San Juan 2:4 - Wounaan Meu

⁴ Magbaa chi chaairau irig, —¿Pua khanthee mʉrʉg mag sĩ? Mʉch nem wau chitʉm gaaimua agtha õrag mʉch khaugpiju ora khaba sĩebahab ajim ich ãdag.

Woun Meu

⁴ Magbaa chi chaairau hirig, —¿Pua k'ant'ee mʌrʌg mag sĩ? Mʌch nem wau chitʌm gaaimua hagt'a hõrag mʌch k'augpiju hora k'aba sĩebahab hajim hich hãdag.

San Juan 2:4 Iomraidhean Croise

San Mateo 15:28

Magbaawaita, —¡Joo! Jãgan chadchata mua pʉch chaai monaauju khaphʉnaata pua ʉkha ʉmgui ajim. Magan chadcha pʉchdeu jaau simjo pʉ chaai monaauju ajim irig Jesuu. Mag, chadcha Jesuu mag iekhabarm bʉrre chi chaai monakkha aadejim aajem.

San Mateo 8:29

Mag i dakha beewi i thʉ̃rcha thʉ̃rthʉ̃rnaa irig, —Jesús, Ẽwandam Iewaa, ¿khantheeta pʉ maar dʉi mʉgbaichema? Mʉʉgwaiwe chan oob maar chig a chiram ajierram anʉm, mag chi dosãt ben wai narr khʉʉnau.

San Lucas 2:49

Magbaawai chi chaairau amag magjim anʉm: —¿Pãrau khaugbata nʉ, mʉ mʉig mʉch Aai iek õor dʉi ig iyʉʉ chiraju aai chirʉm?

San Juan 12:23

Mag wetwia judionaan khabam khʉʉnau ich jʉr wenʉrrʉm a jaaubaicheewai amjã peerdʉ awaag ʉdʉraa ich thõopiju jaaubaademua magjim: —Ya ĩsta chadcha mʉch chi Emkhooi Iewaa chikhamnau thõoju gayaa pamamgui ajim, mag amau mʉ thõobarmua mʉchta Ẽwandamau thumaam khʉʉn khãaijã ʉ̃rpai apieg.

San Juan 13:1

Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdeu mʉg durr werpʉawi deeu ich Aai dʉi ãba sĩeimaju ed pabaadem. Thum mʉg jẽb gaai maar ich denkha durrarr khʉʉnan bʉ̃ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdeu maar khõsi sim khaphʉ apijim.

San Juan 2:3

—Vino thumaa obaademwai ajim.

San Juan 20:13

Mag amachig ober oo nʉʉ abaawaita mam ierrmua irig, —¿Pʉ khantheeta bĩe ʉma? ajierram aajem. Magbaawai irua, —Maar Por Jesús mʉg ee wai narr chukkhu thʉnaawaita bĩe ʉm. Khaugbam jamagta athaaderram khai a ʉajim aajem jũrr amag.

San Juan 20:15

Mag ichig oo nʉʉ abaawaita ich Jesús garmua irig, —¿Khanthee bĩe ʉma? ¿Pʉ khaita jʉr ʉrrʉ́? ajim anʉm. Ichig magbaawai sĩi chi nemjĩirdo thʉajempii awia chi Mariaau irigta, —Pʉchdeuta arrtarr khai, mʉrʉg jaaubá, mua i awaan maag. ¿Jampaita pua i deethurjĩ? ajim anʉm.

San Juan 7:30

Amachig magbapäaiwai warag i pʉr auju khĩirjujierram. Pari agtha Ẽwandamau i pʉr aupiju ora khaba arr aawai ni ãbmuajã i pʉr auba, sĩi ich magpai sĩujierram.

San Juan 7:6

Ich eeugpeenaupai ichig magbaawai Jesuu amag, —Pãragan ora thum wajaphamgui ajim, phiesta ee maag. Pari agtha mʉch maju ora khaba sĩewai mʉʉgwaiwe chan mʉ mabamgui ajim.

San Juan 7:8

Magnaa amag, Pãachta pãach phiesta ee wetjurauma ajim. Mamʉ agtha mʉch maju ora khaba aawai mʉʉgwaiwe chan mʉ mabamgui ajim ich eeugpeenag.

San Juan 8:20

Jesuu mag iekhamarr, Aai i jeeujem deg ofrenda phewi ag ãkhaajem aigta mag iekhamajim, ichpai jaau simua. Pari agtha i pʉr auju ed khaba arr aawai mag ichpai jaau sĩerr gaaimua i pʉr aum ig narrjã ãbmuajã i pʉr aubajim.

2 Corintios 5:16

Warran muan chadcha Cristo sĩi parhoobam khʉʉnjopaita simpii chirajim, pari ĩs ya i iek ʉkha chiraawai mua khaphʉ chirʉm, í chadcha Ẽwandam Iewaau. Magua warramjo khaigba khĩirjuba chitaawai mua chan sĩi parhoobam khʉʉnau iekhaajemjo õor eugar “Jãkhʉʉnan magta sĩerrjeem” a jaauba chitʉm.