreonaan meúa Betesda aajem. Mag thʉ̃rrdo igaau pórticos anʉm cinco naajim.

San Juan 6:25

Maimua mag wetwia chadcha ag khĩirphee Jesús sim oobaimaawai irig, —Maestro, ¿khan orata pʉ mau pabaadejĩma? ajierram.

Hechos 10:3

Biek ãb edau phʉʉibaajer kheeuragam las tresjo nʉm ee í Ẽwandamag jeeu chirʉmta, khãi athamjo abarm ee oowai, Ẽwandam chog ʉ̃gtharmua beewi, dau daau i chirʉm aar dubwi irig, —Cornelio aichejim anʉm.

Hechos 9:4

Mag phʉr jẽer athamua warre Saulo phãr werppʉimjota jẽkhʉt buju aimajim aajem. Mag jẽkhʉt panaa ũurwai õor chukag eemuata irig, —Saulo, ¿khantheeta pua jãgcha jãg mʉ iek ʉkha durrum khʉʉn khaibag wawaag am ẽudee ẽkha nʉrrʉ́ma? a sĩejim anʉm.