San Juan 20:1 - Wounaan Meu

¹ Maimua mag jua ʉ̃i kheutarr noram, domighed edpherre agtha phãphãrk khitwe, María Magdalenaau i aukhertarr aar oon majim aajem. Mag mawia irua ooimaawai, chi jẽbdi i ee mokpor pom joothʉ sĩerr chawag pʉreupʉi thʉnʉm ooimajim aajem.

Woun Meu

¹ Maimua mag jua hʌ̃i k'ëutarr noram, domighed hedp'erre hagt'a p'ãp'ãrk k'itwe, María Magdalenaau hi hauk'ërtarr haar hoon majim haajem. Mag mawia hirua hooimaawai, chi jẽbdi hi hee mokpör pöm joot'ʌ sĩerr chawag pʌrëupʌ̈i t'ʌnʌm hooimajim haajem.

San Juan 20:1 Iomraidhean Croise

San Mateo 27:56

Mag warpmua oo narr ee naajim: María Magdalena, ãbakhai María, Santiago dʉi Josenaan am ãd, maimua jooi Zebedeo chaain ãdjã dʉi aig sĩejim.

San Mateo 27:60

ag nawe ichdeu ich athee durrbʉ khõpag ee jẽbdi iiur khorpitarr ee aukherthurjim, wajapcharan ich jẽb gaaima. Magnaa mokpor pom simua chi jẽbdi i ee wajapha joothʉ pʉawia igbaadejim.

San Mateo 27:64

Magtarr aawai khãai thãrjup soldaaunag chi jẽbdi aig thʉapibá; magba akhiin eeu degolp chi khapeenau edaar beewia, chi binaan amach jua khap ausĩunaa, naspawia chadchata deeu iiu phiidʉjim adukham. Magta aju atheen magan warram khãai warag atchata seukha nem jaau nʉisijugui ajierram aajem, Pilatoog.

San Mateo 27:66

Magbaawai chadcha soldaaun phe arrwi mag chi jẽbdi ee mokdau joothʉ sĩerr ʉ̃rjã wajapha dusnagjo simua jʉʉrthʉpʉijierram anaabá. Magnaa chi soldaaunag khãai thãrjup ogdʉba aig thʉapi jaaujierram aajem.

San Mateo 28:1

Jua ʉ̃i kheutarr noram, domighed edpherre agtha khĩsu nʉwe María Magdalenaau deeum ʉʉi agjo María a thʉ̃r sĩerr dʉi Jesús aukhertarr jẽbdi aar oon wetjim aajem.

San Mateo 28:2

Mag nʉm ee Ẽwandam chog ʉ̃gtharmua beewi mag mokpor chi jẽbdi ee joothʉ sĩerr chaaug pʉreubapäaiwai ʉʉur theega duuijim. Mag chi mok chaaug pʉreupʉiwia warag ag ʉ̃r oo sim ooimajierram aajem.

San Marcos 15:46

Magbaawai Joseeu dĩesdam per auwia, mawia, mag Jesús chi meemdam pakuls gaaim eeg jiir aunaa agua ajapha pʉreupʉijim aajem. Magnaa ag nawe jẽbdi durrbʉ khõpag ee chi khorm sĩerr ee aukherwia chi jẽbdi i ee ajapha mok por pom simua joothʉ pʉajim aajem.

San Marcos 16:9

Maimua mag domighed ãspaau Jesús iiu phiidʉwia María Magdalenaagta nacha ich oopijim aajem, i aig oberchewia. Ich mag ʉʉi mor eem ajim aajem, ag nawe ich Jesuu mepeen khaigbam khʉʉn siete dau daau jʉrkhʉʉipʉitarr.

San Juan 11:38

Mag mawia ya chi aukhertarr aar pabaimaawai deeu gaai machag aadejim. Chi binaan aukhertarr jẽbdi, nawe durrbʉ ee chi khorm ajim. Mag simta mok por pom simuata sĩi chi jẽbdi i ee joothʉ wai naajim.

San Juan 11:41

Mag chi mok chawag pʉreupi jaautarr aawai chadcha chawag pʉreupʉijierram. Magbaawai Jesuu ʉ̃gthaag eerpanaa Ẽwandamag, —Tata, mua pʉrʉg ʉu ajim a chirʉmgui ajim, mʉg mʉchdeu jeeu chirʉm pua ʉu mʉ iek ʉkhabaawai.

San Juan 19:25

Mag chi Jesús sim pakuls ag bʉkhʉrr dakha ich Jesús ãdjã sĩejim. Mag tag ʉʉin naajim: ich Jesús ãd ag eeum, jooi Cleofas ũan María, maimua agjo ãbakhai María Magdalena anʉm. Maig mʉjã am dʉi chirajim, i ãd bigaau.

San Juan 20:26

Maimua magtarr khur seman ãb dichwia ẽudeem domighed deeu maar ich ag degcha ãba podpa naajim. Mag ed paawai ich Tomás maar dʉi aig sĩejim. Mag edjã napemjo puertdi phãarkha wai naajim. Pari mag sĩerrta, deeu ũwaai chukhu sĩerr eemuata degolp Jesús maar jãrr dʉnʉʉuchewia, —¿Jãgpai nʉ keena? aichejim.

Hechos 20:7

Domighed pan thorreuwi ãba khoju arr aawai maar ãba podpa nʉm aig Pabloou chi ʉkha durrum khʉʉn dʉi iyʉʉ simua amag Ẽwandam i jaau sĩejim. Mamʉ ich Pablo ag noram ãspaau maju arr aawai mag ijẽjẽbkhamua ya edacha pamaa ajim.

1 Corintios 16:2

Domighed paawai agdaujo pãachdeu ganmampierr phiepetat; maagwai ya wai naawai, mʉ barbaimaawaita eeupemjo mag phatkhon jʉrjʉr abaju.

Apocalipsis 1:10

Mag mʉ preso chirʉmta biek ãb domighed ich Ẽwandam Akhaarta mʉ gaai phẽs aicheewai, mʉ dau eerthʉg athamjo abarm ee, trompeta iekjota nem jẽbag mʉ eugarmua mʉrʉg iekhachewia,